الموضوع: سؤال للشيخ خالد ياريت الكل يدخل ويشارك(المدفن الشرعى)

المشاركة الأصلية كتبت بواسطة mado83

1-ممكن بعد اذن سيادتك ي شيخ خالد تقولنا لو حد عنده قطعه ارض فاشيه ينفع يعملها مدفن
(قبر)مع العلم انها فى وسط مكان سكنى ولا ايه الشروط
2- طريقه بناء المدفن اى (وضع سور حوله وتقسيمه لغرفتين من الداخل تحت الارض للرجال والسيدات
3- عندى مقابر العائله موجوده فى مكان يبعد عن القاهره بساعه ونصف ولكنى اريد انى ادفن فى القاهره حتى يتمكن اولادى من زيارتى من الحين للاخر والموضوع مايكونش فه مشقه
4- هل يوجد حرمانيه انى اوصى بعدم دفنى فى مقابر العائله وادفن فى مدفن اخر هنا فى القاهره


الاهم من الردود ان يكون الرد بصيغه مبسطه يسهل علينا فهمها لانى دورت على النت كتير بس مافهمتش الاجابات واسف للاطاله

بسم الله والحمد لله والصلاة والسلام على رسول الله

أخي الكريم السلام عليكم ورحمة الله وبركاته

وأعظم الله أجرك في مصابك في خالك رحمه الله , وغفر الله ذنبه وبيض الله وجهه وثقل الله ميزانه ويمن الله كتابه

وبالنسبة للإجابات عن أسئلة حضرتك

1 - يجوز عمل مدفن في أرض بقيتها مخصص للسكنى , بشرط عدم البناء على القبر أو الجلوس فوقه أو الصلاه جهته أو التبرك به كما يفعل البعض

2 - طريقة بناء المدفن الشرعي هي اللحد , وستجد صورة للحد في الرابط بآخر الموضوع

وستطلب من عمال البناء الذين سيقومون بحفره أن يحفروا قبرا شرعيا ( لحدا ) وأن يجهزوا مكان للرجال ومكان للنساء

3 , 4 - يجوز ذلك وليس فيه حرمانيه , والله أعلم

ولمزيد من المعلومات , فضلا طالع هذا الموضوع

http://www.nilemotors.net/Nile/343766-a.html

وسأنتظر اتصال حضرتك لتوضيح اي لبس في هذا الموضوع , وجزاك الله خيرا وصل اللهم وسلم على الحبيب محمد

المشاركة الأصلية كتبت بواسطة mado83

شكرا يا شيخ خالد
وليا سؤال كمان فى البلد عندنا المقابر ليها فتحات مش سلالم تحت الارض عاوز اعرف ايهما اصح ولو كان ده غلط والواحد هيدفن فيه وهو عارف انه غلط ايه جزائه
وياريت لو تعملنا موضوع عن مابعد الموت
يعنى ايه اللى بيحصل للواحد بعد لما بيموت وفى حاجه كمان محتاج اعرفها ازاى اعرف انا فين دلوقتى من اعمالى او اعمالى بتقبل او لا تقبل

لا شكر على واجب أخي الكريم , والسنة أخي الكريم هو اللحد



وقال العلماء غيره يصح ولكنه مخالف للسنة

وإن شاء الله ييسر الله الوقت وأعمل موضوع عن الموت وما بعده

وبالنسبة لقبول الأعمال , يشترط للقبول شرطين الإخلاص والمتابعة

والإخلاص أن يكون العمل لله وحده

والمتابعة أن يكون على هدي النبي صلى الله عليه وسلم وليس مبتدعا

وصل اللهم وسلم على الحبيب محمد