الموضوع: هل يحق للمطاعم منع الناس انها تخش الحمام ... بدون ما يشتروا حاجة !!

المشاركة الأصلية كتبت بواسطة zarif

انا معملتش تصويت بس هقولك رأيى

هى مبدئيا مسألة ذوقية من صاحب المكان

لان فية ليها حسبة تانية عند اصحاب المطاعم وعن تجربة شخصية ليا مع احد المطاعم النضيفة لقيت نفس اليافطة ....فبعد ما خلصت وانا بحاسب الكاشير سالتة نفس السؤال بتاع انها حالة طارئة وكدة

قالى يا فندم المطعم فى الحالة دى بيتحول لمبولة عمومى ..يعنى تلاقى الزبون قاعد ياكل فى مكان نضيف وقاعة مكيفة وسيراميك وديكورات وتلاقى اللى مشحم واللى مزيت وكل الاشكال طالعة داخلة على الزباين واحيانا كان يحصل ان الحمامات مشغولة وناس برة واقفة مستنية وزباين المطعم نفسهم مش عارفين يستخدموا الحمام

هى وجهة نظر ومسالة ذوقية من صاحب المكان فى الاخر

اه يا اخي اكتر حاجة بتفقع مرارتي.
الي يخش الحمام ده وتحس انو حالف يمين طلاق مايطلع منو غير لمن الي بره يصوت يعملوها على نفسهم ويفضلوا يترجوه من ورى الباب انو يخلص. يااااااااااااه يااااااه اخويا الصغير كان كده على فكرة ايام مكنت. ساكن في بيت الحج كان يدخل اخويا الصغير وهو رايح مدرستو الحمام الصبح ياخود دوش والبيت كلووو يتجمع بره. على باب الحمام. ونفضل نخبط وهو ولا هو هنا مالي البنيو الافندي مية وقاعد بمنتهى البرود الي في الدنيا والبيت مفهوش غير حمام واحد وتلاقي الحجة. تترجى فيه. واختي تقولوا علشان خاطري وانا اشتم فيه وانا ارنوا كل علقه وعلقه. بعد ما يطلع من الحمام. بس الحجة الله يسمحها تحوشني اكمنوا اخر العنقود وبرضو مفيش فايدة فيه

كان بيذلينا الزفت مع انوا كان صغير. ... وعلى فكرة شوف اهو كبر وبقى زي الشحط. واقطع دراعي ان مكان بيعمل كده برضو في الناااااس. ويذلهم بررره ... واخر مثال كنت مسافر انا وهو اسكندرية وفضلت قاعد في العربية نص ساعه وهو دخل ؤون. ذا رن. فلمن اتاخر قلت خليني اخوش اشوف ايه الي اخروا كده ... فدخلت بصيت لقيت الناس واقفين جمب التلجات بتاعت العصائر وساندين على الحيطة الي جمب الحمامات واخويا مش موجود عرفت على طول انوا. قاعد جوا في الحمام وسايب الناس تتحرق بره اموت واعرف بيعمل ايه دا كلو في الحمام. ... طيب في البيت وقلنا اهو بيملى البانيو وبينزل فيه بس حمام ؤون ذا رن بيعممممممل فيه ايه ده كلووو !!