انا كنت ناوي اجيب بيجو 301 بس واضح ان كل الناس اللي جابتها بتقول ان التوكيل نصاب ف حكاية التيل و البوجيهات . . فهل في حل للموضوع دا برة التوكيل حتى لو هتخرج من الضمان لان كدا اصبح الضمان ملوش لازمة !!
عرض للطباعة
انا كنت ناوي اجيب بيجو 301 بس واضح ان كل الناس اللي جابتها بتقول ان التوكيل نصاب ف حكاية التيل و البوجيهات . . فهل في حل للموضوع دا برة التوكيل حتى لو هتخرج من الضمان لان كدا اصبح الضمان ملوش لازمة !!
عشان نبقى موضوعيين مشكلة التيل دى شكلها هتبقى مشكلة عامة في العربيات الجديدة اغلبها مش البيجو بس
هم بيقولوا ده تيل صديق للبيئة خالى من مادة الاسبستوس المسرطنة ولكن للاسف لسة التكنولوجيا ما وصلتش انها تخليه معمر عن 16 الف كيلو بحد اقصى زي ما بيقولوا
لسة امبارح هنا في المنتدى شايف واحد معاه استرا الجديدة وبيشتكي نفس المشكلة بالظبط ﻻ وكمان التيل عنده بـ 900 وشوية ، يعنى موت وخراب ديار مستعجل ، ربنا معاه
عامة انا عامل بالعربية 8500 كيلو وعربيتى مانيوال نزلت من يومين فكيت عجلة من اللى قدام بصيت ع التيل بنفسى بس كان في الضلمة بس لقيت لسة في كتير يعنى اعتقد والله اعلم ممكن اعدي 25 الف في عربيتى لو بنفس المعدل اللى شفته قدامى
عربيات تويوتا ونيسان وبي ام واوبل دلوقتى فيها نفس المشكلة
ولكن عامة العربية دى (301) متشابهة في العفشة مع الـ 207 وصرة العجلة الامامية كاملة بالطنابير بالتيل بالبلى بالمقص كمان هى هى بتاعت احد موديلات الـ 207 ودى حاجتها موجودة جديد اصلى وتركي واستيراد وهتلاقي التيل لو حبيت تجيبه من برة على الاقل لو مكنش بيعيش اكتر هيبقى ارخص
من الاخر المشكلة دى في حد ذاتها مش شايفها تخلينى اصرف نظر عن العربية ولكن احنا بنعيب على التوكيل طريقته في التعامل وعدم شفافيته واحترافيته في التعامل مع العملاء ومشاكلهم
البوجيهات نفس الكلام ينطبق واللى غيروا بوجيهات في التوكيل كذا مرة مش حالة عامة زي التيل ، دى مشاكل فردية مع ناس عندهم مشكلة في استهلاك البنزين
قطع زي التيل وحتى البوجيهات اعتقد ما تخرجش العربية من الضمان ، الفكرة بس في عدم الانتظام في الصيانة مع التوكيل كصيانة هى اللى ممكن تخلى التوكيل يبقى في حل انه يضمن عربيتك .. ( بيعاملك بمبدأ اعرفنى في الرخاء اعرفك في الشدة ! )
شكرا عالرد استاذ عمرو .. بس كتير الواحد يدفع اكتر من الف ونص ف كل صيانة !! ولا ايه رأي حضرتك
معتقدش ان كل صيانة كده انا فى صيانة العشرة دفعت حوالى 750 جنيه تقريبا على ما اذكر ولسه مغير التيل من اسبوع بعد لما وصلت ل 15000 كم لان التيل كان مكفى , لكن انا منتظر اى جديد فى موضوع التيل بحيث نعرف دى مشكلة عامة عشان الحفاظ على البيئة ولا دى ردائة خامات.
زى ما قال عمرو كدة، الشكوى من حاجات استهلاكية و اتضح بعد كدة انها مشكلة عامة مش مشكلة بيجو بس، عشان كدة التوكيل معملش اى action فى موضوع الشكوى دة للأسف، و مش هى دى الحاجات اللى تخليك تشترى العربية او متشتريهاش. انا واحد من الناس كنت متضايق جدا من موضوع التيل دة بس لما لقيت ان دى شكوى عامة من ماركات كتير، سلمت امرى لله و ادينى مستنى لما ينزل اى نوع تانى نغيرة و خلاص
-ردا على نقطة asbestos يا ريت عدم ذكر كلام علمي يجهله اغلبية لوضع صورة غير حقيقة على تيل الفرامل الغير كفئ
مادة asbestos منع استخدامها من الثمانينات و ليس الان و ده لينك هدية ازل لآخر الصفحة عند manufacturerAuto Mechanics & Asbestos - Expsoure, Hazardous Techniques & Safety Measures
هنا بردو ممكن تشوف where is asbestos in my car??
Why Hasn’t The EPA Banned Asbestos Use In Auto Parts? | Earthgarage Blog
-تحياتي للجميع
على فكرة ده مش كلامى وانا فعلا ما اعرفش اصلا ايه الاسبستوس ده ومش مقتنع 100% بالموضوع لو لاحظت كلامى هتلاقينى كاتب " هم بيقولوا ده تيل صديق للبيئة خالى من مادة الاسبستوس المسرطنة"
عامة بعتذر عن الترويج لمعلومة ممكن تبقى خاطئة حتى لو اظهرت انى مش متأكد وانى بنقلها زي ما اتقالت :Zb_sor1[1]: :tumb: