-
موبايل المدام ضاع :( :(
سلام عليكم
زي ما مكتوب في العنوان
كنا في مشوار , لفينا على كام حضانة للبنت الصغيرة
لما طلعنا البيت ما لقتهوش :(
رنيت عليه على اساس انه معاها و مش لاقياه , ما رنش
و هوب , اتكنسل عليا , و فهمت اللي فيها :(
فعلا رنيت عليه تاني لقيته مقفول , و طبعا كده اللي لقاه انسان محروم من الضمير و قرر يضرب عليه
اتصلت بخدمة العملا خليتهم وقفوا الشريحة
التليفون نفسه عشان يوقفوا السيريال قالوا لي لازم النيابة اللي تخاطبهم و بالتالي لازم اعمل محضر في القسم
المشكلة الاساسية مش التليفون , ما كانش غالي للدرجة
المشكلة الاساسية في كارت الميموري اللي عليه طبعا صور و خصوصيات :(
افيدوني افادكم الله :(
-
ربنا يعوض عليك صعب تلاقيه عن تجربة
-
طب مالكارت هيطلع من او دقيقة ما قدامكش غير النيابه والشرطة مع الاسف مش عارف هتقدر تجبهولك ولا لا
-
لو اندرويد
جرب
https://www.google.com/android/devicemanager
و تعمل erase بس مش عارف بصراحه هل بيعمل لكارت الميمورى كمان و لا للجهاز فقط
-
لو سامسونج وکان ال 3g شغال
Find My Mobile | Samsung Content & Services
لو نوع تانى يبقى اتمنى الأعضاء يفيدوك
ربنا يعوض عليك
-
-
ربنا يعوض عليك ،، وربنا ينتقم ممن سرقوه .
-
هو سامسونج بس مش اندرويد , و للأسف اللي لقاه قفله
-
مش مهم انه اندرويد الموقع اللى مديلك الرابط بتاع لكل تليفونات سامسونج
جرب مش هتخسر حاجة
الموقع تقدر تعمل منه لوك للتليفون وفورمات ورسالة تحذير وتتبع وبلاوى تطلع بيها عين اللى سرقه
حتى لو هو قفله ما هو لما يجى يبيعه لحد لازم يجربه الأول وهيتفاجى باللوك على التليفون والزبون هيعرف انه مسروق او مضروب عليه والباشا هو هيكلمك ويقولك ارجعوهلك قصاد 200 جنيه مثلا
-
استعوض ربنا فيه وخلاص ومتحطش فى دماغك
Content Relevant URLs by
vBSEO 3.6.0 PL2