عندى سؤال علشان بالى يرتاح
السلام عليكم
سؤال لكل مالكى اللادا
هل الرعشة عالسلانسية طبيعية فى اللادا (2105/2107)
و هل الرعشة من القوه لدرجة أنك تحس بيها جوه العربية
يعنى العربية كلها تتهز بالناس اللى فيها و عصاية الفتيس ترقص و الـ rpm يعلى و يوطى
أنا عندى المشكله العويصة دى من حوالى 6 شهور و صرفت عليها ما يقارب الألف جنية و مفيش فايدة
جربت كل حاجه و هيا معانده
- أطقم كهربا و اسبراتير و صيانه كامله للكربراتير و طقم كاتينة و تقسيم الكهربا من الأول و تغيير كل الجوانات و سيرفوا الفرامل و الموبينه و طقم الدبرياج و قواعد الموتور غيرتهم مرتين و نوع البنزين ربما يكون مغشوش و حاجات كتير مش فاكرها من كتر البهدله, و برضه الرجرجه دى معانده, و فى الآخر بعد ما غيرت مليون صنايعى, واحد منهم قالى (كل اللادا كده)!!!
أرجو الإفاده أراح الله بالكم