الموضوع: الشنابر ونقص الزيت - اعاوز النصيحه

المشاركة الأصلية كتبت بواسطة misoalex

اه العربيه حتضرر لو سكتت على الشنابر
ممكن تعملها فى خلال شهر او 2 وربك يستر

وفى الغالب طالما موتور استيراد يبقى مش حتلاقى فيه حاجه من جوه تانى

وعاوز اقولك ان واحد مكانيكى معروف انه محترم قاللى الموتور الاستيراد بيبيوظ من الركنه ولازم بعد ما يشتغل بفتره حتلاقيه محتاج طقم شنبر فالافضل اول ما يتجاب ينفك ويتعمله طقم شنبر جديد وجوانات جديه وبكده تبقى وفرت مصنعيه انه يتفك تانى ويتعمل بعد فتره وتمشى بيه وانت مطمن

بس انا عن نفسى مش بشجع كلام المكانيكى لانى انا شارى موتور استيراد عشان مفتحش موتورى ولا اعمل فيه شغل وافتح فواتيح ومصاريف على نفسى اللى يخلينى افتح موتور لسه شاريه افتح موتورى واصلحه بقى من الاول واوفر تمن الموتور

عشان كده بيقولو الموتور زى البطيخه

شكرا على المعلومات

المشاركة الأصلية كتبت بواسطة moe gawad

سيدى الفاضل المحترم،

انا هاقول لحضرتك نصيحه هامه جدا، ويجب اتباعها، من خبرة شغلى فى السيارات والعمرات حاول انى حضرتك ماتأجلش طقم الشنبر خالص، علشان حضرتك كل ماهاتمشى على الموتور اكثر كل لما هايكلفك اكثر ، يعنى مثلا انهارده هاتغير طقم شنبر وجوان وش وكاوتش صباب بس، بكره هاتخرط شميز فهاتغير بستم كمان و و و و،
يعنى ماتأجلوش نهائى ،
وفيه خطوات يجب اتباعها فى موضوع طقم الشنبر ده انا هاحاول انى اساعد حضرتك فيها سواء فى المشتريات او الشغل نفسه علشان العمره تنجح إن شاء الله و تديك اعل نسبة كبس للموتور التى ستتعدى إن شاء الله 85% ،
اولا الاسعار كالاتى :

جوان وش السلندر نوعه كورى وسعره 35 جم
طقم الشنبر واحسن نوع ليه الrec اليبانى ومش هاتلاقيه غير عند 2 ، ملك الشنبر فى التةفيقيه و رضا مقار بيبو فى الحرفيين وسعره 210 جم للطقم ، والميزه فى الطقم ده انه سمكه مضبوط جدا على مجرى البستم او زى مابيقولوا عليه سمكه محمل ، ولازم تاخدمعاك فردة بستم وحضرتك بتشترى الشنبر وده فى حالة انى الشميز عندك سليم ومش محتاج خرط فامشهاتغير البستم إن شاء الله، وحضرتك عند الراجل اللى هاتشترى منه الشنبر تقيسه على البستم وتتأك انه محكم عليه،

طقم كاوتش الصباب سعره من 60 الى 75 جم ، وده لازم يتغير بمجرد فك وش السلندر زيه زى جوان الوش، واوعى الميكانيكى يقنعك انه مش هايغيره بحجة انه سليم ، وده لانه متعب شويه فى تركيبه، خد الوش وده عند خراط خليه يركبهولك ، وياخد اللى ياخده، بس علشان ماترجعش تلاقى مشكله فى الصبابات،
3 كاوتشات مياه غيرهم برده بسعر 90 جم للثلاثه، وده للاطمئنان فى فترة التليين ، ولو سلام ومتاكد انهم جيدين بلاش،


ثانيا خطوات العمره، لازم تتاكد انه سيتم غسيل الموتور جيدا بالبنزين 92 منعا للشوائب ، وهايتم اخراجه كاملا من السياره وسيتم غسيل كل جزء فيه بالبنزين ، وسيتم تفريغ الكوستبانات كلها من الداخل بعد اخراج السوسته من داخلها ، اوعى تنسى النصيحه ديه ،


وممكن حضرتك تكلمنى اى وقت بعد ماتبتدى شغل ، وانا اساعدك فى كل حاجه إن شاء الله ، وكمان ممكن انزل معاك وحضرتك بتشترى قطع الغيار ،

شكرا على النصائح والمعلومات
جزاك الله كل خير
بجد متشكر جدا
وحكلمك على الخاص عشان اخد تليفونك لما ابتدى الشغل

والله ياباشمهندس محمد انت رائع
ربنا يباركلك

المشاركة الأصلية كتبت بواسطة aamhm

شكرا على النصائح والمعلومات
جزاك الله كل خير
بجد متشكر جدا
وحكلمك على الخاص عشان اخد تليفونك لما ابتدى الشغل

يا فندم انا تحت امرك ، ورقمى 01210555631