الموضوع: عاااااااايز اشترى ماكينة حلاقة

Thrive 808-2 hair clipper
او ماكينه 808
وهى غاليه وغالبا بتيجى من الخليج
يفترض انها حاجه من الاخر
وان طريقه تشغيلها تروس
مش تذبذب كهربائي زى باقى الماكينات







ودى صورة ال راونتا زى اللى عندى

أنا أيضاً أفكر جدياً فى هذا الموضوع وموق سوق يوجد عليه أنواع كثيرة مثل philips remington moser braun ولكن من يضمن لى أنها كلها أصلية وليست تقليد

أنا عجبتنى ماكينة حلاقة ذقن بسعر 550 جنيه على سوق اسمها braun face cruzer 6

انا شارى موزر المانى نبيتى من سنتين ب 150 جنيه محفور صنع المانيا ممكن تكون هاى كوبى
واشتريت كمان طقم امشاط لها منفصل صينى الصنع ب15 جنيه متدرج من 3-6-9-12
بس بصراحة ممتازة واستخدمها فى حلاقة شعر الر أس منذ سنتين بمنتهى السهولة
وبفضل طقم الامشاط المتدرج اللى باستخدمه معاه
ههههه ووداعا للحلاقيين
و هى افضل من الانتظار عند الحلاق عشان تاخد دورك و وفى الاصل اشترتها للحماية من امراض الفيروس الكبدى التى تنتقل عن طريق الجروح والادوات الملوثة بالدم
اللى بتنتشر عن طريق ماكينات الحلاقة الملوثة عند الحلاقين
عافانا الله جميعا

هل من السهل الحلاقة بنفسك ؟

خلاص يا أبو آسر طالما كدا ... يبقى أستنى لما أتزوج وبعدين أشترى الماكينة

من خلال كلامكم يا أصدقاء أفهم أن المكن المعروض على سوق وما شابه من مواقع حتى الأمازون قد يكون مغشوش !

مع البحث والتمحيص على سوق وجدت أن هناك ماكينات حلاقة فيليبس وبراون تصل إلى 4000 جنيه خاصة بالدقن فقط !

المشاركة الأصلية كتبت بواسطة أبو آسر

سهل جدا لو هتحلق شعرك بدرجة واحدة بدون أي تدريجات
انت مجرد بتحط درجة المشط اللي عايزها وتمشي الماكينة على شعرك كله بجميع الاتجاهات أما الجزء اللي ورا أسفل الشعر بتشيل المشط وتخلي الماكينة بدون أمشاط وبتشيله من فوق لتحت أو من اليمين للشمال مثلا ودي مع الممارسة ممكن تعملها لوحدك (بالتحسيس كده) لأن الجزء ده مش بتبقى شايفه وبيبقى عايز دقة شوية لكن ممكن تستعين بالمدام مثلا تعملهولك
أنا بحلق لنفسي بقالي حوالي 8 سنين تقريبا يعني مفروض أروح أطلع شهادة خبرة من المعهد العالي للحلاقة

نفس الكلام بحلق لنفسي بالكامل
احيانا بتطلع فى دماغى احلق الساعه 2 بالليل او 2 الظهر مش فارقه
متعه اى لما احب احلق اطلع الماكينه ومع نفسي
وعلى فكره مش بسرح شعري ابدا من زمان
لانى بحلق على اقل مشط كانى جاىى من -عمره او حج -

ولما بتكون المدام صاحيه بخليها تساوى لى الجزأ الخلفى
ولو مش صاحيه باستخدم صوابع ايدىا اللى مش ماسكه المكاينه كانها مشط
واساوى الجزأ الخلفى لنفسي
على فكره التسويه للجزأ الخلفى بدون مشط الاسنان مباشره على الجلد
وهنا بتبان نوعيه الماكينه الجيده انها مش بتجرح

يعنى هو سهل الواحد يحلق لنفسة دة انا خايف لحسن ابوظ الدنيا