هي سعرها رفع من 185 الي 189 امتي ؟؟
عرض للطباعة
هي سعرها رفع من 185 الي 189 امتي ؟؟
بجد حرام اللي بيحصل فينا ده.... هو احنا بنلاقي الفلوس
انا حاجز الفئة الثانية من شهر ونص و اتقالى نفس الكلام لكن بدون تأكيد من المندوب و احتمال يكون صح خاصتا بعد ارتفاع الدولار فى الفترة الاخيرة و بصراحة كان لازم التوكيل يلتزم بتثبيت السعر خاصتا انه بيحجز ب 25% تقريبا بالمقارنة بغبور هيونداى يلتزم بتثبيت السعر بعد دفع 20% حجز مع موافقة البنك الممول و ده حصل معايا عند حجز ix35
اعتقد انها زيادة سعر تعديل الارتفاع . خصوصا انه زى المهندس محمد قال ده بيغروا الفشه تماما يعنى مش زى ما اتعمل فى السيفيك علشان يعلوها و بالتالى هايحسب التكاليف على المستهلك . بس كده هاتخرج من المنافسه مع فئات تانيه . يعنى تانى فئه بالمنظر ده ممكن توصل 192 الف ؟ هههه
زيادة السعر المحتملة و ليست الاكيدة نتيجة التضخم و فرق العملة و مش عشان الارتفاع خالص.
وده هنشوفة علي شهر ٨ و ٩ في كل العربيات مع نزول موديلات ٢٠١٥ و منهم الفلوانس علي فكرة اللي جاتلي اخبار برضو انها هتغلي ههههه.
الكورولا اول منزلت ب ١٨٥ كان الحجز شهرين الي ٣ شهور و بعد مغليت ب ١٨٩ الحجز زاد و بقي ٣ الي ٤ شهور في حين ان العربيات المنافسة بتتسلم فورى و كمان عليها خصم ٢٠٠٠ و ٣٠٠٠.
الدولار في السوق السودا كان ب ٧.٣٠ و بقي ٧.٤٥ يعني فرق ١٥ قرش في عربية متوسط سعرها ٢٥٠٠٠ دولار يجيبلك الفرق ٤٠٠٠ جنيه اللي هي الزيادة المتوقعة بالورقة و القلم .
و انا شايف ان الاقبال برضو هيبقي عالي و الحجز بالشهور و الافر برايس في المعارض ١٠٠٠٠ ده لو لقيتها لانها سلعة عليها اقبال قوي جدا.
اخر جولة اخدتها في المعارض الاتية ( المصرية ، القرش ، سمير ريان ، عادل جودة )من اسبوع علي الكورولا مش موجودة فورى حضرتك بتحجز و تستلم في خلال شهر بأوفر برايس