اليومين دول اشتريت مياة نسلي من مكانين مختلفين كل مرة طعم المياة وحش ونهاردة صحبي اشتري من مكان غير دول بردة طعم المياة وحش في مرارة
عرض للطباعة
اليومين دول اشتريت مياة نسلي من مكانين مختلفين كل مرة طعم المياة وحش ونهاردة صحبي اشتري من مكان غير دول بردة طعم المياة وحش في مرارة
يا راجل. ده انا فاكر الموضوع عندي انا بس
وقلت يمكن لساني كارف ولا حاجة ... فعلاً طعم مية نسلة اليومين دول زفت قوي.
نستلى دى تقريبا بيملوها من الحنفيه
نستله طعمها وحش , كل حاجه باظت فى البلد يا جدعان
انا لسه شارى 2 قاروره و مفيش اى مشاكل فى الطعم
و اشتريت زجاجه صغيره النهارده و مفيش مشاكل
ممكن الباتش ده لسه موصلش عندنا
---
اعتقد ان نستله من الشركات المحترمه
ممكن شكوى على موقعهم و احتفظ بعينه مقفوله و يفضل اكتر من شخص تى لا يربط الطعم بسوء تداول
طب لما مية الحنفيه بتجيب الفشل الكلوي
و مية الفلتر لا يوصي بها لانها منزوعة الاملاح و بتجيب هشاشه عظام
ولسه متدبس في فلتر اوزون ب. ١٤٠٠ جنيه على انه هيطلع ماء قلوي طلع ده موضوع تاني و تعب لي معدتي جدا بعد ٣ ايام
و دلوقت مية نستله باظت
يبقى مفيش غير ان الواحد يشرب من البحر
بالنسبة لمياة المنزل
انا جبت فلتر باناسونيك يابانى وممتاز جدا والمياه ممتازة
بالنسبة للمياه المعدنية فحاليا بشترى مياه معدنية اسمها اكوا باريس
وهى مياه من انتاج وزراة البترول من واحة باريس بالوادى الجديد من بئر على عمق 750 متر
ومكتوب كدة على الزجاجة
وبصراجة مياة ممتازة ومبحسش فيها لا بطعم ولا بمرارة
اما بالنسبى لبركة ونستله فانا بطلت اشتريهم الا لما اتزنق
والسبب ان المياة بتاعتهم بتستخرج من بئر جوفى عميق فى كفر الاربعين ببنها قليوبية زى ماهو مكتوب على الزجاجة
وده مش مريحنى بصراحة خصوصا انى بسمع عن القيلوبية انها بتعوم على الصرف الصحى
ياحرام...اشرب من الحنفية هتلاقيها احسن من نسلة :)
انا مش فاهم انت ايه علاقتك بالموضوع! انا كاتب رد ساخر لصاحب الموضوع وهو معلقش عليه ولازعل منه...لانه ببساطة حتى المياه بتاعت الشركات دي مش موافقة للمعايير ولو عملت لها تحليل هتلاقي فيها كل انواع البلاوي، ومن هنا كان ردي الساخر بتاع الحنفية....فسعادتك زعلان ليه وايه علاقتك حتى بالموضوع مفهمتش!
عموما بما انك اتحمقت وزعلت وعملت مشاركة سيئة كمان :) انصحك نفس النصيحة، لو مياه باناسونيك مش ظابطة معاك ياحرام أشرب من الحنفية :) take it easy now.
اولا/انت محددتش تعليقك الاول موجه لمين
ثانيا/بغض النظر تعليقك موجه لمين ، فالسخرية مرفوضة فى جميع الاحوال
(قال تعالى: ( يَا أَيُّهَا الَّذِينَ آمَنُوا لَا يَسْخَرْ قَوْمٌ مِنْ قَوْمٍ عَسَى أَنْ يَكُونُوا خَيْرًا مِنْهُمْ وَلَا نِسَاءٌ مِنْ نِسَاءٍ عَسَى أَنْ يَكُنَّ خَيْرًا مِنْهُنَّ وَلَا تَلْمِزُوا أَنْفُسَكُمْ وَلَا تَنَابَزُوا بِالْأَلْقَابِ بِئْسَ الِاسْمُ الْفُسُوقُ بَعْدَ الْإِيمَانِ وَمَنْ لَمْ يَتُبْ فَأُولَئِكَ هُمُ الظَالِموُن )[ الحجرات : 11 ] )
(وعن أبي هريرة -رضي الله عنه- قال: قال رسول الله -صلى الله عليه وسلم-: « من كان يؤمن بالله واليوم الآخر فليقل خيرا أو ليصمت، ومن كان يؤمن بالله واليوم الآخر فليكرم جاره، ومن كان يؤمن بالله واليوم الآخر فليكرم ضيفه »(1) رواه البخاري ومسلم.
ثالثا/ بالنسبة لكلامك الموجه لى فانا لن انزلق إن شاء الله لمثل هذا المستوى فى الحوار واكتفى بتقرير مشاركة سيئة وفى انتظار الرد من الادارة
تنزلق ازاي يعني هو كلمة اشرب من الحنفية دي شتيمة؟ طب عليا النعمة انا بشرب من الحنفية كل يوم ومعرفش انها اهانة :)
بالمناسبة السخرية مش من العضو الفاضل ولكن من نصب الشركات اللي بتضحك عالناس فأرجوك مش كل حاجة تلزقها في الدين بدون فهم دقيق للحاجة...
دي اخر مشاركة ليا في الموضوع لان الظاهر في ناس حساسة وانا حسيت نفسي قاسي القلب واخلاقي شريرة :)
اولا /كلام حضرتك كان موجه لشخص مش لشركة
ثانيا / انا مقلتش انك شتمت وانا قلت انك سخرت
ثالثا/ مش المشكلة فى عبارة اشرب من الحنفية المشكلة فى باقى كلام حضرتك والسخرية الواضحة فيه وبلا مبرر
رابعا/ وبافتراض انى فهمت كلام حضرتك غلط كان ممكن توضحه ببساطة وبدون سخرية
حامسا/ حضرتك برده واصلت السخرية بعبارة (( مش كل حاجة تلزقها في الدين بدون فهم دقيق للحاجة)) مع انى مش يبتكلم فى موضوع فى الفقة
انا بتكلم على حاجة بسيطة وهى عدم جواز السخرية فى جميع الاحوال
عموما حصل خير
يرجى من السادة الاعضاء عدم الدخول فى حوارت جانبية حفاظا على شكل الموضوع وعدم توقيع عقوبات
مشرف 3 ب
5.02pm
21/4/2014
دي كانت الافضل !!