الموضوع: محتاج مشوراتكم فى المرتب المناسب فى السعودية او الامارات

المشاركة الأصلية كتبت بواسطة amrezzat82

السلام عليكم
يا جماعة نفسي أعرف المرتب المناسب فى السعودية و الامارات بالنسبة لمهندس ميكانيكا خريج 2005 وشارتيرتد و بدرس ماجيسيتر ادارة اعمال بجامعة ببريطانيا عن طريق الانترنت

المرتبات اللى اتقالتى من الشركات نفسها او مكاتب استشارية تتفاوت من اول 10 الف حتى 15 الف فى الشهر شامل كل حاجة و معاه تامين و تذكرة واحدة فقط - و انا رفضت
اماكن الشغل كانت فى الخبر اومكة او الرياض - او ابو ظبي

عايز اعرف هل انا مخطأ ؟ و ما هو اقل مرتب مناسب يوفر حياة كويسة و مع زوجتى؟
و هل المفروض احصل على اقامة للزوجة من اول ما اروح ولا لازم انتظر كام شهر؟
و هل يجب توفير تامين صحي للزوجة كمان ؟ ولا يبقى على أنا؟ خصوصا ان فى فترة اختبار 3 اشهر دايما فى اي عقد؟

انا مش بصرف على اي حاجة و خلاص بس محتاج تكون الشقة محترمة و نظييييييفة؟ عشان انا اتقرفت من مستوى الشقق فى قطر و للأسف دفعت لمبلغ عالي فى الشقة عشان اوصل لحاجة نظيفة و كويسة

طبعا كلنا عارفين ان فى مصر عاملين يغنوا ان البلد مفيهاش شغل و يعلم ربنا انا رحت معظم المكاتب المحترمة دار الهندسة و اوراسكوم و خطيب و علمي و و دايما فى استهبال فى بنود العقد او المرتب او طبيعة الشغل
و انا بدور بقالي سنة تقريبا و تقيربا قرفت خلاص من التدوير و بره فى مجال المياه عايزين اقل حاجة 10 او 15 سنة . ايه رأيكم ؟ برجاء الافادة اعمل ايه؟؟
و جزاكم الله خيرا

انا حاليا فى السعودية مهندس مدنى فى شركة بن لادن دفعه 2008
شغال تخطيط و متابعه و معايا pmp
راتب اساسى8000 شامل سكن مواصلات تنقلات اجازه و تذاكر 12250 فيه ساعتين اوفر تايم اجبارى بينزلوا مجمعه كل 4 شهور
انت المفروض تتكلم على راتب مش اقل من 15000 يوصل ل17000 فى السعودية شامل
فى الامارات زود 5000...6000 على الحسبه دى فرق بنزين و تكلفه سكن و معيشه

المشاركة الأصلية كتبت بواسطة ahmedsamir235

انا حاليا فى السعودية مهندس مدنى فى شركة بن لادن دفعه 2008
شغال تخطيط و متابعه و معايا pmp
راتب اساسى8000 شامل سكن مواصلات تنقلات اجازه و تذاكر 12250 فيه ساعتين اوفر تايم اجبارى بينزلوا مجمعه كل 4 شهور
انت المفروض تتكلم على راتب مش اقل من 15000 يوصل ل17000 فى السعودية شامل
فى الامارات زود 5000...6000 على الحسبه دى فرق بنزين و تكلفه سكن و معيشه

شكرا لسرعة الرد - ممكن اتعبك معاي و تكمل الرد على استفساراتي
و هل المفروض احصل على اقامة للزوجة من اول ما اروح ولا لازم انتظر كام شهر؟
و هل يجب توفير تامين صحي للزوجة كمان ؟ ولا يبقى على أنا؟ خصوصا ان فى فترة اختبار 3 اشهر دايما فى اي عقد؟

المشاركة الأصلية كتبت بواسطة amrezzat82

شكرا لسرعة الرد - ممكن اتعبك معاي و تكمل الرد على استفساراتي
و هل المفروض احصل على اقامة للزوجة من اول ما اروح ولا لازم انتظر كام شهر؟
و هل يجب توفير تامين صحي للزوجة كمان ؟ ولا يبقى على أنا؟ خصوصا ان فى فترة اختبار 3 اشهر دايما فى اي عقد؟

التأمين اعتقد بيبقى شامل الاسره بس انا اعزب فمقدرش أكد ده
الاستقدام حسب سرعه شركتك فى الاجراءات و تصنيفها طبعا لنسبة السعودة
بس عموما ما فيش استقدام اسرع من 4..5 شهور ...الاقامه نفسها ساعات بتاخد 3شهور لو شركة كبيره زى شركتى

شكرا جزيلا للرد و المرور
و لو فى آراك آخري يا ريت تشاركوني

ممكن حضرتك تقولنا مجال شغلك الحالي ايه ..وخبرتك في انهي مجال ؟

كمعيشه ابوظبى ودبى احسن شويه من السعوديه بس اغلى كتير , بالنسبه ليا الميزه الوحيده للسعوديه هى الحرم ولو اشتغلت فى اى دوله فى الخليج بيبقى دخولك المملكه سهل , حاول تشوف حاجه فى دبى وابوظبى او الدوحه