الموضوع: طرق كوستا كوفي الملتويه لخداع الزبائن

المشاركة الأصلية كتبت بواسطة Dr_Mido

:D:D:D:D انت حبيبى والله
بس للاسف مينفعش معاك خطيبتك لازم تروح حته نضيفه

:D:Dبس على فكرة اسلوب الرخماه مبيجيبش نتيجه لانى ارخم
نزلى قبل كدة طلب حشر برضه مكلناهوش ومحاسبنيش عليه وزعقنا وقلينا الدينا وزعقنا
وطلبت ارهاب وقلنا مش هندفع وهات لينا الشرطه تعمل محضر
:D5 قايق وكانت الفاتورة متعدله

خطيبة ميين بس انا متجوز اهو بقالى خمس سينين ماكانش على ايامن كوستا ولا بينوس ولا حتى ولاد ابو اسماعيل
م اكانش فيه فى الكاتيجورى ديه غير هاريس اللى فى الكوربه و حاجات تانى كسر و شويه حاجات فى ارض الجولف وورا سينما طيبه والله حتى مش فاكر الاسم
دلوقتى مراتى لما تقولى نخرج بينط فى راسى مشهد انى بجرى ورا جنا عشان تقعد و هيا بتحاول تخلى محمد يقتنع انه يثبت و ماينزل يجرى ورا جنا و هوببببااا جنا فين و كده ده مشهد مرعب بيجيلى فى الكوابيس وانا صاحى
حتى الاكل بره لازم حد بياكل و التانى مشغول بالعيال
المهم اصدقاءنا اللى بيرودوا فى الدليقرى برضه مستفزين مووووووووت بقوللى بوفيترول و شوكيليت كيك يا عام انا لو عايز هقول و بعدين وانات فى البيت موش لازم اجيب بيبسى منك بضعف التمن عم باسم بيبعتهم لفايت البيت برضه :)
و كمان اجيب كوكيز ليه من كنتاكى مثلا و كل الديلفرى غالا لازم يسمعنى قايمه طويله عريضه انا موش عايز فيها حاجه رغم انى ساعات كتير بقولهم نفس الاوردر اللى فات و برضه يسمعونى القايمه بس انا باسمع او اقاطع و اقول الحساب يبقى كام او موش عايز و خلاص

حصلت معايا قبل كده في Cilantro الكربه طلبت موكا الجرسون يقولي والـ desert إيه
الاجابه : امشي يالا راح قايلي اسف يا فندم

سؤال مالوش علاقه بأي حاجه ...

هل في كافيه التدخين فيها ممنوع؟ أو على اﻷقل التدخين في الجزء المغلق منه ممنوع؟

أنا باتخنق جداً من ريحة السجائر وأنا قاعد


ولا أنا ولا أصدقائي بنشرب سجائر الحمد لله، والكافيهات دية بيكون جوها كله معبأ بالسجائر وطبعاً جزء الغير مدخنين برضه بيكون ريحته سجائر على اﻵخر.


شكراً

المشاركة الأصلية كتبت بواسطة CryptonX

معاك حق يا شريف بس انا عايز اقول برده و ازود علي صاحب الموضوع .

ان فرع كوستا الي في عباس العقاد .. انا سمعت بنفسي واحد بيشتغل بيقول لواحد قاعد انه مافيش minimum charge بس لازم تطلب طبق حلو و مشروب .

و الراجل اتخانق معاه و فين و فين جابلوه مشروب سخن بتاعه بعد زعيق لربع ساعة و الراجل كان كبير يعني مش عيل جاي يلعب .

هما بيعملوا الحركة " الزبالة " دي علشان مش عايزين واحد ييجي من الساعة 2 الظهر يعد لحد 2 باليل علي مشروب نسكافيه مثلا .. فبيطفشك بالزوق .. برده مهما كان السبب حركة في منتهى " الوطي " و انا بطلت قعد في Costa و Beanos بسبب الحاجات دي .. علما بان Cilantro او علي الاقل الفروع الي بعد فيها محصلش حاجة من دي فيهم .

شخصيا قللت زيارتي للكافيهات " المستوردة " دي كلها علشان بصراحة حسيت ان اسعار الحاجة بقت مبالغة فيها اوي .. يعني اشرب كابتشيون بكريمة مخفوقة ادفع 32 جنيه !!

تاني حاجة معندهمش شيشة .. وانا معرفش اعد في مكان اكتر من 1-2 ساعة و مشربش شيشة :P

أنا بقى باروح عشان ما فيش شيشه

وكمان على فكره أنا مش باروح اﻷماكن ديةعشان باحب جوها ولا حاجه، أنا باروح أشرب ولا أكل حاجه وأمشي على طول.

يعني لو لقيت مكان تاني أرخص وبيعمل نفس المشروبات هاروحه عادي، ويا حبذا لو ما كانش فيه تدخين ومزيكا.

فعلا دى مواقف بايخه بس اعتقد انهم بكده ممكن يخسروا ناس كتير

يا جماعه

إحقاقاً للحق ...

لقيت إيميل جايلي من مدير التسويق بأمريكانا جروب إسمه أحمد رشاد .

أمريكانا جروب دية هي صاحبة توكل كوستا وحاجات تانيه كتير زي كنتاكي وهارديز.

واضح إني لما بعت إيميل الشكوى لإنجلترا وجهوها لأمريكانا جروب مصر.

الراجل طلب مني بيانات الإتصال بي.

شويه وإتصل بي وكان راجل غايه في الإحترام صراحةً وسمعني للآخر وأبدى إستنكاره ﻷسلوب تلزيق الطلبات ده والإشتغالات ووعدني إنه ها يتخذ إجراء وإنه هايرجعلي مره تانيه عشان يقول لي حصل إيه.

هابقى أوافيكم بآخر التطورات إن شاء الله

المشاركة الأصلية كتبت بواسطة bosyfadl

بس انا مش برتاح غير في سيلنترو بكل فروعه خصوصا المهندسين و المساحة

بصراحه عمر ما حد رخم علينا و قالنا كده

هو في نظري احسن سلسلة كافيهات في مصر

بوســــــــي

اوافق بشده
رغم ان انا مش بحب كلمه مهندس اصلا لكن بحب سلينترو المهندسين