الموضوع: مقارنة كل العربيات سعر 160 - 215 الف ((استرا-كورولا-فلوانس-فوكس-سيراتو-سيفيك-النترا))

المشاركة الأصلية كتبت بواسطة melsaber

مجهود رائع مشكور ,, جزاكم الله خيرا
وارجو منكم المساعده ( ان شاء الله هاغير عربيتي اليومين دول وروحت اتفرجت علي كل العربيات المذكوره باستثناء الالنترا ,,,, استقريت اخيرا علي واحده من تلاته 1-استرا 185 ,,2-فلؤينس 179 ,,3- فوكاس 187 اللي هي مذكوره في التقرير بسعر 195 ( عبد اللطيف جميل رخص سعر الفورد ونزل سعر الفايده بالنسبه للتقسيط ,,شكله هينافس بقوه) المهم مشكلة الاسترا اللي انا شفتها ان الصالون الخلفي ضيق فعلا و كمان الفئه دي ناقصه اوبشنز كتير , الفلوينس عربيه رائعه ولا شك اوبشنز كتير وبسعر نسبيا معقول و صالونها واسع ولكن للاسف بالنسبه لي فيها عيب مهم ,,,, انها مع اخويا ومعاه واجمد لون فيها من وجهة نظري المتواضعه اللي هو الموكا (البني) زائد اني شايف ان عزلها نسبيا مش عالي ,, يعني كنت راكب معاه والعربيه مقفوله كويس والتكييف شغال وعدينا علي دخان فشميت ريحته جوه العربيه ,,, وكمان نسبيا صوتها عالي شويه , باقي الفوكاس للاسف ماعرفش حاجه عن ادائها علي الطريق وان كان شكلها عجبني جدا من بره ومن جوه , اوبشنز اقل شويه من الفلوينس بس مش فقيره يعني , هي اقرب واحده فيهم بالنسبه لي ..... بس محتاج حد يعرفني ادائها ع الطريق والثبات واستهلاك البنزين والوكيل كويس ولا وحش واسعار الصيانات وقطع الغيار ,,, وترشيحاتكم ونصايحكم هتحدد لي بشكل كبير اجيب ايه
..... اسف علي التطويل ,, منتظر المشاركه و جزاكم الله خيرا

الفوكاس عربية رائعة وادائها على الطريق حلو أوى وطبعا ثبات ممتاز. قطع الغيار أسعارها عادية بالنسبة لمنافستها وما اعرفش الوكيل اخباره إيه.
وعلى فكرة صالون الفوكاس أضيق من الأسترا.