لمبة التشيك بتنور وتأخير بالدوارة ودخنة بيضاء

السلام عليكم اخواتى الاعزاء

اعانى من تأخر التدوير للعربية بصفة عامة هى وباردة وهى وساخنة

وبتاكل بنزين يعنى احط 10 لتر اروح من مصر الجديدة لرمسيس وارجع يروحوا ال10 لتر

ولمبة التشيك بتنور لما اجى ادور وبعد كدة بتطفى وعملت الايدل لرن ومفيش فايدة

ولما اجى ادور فية رجة بسيطة فى الموتور فقط وقت التدوير

ولما اجى ادور الصبح بتطلع دخنة بيضاء بسيطة اووى وتروح فقط اثناء التدوير الصبح

غيرت بوجيهات وزيت موبيل1 وفلتر زيت

لو الدخنة سببها جوان صبابات يكلف كام وهل لو اتفتح الموتور مش بيرجع زى الاول يعنى هخسر الموتور

العربية صوتها ناعم ومفيش تخبيط فى الموتور وسحبها كويس وعزمها شديد

ارجو المساعدة

جزاكم الله كل خير

بالنسبه لتأخير الدواره و الاستهلاك دول غالباً حيكون السبب الرشاشات بتسيل ممكن تجرب تنظيفها بالالتراسونيك
لمبة التشيك طبيعى انك لما تفتح الكونتاكت تنور ولما الغربيه تدور اللمبه تطفى
الخلل بيكون لما اللمبه تفضل منوره و متطفيش
الرعشه حتكون غالبا بسبب الرشاشات وممكن تراجع على قواعد الموتور
الدخنه لو خفيفه وبتظهر فى اول التدوير الصبح وبتختفى يبقى طبيعى

ربنا يخليك اخى جزاك الله كل خير
بس الميكانيكى قالى انى محتاج جوانات صبابات
يارب يطلع الموضع طبيعى انا لسة جايب العربية عايز استمتع بقيادتها مش اقعد جنب ميكانيكى بيها

وهل الالترا سونيك مفيد ولا مسكن وقتى
هى فيها رشاشات فيرنا هل كويسة ولا بتبقى رفيعة والاصلى تخينة وافضل

وكام سعر الالترا سونيك واعملة فين قريب من مصر الجديدة

نصيحه متسيبش دماغك للصنايعيه علشام متتعبش
جرب تنظف الرشاشات الاول
بالنسبه للمكان فى القاهره مش حقدر افيدك لانى من اسكندريه لكن اكيد الزملاء حيفيدوك
وعلى فكره بالنسبه لمعدل الاستهلاك داخل المدينه خصوصاً فى الزحام ملهوش مقياس فمتحكمش على عربيتك فى الاستهلاك من مشوار داخل المدينه
لو عاوز تعرف معدل الاستهلاك لازم طريق مفتوح بدون احمال او تكييف ومن غير ما تقرص على الغيارات

وانت بتحط بنزين كام وظابط الفيشه على اوكتين كام
والبوجيهات حالتها ايه وسلوك البوجيهات
كل دى عوامل بتأثر فى متوسط الاستهلاك بالاضافه لطريقتك فى السواقه

تمام اخى الغالى

البوجيهات لسة مغيرها الفرنساوى
الاسلاك جديدة كمان
بحط بنزين 92
موضوع الفيشة دة معرفش عنة حاجة ممكن تفهمنى ويتظبط ازاى

www.nilemotors.net/Nile/151996-a.html

اشكرك اخى موضوع رائع جزاك الله كل خير
بس بصراحة اخاف اعملة بنفسى هشوف ميكانيكى فاهم يعملة افضل

اقتباس:

---

المشاركة الأصلية كتبت بواسطة ادوارد

اشكرك اخى موضوع رائع جزاك الله كل خير
بس بصراحة اخاف اعملة بنفسى هشوف ميكانيكى فاهم يعملة افضل

---

أولا لاشكر على واجب
ثانياً الموضوع سهل و مشروح بصوره ممتازه وميكانيكيه كتير ميعرفوش حاجه عن الفيشه دى
جرب بنفسك ومتخفش.

حاضر اخى هجرب واشوف بس انا اضع بنزين 92 يبقى لو الفيشة متركبة انزعها صح

شوف حساس الشكمان