أول مرة أسمع عن ميديا ده, و الصراحة مش بحب أجرب في حاجات معرفهاش..
مش هيفرق أوي أرخص أو أغلى لأن كده كده الفروق مش هتبقى كبيرة,, أهم حاجة عندي بس أني محتاج تكييف صوته هادي و بدون أعطال..
عرض للطباعة
حضرتك م هيفرق معاك الشكل .. أنا عندي 3 شارب و مستمتع و مش ناوي أغير ..
أنصحك بيه ..و بالتوفيق ..
صيف سعيد :d
للعلم بس ميديا اشترت كاريير من سنة 2010 وهي اكبر مصدر لأجهزة التكييف في الصين Miraco Carrier Co. خش ع السايت واعرف ...الجهاز هوا كاريير بس علامة تانية ...لو لسسه مقلق هات كاريير بس هيبقي بارد سخن ..
محدش جاب سيرة فريش لية كدة؟
كتير بيقولوا الكمبيروسور بتاع فرش يابانى ومتوافر قطع غيار بسعر معقول كمان
اكتر من فنى شكر فى فريش وبصراحة شركة فرش انا حاسس انها محترمة اغلب منتجاتها بتكون ارخص وجودة معقولة
عندى ناس كتير اشترت فرش وبتشكر فية جدا
احساسى ان كاريير هو الافضل
ال جى وسامسونج تكنولوجيا متطورة والشركتين دول عامليين شغل حلو بس اسعار عالية شوية
فريش بقالها كام سنة عاملة طفرة
انا عندى اتنين شارب 1.5 الاتنين كويسين واحد بقالة 4 سنين اتشحن فريون مرة واحدة من سنة والتانى عمرة سنة وشغال كويس
انا محتاج واحد 2.25 او 3 حصان بفكر فى فرش بصراحة
مساحة 25 متر ينفع لها 2.25 حصان ؟
فى حد اشترى جهاز وطلع صغير على المساحة يقولى اية الاعراض
السلام عليكم ورحمة الله وبركاته
شهادة لله افضل جهاز تكييف فى مصر وعملى هو شارب العربى
انا عندى جهازين واحد ونصف حصان اسبليت بارد ساخن وبلازما
ماشاء الله بقالهم اكتر من خمس سنين لامشاكل ولاشحن ولا ضوضاء
شارب العربى شركة بصراحة محترمة والجهاز ضمانه خمس سنوات فعلية خاماته متينة
صديقى صاحب توكيل للشارب وكمان ترين قال لى هذه المعلومة عن الشارب ان
الجهاز لو فيه عيب كبير بياخده المصنع خلال الضمان ويعطيك غيره ويتم صيانته ويباع للعاملين بالشركة بسعر مخفض حفاظا على سمعه المنتج
مكوناته يابانى وبالنسبة لموضوع الطقطقة ده شىء طبيعى لاختلاف درجات الحرارة لجسم الوحدة الداخلية قبل التبريد وبعده من سخونة لتبريد وهو شىء نادر وعلاجه بسيط شعرة من كريم الوجه على راس عود كبريت وتدهن محاور ريش السوينج وتختفى فورا
بالنسبة لموضوع كفاءة التبريد يجب ملاحظة ان معظمنا قد ينسى ان الجهاز به اربع اوضاع لسرعة الفانة الداخلية الخاصة بسرعة التبريد ثلاث درجات لسرعة الفانة يمكنك التحكم فيها والرابعه للوضع الاتوماتيكى كمان فيه وضع منفصل اقصد مفتاح تيربو للتبريد السريع وعلى اعلى درجة تبريد ممكن تستعملها وده بيكون فى بداية التشغيل لمدة عشر دقائق وستحصل على تبريد تلاجة فى دقائق بعدها توقف وضع التيربو وتضبطه على السرعه والدرجة اللى تناسبك
وقد ننسى اننا مشغلين الفانة على السرعة الاولى وهى بطيئة فتظن التكييف كفاءته ضعيفة لذلك ينصح بضبط السرعه على الوضع الاتوماتيك خلال التشغيل المستمر
بالنسبة للكاريير لسه عديلى مغير جهاز شباك كاريير من جهازين اتننين وربع حصان احترق احدهما والاخر صوته عالى كانك مشغل جرار بالبيت
وطلب مكانه واحد اخر كاريير وبالصدفة كنت مقيم عنده خلال زيارة لعده ايام نظلرا لمرضه ربنا يشفيه ويعافيه و قد حضرت عملية التركيب
فنى الشركة احضر جهازكاريير واتضح انه بدون الريموت والكتالوج مسامسر التثبيت وتم رفضه وطلبنا جهاز اخر كرتونته
تكون مبرشمة وبعد التركيب اتضح وجود عيب فى مروحة التبريد كانت محشورة فى جسم الجهاز
وبفحص ضاغط الجهاز الجديد تبين انه عديم المنشأ وماركته غير معروفة طبعا ده اهم واغلى قطعه فى التكييف
نصحت عديلى بجهاز شارب واحد ونصف سلبيت بدلا من الكاريير العديم الهوية وللعيب الظاهر فيه
خاصة وان احد الاجهزة احترق عنده اضافة ان الا سلبيت سهل الصيانة واهدأ فى الصوت
وفعلا تم تركيبه فى اقل من نص ساعة والتبريد تلاااااااااااااااجة
اما عديلى الاخر مركب جهاز فريش ويونيون اير سلبيت وكلهم مشاكل وكثير الاعطال وصيانتهم
سيئة
لذلك انصح الجميع بشارب عن تجربة شركة محترمة وتكييف به مميزات رائعة وشارب هو اول من ادخل تقنية البلازما فى تكيفاته بمصر
كما انصح الجميع ان لايسمح بتركيب اى جهاز كرتونته مفتوحة وغير مبرشم بلاصق واربطة المصنع لان الفنى اتصل بشركته والمهندس قال له خد التكييف اللى بيه المشكلة لزبون تانى
اسف للاطالة وارجو ان اكون افدت الجميع
فريش ممتازززززززززززززژ
عندى الشارب 2.25 شغال على غرفه 25 متر دور اخير بسم الله ماشاء الله زى الفل
عندى الكارير 5 حصان ولا له اى لازمه
ارشحلك شارب ولعلمك اغلب تجار التكييفات بيبعدوك عن شارب لان مكاسبهم فيه ضعيفه مقارنه بالماركات الاخرى والشركه بتتنطط عليهم وبيوردوا لهم كميات اقل من المتفق عليها والدفع مقدم وبانتظار الكلام ده من صديق لى يعمل فى التكييفات