مقارنة كل العربيات سعر 160 - 215 الف ((استرا-كورولا-فلوانس-فوكس-سيراتو-سيفيك-النترا))

**yasser100** · 20-03-2015 08:00 AM

المشاركة الأصلية كتبت بواسطة tamer elkateb

انا مش فاهم بصراحة ازاى مفيش حاجة غلط.. ازاى مجموع النسب المئوية يبقى اكبر من 100%؟! ممكن الواحد يصوت لاكتر من عربية لكن فى الاخر النسب المئوية تبقى على المجموع الكلى للاصوات.

كل الفكره انه لو فيه شخص واحد صوت لاكتر من عربيه بيعتبر فى المجموع كشخص واحد . يعنى لو واحد صوت ل 3 عربيات هو فى الحساب للمجموع الكللى للاشخاص واحد مش 3 . و اعتقد انها ما فيش فيها مشكله كناحية استطلاع رأى مش عمليه احصائيه او حسابيه .

**tasaka** · 28-03-2015 05:16 AM

المشاركة الأصلية كتبت بواسطة eng.mark

عندي سؤال بعد إذنك .... انت ليه مادخلتش السوبارو امبريزا في المقارنة ؟

امبريزا ممتازه و لكن غير معروفه للناس

اختار سيفك و كورولا و ممكن الاسترا كمان

**ahmzd** · 13-04-2015 11:30 PM

المشاركة الأصلية كتبت بواسطة yasser100

كل الفكره انه لو فيه شخص واحد صوت لاكتر من عربيه بيعتبر فى المجموع كشخص واحد . يعنى لو واحد صوت ل 3 عربيات هو فى الحساب للمجموع الكللى للاشخاص واحد مش 3 . و اعتقد انها ما فيش فيها مشكله كناحية استطلاع رأى مش عمليه احصائيه او حسابيه .

بس أعتقد الأفضل إنه يكون لكل واحد صوت واحد بس لعربية واحدة بس.. والله أعلم.

**elmisseery** · 22-04-2015 09:00 PM

مقارنة غاية في الروعة
سؤال مهم fluence high line or astra highline ??

**elmisseery** · 22-04-2015 09:12 PM

مقارنة غاية في الروعة
سؤال مهم عشان محتار
fluence highline or astra highline

**ضابط جيش 106** · 24-04-2015 07:37 PM

مش عارف اقرر ميال اوي للاسترا كوزمو وعقلي بيقولي كرولا مع العلم اني هجيب الهاي لاين فالكرولا

**Omar Sarray** · 25-04-2015 07:14 PM

بنسبه ليا انا السيراتو واشكر موضوعك ومجهودك الجميل

**Omar Sarray** · 18-06-2015 02:26 AM

ارجو ان يتم تصليح فى كماليات سيراتو اعلا فئه لان متعلم عند الكاميرا تاتش لا يوجد لا هيا الاصح اعلا فئه فيها كاسيت تاتش تحياتى ليك

**أحمد محمد** · 25-06-2015 10:59 PM

بالنسبة لسنة 2015

أظن أعلاهم في مجموع الإمكانيات والكماليات يكون بالترتيب التالي:

1 - كيا سيراتو
2 - هيونداي إلانترا
3 - رينو فلونس
4 - تويوتا كورولا
5 - فورد فوكس
6 - أوبل أسترا
7 - هوندا سيفيك

وهذا لا يأخذ في الاعتبار ظروف التوكيل ومستوى الخدمة والتعامل مع العملاء وأسعار قطع الغيار، إلخ. بالإضافة لأداء السيارة الفعلي.

وبالتالي أعطي صوتي للكيا.

وحبذا لو كان انضم إليهم أيضًا في هذه المقارنة المازدا 3، فهي من نفس الفئة وإمكانياتها أيضًا جيدة.

**Tamer Elkateb** · 22-07-2015 06:26 PM

يا جماعة انا عندى ملاحظات على الكورولا 2015 ومش عارف ان كانت دى حاجات عامة ولا عندى بس لكن انا شايف ان ضميرى يحتم عليا انى اعرف الناس. انا استلمت العربية من اكثر من 3 اشهر. وانا ملاحظ زيادة تدريجية غير مفهومة فى استهلاك البنزين. انا عارف ان استخدام التكييف بياثر بس مش للدرجة دى! العربية دلوقت بتعمل 10.8 كيلو فى اللتر على الكمبيوتر وده معدل سئ من وجهة نظرى. انا برضه ملاحظ ان التكييف تعبان جدا. انا كان عندى زمان سفيك ومفيش وجة للمقارنة خالص ده حتى مراتى عندها هيونداى وتكييفها احسن بشكل واضح. افيدونا افادكم الله انا بصراحة خايف اكون اخدت خازوق ثمنه 200 الف جنيه. انا كنت ناوى على الفلوينس وبعدين قلت العب على المضمون بس يظهر انا كنت غلطان!!