-
حركة جامدة
الحركة دي حصلت أمامي
كنت واقف عند فكهاني في سوق المقطم بشتري ، بعدين وقفت سيارة ميجان ونزلت منها سيدة تبدو في أول الخمسينات من العمر ، قالت للفكهاني :
- انا جايه أخد من الجوافة اللي خدتها إمبارح ، دي حلوه أوي ، عاوزه كمان أثنين كيلو
- حاضر يا هانم انا خدامك
- بس من اللي خدتها إمبارح
- اللي تحبيه ، الجوافه كلها اهي ، دي أو دي اللي تحبيه
- نقي لي اثنين كيلو حلوين
- تحت أمرك يا هانم
الفكهاني قعد ينقي بزمه وهو منشكح ان الهانم معجبة بالجوافه بتاعته، وهي واقفه جت واحدة شحاته طلبت حاجة منها وتقلت شويه فما كان منها إلا ان شخطت فيها حته شخطة تفكرك بهوانم الطبقه الإرستقراطيه بتاعة زمان :euro:
- اتفضلي يا هانم ، اثنين كيلو
قامت الهانم اخدت كيس الجوافة وحطته في الميجان ، وطلعت منها كيس جوافة آخر كان مستخبي فيها وأعطته للفكهاني وقالت له بحزم وغيظ :
- انا هاوريك إزاي تضحك علي وتديني جوافة مضروبة متتاكلش ، ورامت له الكيس اللي خدته منه إمبارح
الفكهاني محطش منطق ومعرفش يقول غير - مش أنا اللي إديتك إمبارح ده اخويا الصغير
ردت قالت - يعني من صغرة بيتربي على النصب
وسبته وركبت ، وهو شرب الجوافه - الحلوه قوي :D
على فكرة ...
كيلو الجوافه صاحبه الحوار ده كله كانت بـ 2 جنيه :ph34r:
وشكرا
-
ست جدعه ...
و ليها حق بتدور عليه مهما صغرت قيمته المادية .. و اللي زي دي مبتسيبش حقها حتي لو كان عند مين .. و بتربي اولادها علي كده
احييها بشدة
-
والله ست اجدع من ميت راجل، ربنا يبارك لها وينتقم من الواطيين امثال الفكهانى ده
-
بجد قصه تبعث على الإنشكاح الخزعبلي :thinking:
فعلاً فرحت
-
والله ست بتفهم ومش بتتكسف من انها تطلب حقها
ربنا يكتر من امثالها عشان نقضى على النصابين امثاله
-
نيييههههههههههه
والله جدعة
بس انا عامة لما باجي اشتري فاكهة بحاول اقف بالعربية بعيد عن الفكهاني لانهم لما بشوفوك بيه نازل من عربية بقدرة قادر بتلاقي كيلو العنب نط من 3 الى 5 والموز من 3 الى 5 وهكذا
وبانزل انقي بايدي حتى لو اغلى حاجة بسيطة ولو مش هاخد بايدي بسيبة وامشي ولو حط بايدة ووزن افتح الشنطة ولو فيه بايظ اطلعة واخد غيرة
ولو ماعجبوش باسيبلة الكيس كلة وامشي
واقسم بالله اني بشوفهم بايظ عندهم فاكهة قد كدة وبتترمي في الزبالة من الافترا بتاعهم ده
انا مرة دخلت سوق العبور تخيلو كيلو التفاح الاصفر في الجملة ب من 4 الى 6 جنية حسب الجودة
هو هو بيتباع عند الفكهانية من 8 الى 12 جنية حسب الجودة
يعني بيكسبو الطاق 2 حتى لو حطينا نقل وهامش ربح تبقى الزيادة 100%
-
ست جدعة إنها ماتسبش حقها حتى لو على جنيه
-
ست جدعة , اكثر الله من امثالها
لو كلنا عملنا كدة يمكن الحال يتصلح , والناس الحرامية تقف عند حدها
-
جامده الست دي علي فكره في تنفيذ الفكره كده هههههههه
-
سيده جدعه اوى وجريئه عرفت تأخذ حقها
Content Relevant URLs by
vBSEO 3.6.0 PL2