محاولة سرقة شنطتي في المطار - والشنطه باظت
السلام عليكم ورحمة الله وبركاته،،،
أنا كنت جايب شنطه سامسونايت جديده زيرو من بره في شهر 10 اللي فات وكنت سايب عليها التيكيت بتاعها عشان كنت بافكر أبيعها عشان أنا جبتها مضطر لما شنطتي ما كفتش وانا بره مصر. لكن أنا مش محتاجها.
المهم أنا وصلت مطار القاهره لقيت الشنطه اللي كان أول إستعمال ليها سوستتها مقطوعه بفعل فاعل لمحاولة سرقتها. الحمد لله الشنطه ما كانش فيها غير هدوم فا الحرامي ماخدش منها حاجه.
اللي بيسرق بيكون بيدور على علبة موبايل على الوش أو ساعه أو أي حاجه صغيره وخلاص.
أنا طبعاً عملت محضر في المطار ورحت تاني يوم بالشنطه وقالولي إنهم هايصلحوها.
هم صلحوهالي فعلاً بس عملوا فيها عيب ما خدتش بالي منه أوي ساعتها ... الشنطه طبعاً بيكون فيها سوستتين وممكن تقفلهم على بعض زي الصوره دي:
http://themarsguy.com/yeah/zipper_slider.jpg
المشكله بقى إنهم لما صلحوا الشنطه خلوها سوسته واحده بدل 2. وطبعاً مش هاعرف أقفلها بالطريقه دي!
السؤال: ينفع أصلح الشنطه وأركبلها سوسته تانيه؟
وهل في طريقه تانيه أقدر أقفل بيها السنطه؟
شكراً