انا كنت بفكر اعمل عملة مجنونة وابيع الهوندا بتاعتى واشترى أوروبى
ودماغى مش زى الناس - بحب التميز لكن من غير التضحية بالأعتمادية والجودة - لكن مبيهمش سعر اعادة البيع
حد يفيدنى أجيب الستروين سى 5 والا البيجو 508
من فضلكم محدش يقترح حاجه تانية
عرض للطباعة
انا كنت بفكر اعمل عملة مجنونة وابيع الهوندا بتاعتى واشترى أوروبى
ودماغى مش زى الناس - بحب التميز لكن من غير التضحية بالأعتمادية والجودة - لكن مبيهمش سعر اعادة البيع
حد يفيدنى أجيب الستروين سى 5 والا البيجو 508
من فضلكم محدش يقترح حاجه تانية
البيجو 508 منتشرة اكتر من الـ c5
لو يهمك الانتشار
الـ c5 منزلين فى سعرها بس التوكيل مبقاش ينزل الهاى لاين اللى فيها فتحة سقف و بقت بتنزل فئة واحدة
الاتنين برستيج عالى و توكيلهم فى نقس المستوى تقريبا
اختيار محير صراحة بس انا بيعجبنى تابلوه الـc5 اكتر
بالتوفيق فى الاختيار
انا كمان من الناس اللى بتحب التابلوه يبقى مليان حركات ويكون جميل يمكن علشان طبيعة شغلى كده برضه وباعرف اتعامل
لكن فيه فرق فى الثمن حوالى 15 الف هو مش كتير لكن مش عارف هاخد قصادهم ايه
هل من رأى أخر؟
طيب ما تفكر فى سيتروين ds5 عربية بجد جاااااااااااااااااااااااا ااااااااااااااااااااامدة جدا جدا
اوبل انسجنيا
C5 اعلى حاجه اقل من 220 انما الببجو 270 والنسجنيا 300 فقيمة مقابل سعر هيه الستروين ده غير ان عفشة الستروين انعم
508 اكثر انتشارا شكلها حلو برا وجوا اكتر من ال c5
السيتروين C5 أفضل فقط كقيمة مقابل السعر
هى نازلة فئة واحدة دلوقتى اللى هى الديناميك ودى كانت ما بين الbase line والhigh line وسعرها 215 ألف
لكن العيب الرئيسى سمعة عز العرب المصحوبة دائماً بالمواقف الغير مريحة خصوصاً فيما يتعلق بقطع الغيار الغير دورية.
البيجو فى منها فئتين والإثنين أغلى من السيتروين حتى الفئة الأولى اللى تجهيزاتها أقل من الC5
لكن التوكيل أكثر نشاطاً وأحسن سمعة وانتشارها كعربية أكثر بفرق كبير.
الفروق الميكانيكية تكاد تكون غير موجودة.
يقال إن عفشة الC5 أنعم شوية
C5 بلا تردد أو جدااااااااااااااااااااااا اال .. أشيك بره وجوه ، شبابي أكتر ، أرخص .. والله أعلم .
بقى يا راجل هتنزل من الهوندا للبيجو او ستروين
اكيد بتهرج
اخي الفاضل
بيجو و ستروين شركة واحدة
فكل فئة من بيجو مقابلها اختها من ستروين - نفس التكنولوجي و الامكانات ولكن بيجو لها سمعه جيده في مصر فسعرها اعلى
العكس مثلا في دول المغرب العربي الستروين سعرها اعلى من البيجو
اذن السي 5 هي البيجو 508
انا لو مكانك اجيب السي 5 لفارق السعر
بالنسبة لليباني و الفرنسي
فيعني فرنسا بتصنع الميراج و تعتبر ثالث دول العالم في الاقمار الصناعية يعني طيارات و صواريخ
مش عربيات
بس اهي سمعه لليباني و خلاص
اظن ان الاتنين في نفس المستوى دولتين متطورين و دول صناعية كبرى
وفق الله للاختيار الصائب
و شكرا:S_thum1[1]:
شكرا للتوضيح . وانا مش قصدي ان اليباني وحش
اطلاقا همامتطوين في تكنولوجيا تانيه خالص الربوت و التكنولوجيا الضقيقه اكتر و ده فكرهم
:S_thum1[1]:
لوووووووول
ينزل من سيفيك لـ c5 او 508 ؟
هو حضرتك شفت العربيتين دول ؟
على فكرة الفئة المقابلة للسيفيك فى الستروين و البيجو هى الـ c4 و الـ 308 يعنى اصلا المقاارنة غير عادلة للسيفيك من الاول عشان دول فئات مختلفة عنها كون بقى ان التوكيل بتاع هوندا فى مصر نصاب و حاطط العربية فى فئة سعرية غير اللى مفروض تتحط فيها فده عيب التوكيل
و اليابان اعلى بمراحل من فرنسا ؟!!!!
لا تعليق بصراحة
أنا متفق تماما مع رأي الأغلبية هنا أن ال c5 وال 508 أعلى من السيفيك
وأتفق تمام أن اليابان ليست أعلى من فرنسا على الإطلاق ، بل العكس هو الصحيح !! فرنسا وإنجلترا دول صناعية منذ مئات السنين من قبل ظهور اليابان على الخريطة من أصله !! أما سر نجاح السيارات اليابانية فقط لا غير أنها تقدم توليفة ( كوكتيل ) من المميزات ( كالسرعة والتكييف واستهلاك البنزين ) مع سعر منافس جدا .. ولكن حتى هذه الأمور التي نعتبرها مميزات في الياباني لم تعد حكرا عليه في السنوات الأخيرة ، بل تفوق عليه فيها - أو على الأقل تساوى - الأوروبي وربما الكوري أيضا ..
والله أعلى وأعلم .
هو حصل ايه فى الشعب المصرى
ليه كل بوست يتحول لخناقة ؟
الكل بيحاول يثبت وجهة نظرة ويتحول الموضوع بعيدا عن الموضوع الأصلى
الموضوع بسيط جدا - المسألة وجهات نظر - وبس
انا شايف ان اليابانى افضل وغيرى شايف ان الأمانى افضل - وواحد تالت شايف ان الفرنساوى افضل
وكل واحد له وجهة نظر مش هتتغير ابدا الا بالتجربة العملية ووجود شكاوى من نوع معين من السيارات وحتى دى فيها استثناءات - لأن اللى ممكن يعمل معالك مشاكل ميعملش مع غيرك - حسب استخدامك
فكل واحد عنده حق فى اللى بيقولة من واقع تجربته
انا كان ليه تجربه سيئة جدا مع ستروين zx عربية طلعت عينيه - لكن عاوز اقول مش كل الستروين كده - لأن فيه فئات تانيه طلعت احسن - فهل احكم على الستروين بأنها مش حلوة أو سيئة - طبعا لأ - لازم نكون مرنين فى المناقشة - ونحترم اراء الأخرين ونقدر كل صانع سيارات - فى الأخر نعطى النصيحة الخالصة لوجه الله للسائل اللى هو انا
حد ليه تجربة مع السى 5 - انا منتظر ردود من ملاكها وشكرا
هو إيه اللى دخل السيفيك فى الحوار يا شباب....؟؟
الراجل عامل موضوع وبيسأل سؤال محدد
يجيب 508 وﻻ c5.....؟
و كمان طلب إن ماحدش يقترح إقتراحات أخرى
العربيتين فرنساوى ومن نفس المجموعة كمان
يعنى مافيش أسهل وأوضح من كدة
يبقى مافيش داعى لكل الشد والجذب ده. إللى عنده معلومة أو رأى عن العربيتين دول يتفضل مشكوراً يساعد الراجل.
مش كده برضو
انا عارف ان السيفيك عربية محترمة جدا بس اللى انا بتكلم فيه ان السيفيك small family car او c-segment عكس الستروين و البيجو اللى هما large family car يبقى السيفيك مش فى الفئة بتاعتهم اصلا و ده طبعا حاجة لا تعيب السيفيك فى حاجة عربية محترمة و من افضل اليابانى فى السوق و كفاية حب الناس ليها فى السوق الامريكى مع ان اللى بتنزل هنا مختلفة شوية بس برضه تفضل عربية محترمة جدا و انا شايف فيه فرق و لو مش كبير لصالح الستروين و البيجو مع الموتور التربو و الاوبشنز الكتير و الوسع بتاعهم ..
اللى دخل السيفيك العضو الكريم اللى داخل يقول هتنزل مش هتطلع من سيفيك لـ c5 او 508 و كان لازم الرد عليه لأن الكلام غير صحيح
mercedes , mini cooper, audi !?!?!
يا باشا ربنا يباركلك فى الهوندا
انا بعد كلامك ده مقدرش اقول حاجة بصراحة :x1[1]::x1[1]::x1[1]::x1[1]::x1[1]::x1[1]::x1[1]::x1[1]::x1[1]:
F.PHxxx
طبعا البيجو هنا اكتر
ولكن الستروين مميزة اكتر وجميلة
ولكن فالمقابل مخاطرة
البيجو
مع احترامي لرأيك وأرجو أنك ما تاخدش ردي بصورة شخصية ...
ازاي السيفيك أفضل عربية مع بي إم ....
بص يا باشا مبدئيا كدا في الياباني ...السوبارو امبريزا أعلي بكتير من أي حاجة تانية ياباني ...تيجي بعديها مازدا ٣ في متعة القيادة ....
السيفيك في نفس شريحة الكرولا وبعديهم سيكا اللانسر ...
داه بصورة عامة ....أقصد بالنسبة للعربيات اللي بالمواصفات الموجودة في مصر ...
تيجي بقه تخش علي الأروبي ....
إل C5 وال- 508 دول أنضف من الأكورد ...فمش فاهم أنت ازاي مدخل السفك معاهم في مقارنه أصلا ..
كفاية فرق المواتير والعفشه والقوة ....
السيفك الموديل الحالي كان أفشل حاجة في هوندا في العشرين سنة اللي فاتو ...
موتور قديم وفتيس قديم وعفشه تورشن بيم وتابلوه بلاستيك من خامات متواضعة ....
لو بتتكلم من ناحية عالمية ...ممكن أقولك إن السيفك إل Si هي اللي جامدة جدا وفيها شغل ومع ذلك اللانسر ايفولوشن وسوبارو wrx أو sti يعلموا عليها جامد ...
خلي بالك اللي بيكلمك معاه سيفيك وأصلا كييف سيفك وكان معايا اكورد قبليها سبور بابين من أحلى ما يمكن لمدة ٦ سنين والعربيتين بحبهم جدا بس مش لدرجة أني أدخلهم مع ستروين ولا 508 ...
يا عم دة حتي الفلوانس تعتبر منافس شرس ليها ...وصدقني سعرها مبالغ فيه بدرجه عبيطة في مصر لأنها تقفيل تركي ....
بالنسبة لصاحب الموضوع ...أنا شايف إن تفكيرك جميل وذوقك عالي وبصراحة أنا ميال أكتر لل-C5 بس أعمل تست درايف للاتنين ...