الموضوع: <<< قوانين في الرزق - خواطر للعقل والفكر >>>

المشاركة الأصلية كتبت بواسطة kar!m

جزاك الله خيرا يا شيخ خالد على الموضوع الجميل.

أهم حاجه في الموضوع من وجهة نظري هو عنوانه .. اللي هو قوانين في الرزق .. مشكلتنا بصفة عامه (الا من رحم ربي) اننا بنتعامل مع ربنا سبحانه و تعالى بالقوانين الدنيوية بتاعتنا .. و مش مدركين ان في قوانين أو سنن ربانية غير القواعد الدنيوية اللي احنا عيشين بيها خالص .. مافيهاش واحد + واحد = اتنين زي ما عندنا في الدنيا .. الموضوع صعب شوية انه يتفهم للي عاش حياة دنيوية طول عمره .. بس مع الوقت الواحد بيوصل للحياه الربنانية دي .. انه يتق الله في كل تصرفاته و عنده يقين ان ده فيه الخير حتى لو هو مش شايفه .. لأنه لو شاف الغيب هيعرف أد ايه تقوى الله فرقت معاه و كانت نتيجتها أفضل.

طبعا موضوع الرزق من الحاجات الجميلة اللي مرتبطة بموضوع اليقين .. و يؤكد ما حضرتك قلته الحديث "صنائع المعروف تقي مصارع السوء والآفات والهلكات" .. يعني مثلا شخص معين كان معاه ألف جنية و طلع صدقة 100 جنية .. هو بقوانيننا الدنيوية هو كده معاه 900 جنية .. انما بالسنن الربانية .. هو كان مقدر له انه هيعما حادثة هيصرف فيها مبلغ كبير و الصدقة دي منعت عنه الحادثة دي فاوفرت عليه أكتر بكتيييير من اللي دفعه.

و طبعا الحديث المعروف اللي أخرجه الترمذي "ما نقص عبد مال من صدقه" بيؤكد المعنى .. ان ال 100 جنية اللي أخرجتها لم تنقص مالك .. بالعكس كن على يقين ان ربنا هيرزقك أكتر بكتير منها .. أو هيمنع عنك حاجه كنت هتصرف فيها أكتر بكتير من مبلغ الصدقة.

الشاهد في الموضوع ان الواحد مننا يتق الله و يفعل الخير على أد ما يقدر و يكون على يقين ان ربنا سبحانه و تعالى هيقدر الله الخير .. حتى او هو مش شايف ده .. لأنه لو شاف ما كان مقدر له لو لم يتق الله لأدرك النعمة اللي هو فيها.

وربنا يبارك لك و يجعل أعمالك في ميزان حسناتك و يجازيك عنا خيرا.

اخي الحبيب بشمهندس كريم , جزاك الله خيرا على الاضافة القيمة للموضوع بارك الله فيك وحفظك من كل سوء

المشاركة الأصلية كتبت بواسطة s o p h o s

ما شاء الله موضوع قيم جدا
بارك الله فيك

بارك الله فيك أخي الكريم