عرض للطباعة
العربيه هيونداي النترا 2008 اوتوماتيك بتبطل وهي ماشيه وبتنتش لما الار بي ام يبقي عالي ..ونظفت الايدال وغيرت فلتر الهواء ومش عارف العيب من ايه والسحب ضعيف جدااااا الي يقولي كهرباء العربيه والي يقولي طرمبه البنزين والي يقول وجيهات مش عارف وقولت اكشف كمبيوتر الراجل قالي طالما لمبه الاتشك مش منورة متكشفش .... ارجو سرعه الرد من خبراء الموقع
افيدووووني افادكم الله
طرمبة البنزين هى الى بتعمل كل الكلام ده
كلها بايظه يعني ولا الحشو الداخلي الفلتر بس ....ولو هي كده مش المفروض لمبه التشك تنور ولا ايهاقتباس:
المشاركة الأصلية كتبت بواسطة mostafa.mahran
الكنترول مش بيقرا الطرمبة
وممكن الموتور يكون هو الى عاوز يتغير بس
وانت مفول التنك على الاخر هتلاقى العربية مظبوطة شوية عن التنك و هو اقل من نصه
+111111111اقتباس:
المشاركة الأصلية كتبت بواسطة mostafa.mahran
مسدوده من الشوائب اللى فالتانك
علشان تتاكد انها الطرمبه المفروض المشكله دى تكون بتحصل معاك لما تزود السرعه، صح كده ؟
نفس المشكلة عندى فى ميجان 2006 ولما فولت المشكلة قلت بص رجعت ظهرت تاني ومؤشر التنك فى النصف ومش عارف السبب اية لغاية دلوقتي
لو العربيه بتنتش معاك على السرعات العاليه
لو العربيه تجميعها بطيئ نسبيا وأقصى سرعه ليه بين 140 الى 160 بالكتيييير
لو العربيه بتفصل منك وتقعد 5 أو 10 دقايق مش عايزه تدور
لو العربيه نسبيا بتشتغل كويس وانت مفول وتبدأ تهيس أول لما التنك يبدأ ينقص
لو بتسمع صوت زنه واضحه الصبح اول لما تيجى تدور العربيه غير طبيعيه
.
.
.
يبقى الطرمبه عندك فى طريقها للموت
بناءا على كلام ناس كتير الطرمبه المفروض انها تتغير كل 80 أو 100 الف كيلو
اللى بيتغير فى النترا 2010 واكسنت 2011 الموتور فقط مش جسم الطرمبه كله
ان شاء الله هاغير موتور طرمبة الاكسنت وهاعمل لكم موضوع بالتفصيل الممل عنه
تغيير الطرمبة يحتاج الي كهربائي ؟ ولا ممكن اغيرها بنفسي
لازم كهربائى
لو عندك خيره بسيطه بالتعامل مع الفك والتركيب هاتعملها بسهوله وهاتاخد منك ساعه شغل
الكهربائى هايعملها فى 15 دقيقه بالكتيييييييير
الفكرة ان الدراع بتاع العوامة لو اتخبط او اتعوج هيفرق فى قراية المؤشر
Sent from my GT-N7000 using Forum Runner
يافندم مافيش حاجه اسمها لمبة check engine مش منوره ماتكشفش،
لازم الكشف عل الطلمبه وقياس البار الخاص بضغط الطلمبه وهايطلع المشكله منها احتماليتها قويه جدا، وحضرتك هاتغير القلب وسعره الاصلى 200 جم ،
وفيه نوع المانى اسمه ora ده كويس جدا برضه وسعره 150 جم،
وايضا تكشف تلى الرشاشات وعلى كهرباء الموبينه لكل واحده منهم على حدى، وعيب الموبينه ده متكرر فى الالنترا ، هو صحيح مش متكرر جدا، بس ساعات بتقطع واحده فيهم،
وفيه مراكز كشف الكمبيوتر مجانى عندها، ودول كتير والحمدلله
الموضوع مطلعش في الطرمبه ولا فيها اي مشاكل .... بعد الكشف مرتين علي السيارة بالكمبيوتر في مركزين .... ظهر عطل في حساس الكرنك وتم تغييره والعربيه ماشيه الحمد لله بدون مشاكل وشكرا لاهتمامكم وسرعه ردكم وربنا يسترها علينا وعليكم يارب
مبرووك الاصلاح
يا ريت يا باشا تدينا تفاصيل أكتر
سعر الحساس كام
جبته منين
أصلى ولا ايه بالظبط
ركبته عند مين وبكام
وياريت لو قلت لنا مكانه فين بالظبط وهل ممكن اى حد يغيره بإيده ولا لأ
ومبروك الاصلاح وربنا يبارك لك فيها
مبروك التصليح.
Sent from my SM-N9005 using Forum Runner
انا جيبته استيراد مش جديد علشان اضمن انه يكون اصلي من 6 اكتوبر جنب المرور قطع غيار استيراد مردتش اروح الحرفين او الوكاله علشان لو فيه حاجه اقدر ارجعه بسهوله وكان سعره 350 فاصلت وصل 300 جنيه وتركيب الحساس بيكون تحت الماتور وليه فيشه وسلك تقريبا 20 سم اعتقد صعب حد مش فني يركبه وتم الكشف والتركيب في مركز اسمه توب سيرفس بجوار مسجد الحصري وعلشان هو معرفه وفعلا خدمتهم ممتازة اخد مني 30 جنيه بس كشف كمبيوتر وفك وتركيب ...اقتباس:
المشاركة الأصلية كتبت بواسطة msobhy
توب سيرفيس عند مسجد عماد راغباقتباس:
المشاركة الأصلية كتبت بواسطة mohamedrabia
شكرا لرد حضرتكاقتباس:
المشاركة الأصلية كتبت بواسطة mohamedrabia
عندى تقريبا نفس المشكله بتاعتك
عايز اتأكد منك من حاجه
لما العربيه بتنتش وتبطل منك - ال rpm كان بيقرأعادى ولا مكنش بيقرأ خالص
انا عندى فجأه بيبطل يقرأ ولازم أقفل العربيه وافتحها كذا مره علشان يشتغل
مبرووك الاصلاح
شغال كان عندي بس لما كنت ازود عن الطبيعي العربيه تنتش ولما غيرت الحساس كل ده اختفياقتباس:
المشاركة الأصلية كتبت بواسطة msobhy
انا عملت عربيتي في توب سيرفيس يا فندم عند مسجد الحصري ... توب جير الي عند مسجد عماد راغب ده مركز وده مركز تاني خالص وللعلم انا رحت الاول لتوب جير معرفش يحل المشكله وقالي نظف البوابه والرشاشات وجبت منظف ونفس المشكله متحلتشاقتباس:
المشاركة الأصلية كتبت بواسطة mummy_47
انا كان معايا فيرنا اوتو و كانت بتعمل كده لما باكون مفول التانك عالاخر و لما بينزل البنزين 2 او 3 لتر بتتحل المشكله... بعد اللف و الدوران على 50 ميكانيكى و تغيير موتور الطلمبه و البوجيها ت و شويه حاجات تانيه .... روحت بيها ابورواش قالى المهندس ان ده عيب شائع و السبب فيه هو حساس راجع البنزين و تم تغييره و اتظبطت العربيه