السلام عليكم
انا بفكر اجيب بطارية صغيرة 10 امبير مثلا اشغل عليها الراوتر فقط لا غير فى حالة انقطاع الكهربا
قهل ينفع الشحن ببساطة على الادابتور
ولا الموضوع معقد ؟؟
السلام عليكم
انا بفكر اجيب بطارية صغيرة 10 امبير مثلا اشغل عليها الراوتر فقط لا غير فى حالة انقطاع الكهربا
قهل ينفع الشحن ببساطة على الادابتور
ولا الموضوع معقد ؟؟
علشان البطارية تشحن لازم يكون جهد المصدر اكبر من جهد البطارية۔ لان التيار بيمر من الجهد الاعلى للجهد الاقل۔ وبيقل مرور التيار تدريجيا حتى يتساوى الجهد في المصدر والبطارية فيقف سريان التيار۔
لذلك علشان تحصل على شحن كامل لبطارية 12 فولت المفروض تستخدم ادابتور اعلى من 12 فولت۔
ثانيا الادابتور الواحد امبير حيكون صغير ۔ لانه هيشحن البطارية ال 10 امبير/ساعة في 10 ساعات لو مفيش اي حمل اخر۔ انما مثلا لو متوصل معاه راوتر بيسحب نصف امبير يبقى زمن الشحن حيوصل ل 20 ساعة۔ ولو الراوتر بيسحب واحد امبير يبقى البطارية مش هتشحن نهائيا۔ دا طبعا بافتراض ان مفيش اي losses لكن الزمن الفعلي حيزيد عن كدة من 20 - 40%
رايي الشخصي انت محتاج ادابتور 7۔13 فولت 2 امبير۔ اكتر من كدة حيقصر عمر البطارية لان تيار الشحن الامن يفضل الا يتعدى 10% من سعة البطارية۔
جزاكم الله كل خير
انا معنديش مشكلة فى وقت الشحن يعنى 10 ساعات عادى مش مستعجل
و الادابتور للبطارية فقط مش متوصل معاه حاجة تانية
-
-
لكن هل فى طريقة مبسطة لرفع الفولت ال 13.7 ؟؟
-
-
سؤال كمان ازاى اعرف ان البطارية اتشحنت بالكامل ؟؟؟
معلش كمان سؤال هى البطارية دى بكام ال 10 امبير دى
و هل دى اقل حاجة ولا فى اقل من كده ؟؟؟
البطارية غالية
الاوفر بطاريتين من بتوع كشاف الشحن يتوصلو توالي هيكون عندك بطارية جافة 12 فولت 4.5 أمبير
الراوتر بيسحب 300 مللي أمبير
يعني البطارية هتشغله حوال 10 ساعات
اسهل طرقة فك الأدابتور واشتال المكثف من جواه وبكدا هيبقى شاحن وهيشحن بطارية العربية كمان لو عايز بس هيحتاج وقت
لو محتاج مساعدة أنا في الخدمة
انا من أجا
شكرا جزيلا
انا من السنبلاوين على فكرة ...
بطارية الكشاف دى بكام الواحدة و بتتباع فين ؟؟؟
و برده بطارية الموتوسيكل دى بكام ؟
سبحان الله انا و انتا من بلد واحدة و انا كنت بسال نفس السوءال بس محدش رد عليا عموما حصلى الشرف بمعرفتك ... انا كنت سالت واحد بتاع اجهزة كهربائيه عن شاحن للبطاريه (غراب لو بتسمع عنه) و انا عندى محول فولت 12 فولت 2 امبير قالى مش هينفع عشان جهد البطاريه اقوى من الادابتور فالبطاريه هترد فى المحول و هيتحرق الكلام دة بالنص بس انا بردو هجرب ..... البطاريه عندة 55 امبير و بتنام على طول عشان العربيه مركونه ........ و يا ريت انتا كمان لو وصلت لحل تعرفنى و ممكن نتقابل و نخترع مع بعض
بالنسبة لأسعار البطاريات
بطارية الكشاف تمنها 25 جنيه يعني الاتنين 50 جنيه
بطارية الموتوسيكل آخر مرة اشتريت واحدة 4 أمبير سائلة كان في شهر 8/2012
كانت ب 105 وقعدت يدوب 5 شهور