نداء إلى خبراء إسبرانزا 516 ....... الرجا المساعدة

**Fouad Ezz** · 20-04-2014 08:42 PM

بسم الله الرحمن الرحيم
"قل لن يصيبنا إلا ما كتب الله لنا"

الحمد لله ..
اليوم وأنا ماشى بالعربية (516) فى أمان الله على طريق الأتوستراد .. وإذ بها فجأة .. تبطل و أسمع صوت حشرجة فى المتور ... وربنا ستر إن ده ماتسببش فى حادث .. قدرت وبفضل الله ألم العربية إلى أقصى اليمين و أركنها بقوة دفع السرعة إللى كنت ماشى عليها ... وبعدين ...

مش عارف إية إللى حصل ... ما بتدورش خالص ولا بسمع صوت مارش أصلا .. وبسمع صوت غريب من الموتور

معنديش خبرة أوي بحيس أقدر أقرر .. الموتور قفش ولا إية
مع إنى العربية عاملة 60 ألف بس من الزيرو 2008 ومش بامشى بيها كتير وكل صياناتها فى التوكيل
وأخر صيانة لها كانت صيانة ال 60 ألف من أسبوع فقط وغيرت بوجيهات ومجموعة كاتينة وزيوت وفلاتر
طبعا اليوم كان الأحد .. وغدا أجازة .. إتصلت بونش ورحت ركنتها ... إية العمل طمنوني بالله عليكم ...

**M I D O** · 20-04-2014 09:20 PM

لو الصوت الي بتسمعة دة وانت بتدور العربية بتحس انها عاوزة تلقط بس مبتدورش برضو و الموتور بيتحرك ببطئ وفي صوت حشرجة يبقي دة سير الكتينة حصل فية مشكلة خلي المكنة تقفش

**moumen_shafik** · 20-04-2014 09:30 PM

اول شى بص على الزيت لونه ايه عشان لو وش السلندر
ثانيا بص على سير الكاتينه ممكن يكون الى ركبه مركبه غلط وفك وقفش فى التروس ( بعيده شويه )
ثالثا العربيه حرارتها عليت وهى بتعمل كده ولا ايه الظروف الى اعرفه ان العربيه دى حرارتها بتعلى لوحدها من غير اى سبب وخصوصا 2008

**Fouad Ezz** · 20-04-2014 09:35 PM

الزيت تمام ولونه فاتح ولزوجتة جيدة .. برضة لسة متغير من كام يوم فى نفس الصيانة الدورية
سير الكاتينة والبلية فى مكانهم تمام .. وحرارة العربية لم تزيد قبل الموقف ده .. أو بعد ماجربت أدورها ...
كل إللى بيحصل إنى بسمع صوت صادر من الموتور كما لو كان كركبة .. وصوت المارش مافيش تماما

**hugan** · 20-04-2014 10:12 PM

لو كاتينه اللفه بتاعت المارش بتكون سريعه
الله اعلم بالموقف اللي حصل
من كلامك ان مفيش لقط للمارش من اصله

**moumen_shafik** · 20-04-2014 11:07 PM

انا مش عايز اقلقك بس انصحك متحاولش تدور تانى
بس الواضح ان المشكله كبيره
ربنا يستر ان شاء الله وتكون حاجه هايفه
بس صوت كركبه من داخل الموتور دى مش تمام يعنى
بص هيا حاجه من 2 على معلوماتى
ممكن يكون المرش الترس بتاعه علق ف حاجه او الترس فيه مشكله
ثانيا ربنا يستر ومتكونش هى المكنه تكون فيها مشكله من جوه بعد الشر يعنى
حاول تدى الغيار الرابع وزق العربيه لورا كده او قدام لو لقيت صوت الكركبه جوه الموتور سيبها زى ماهى ومتحركهاش لحد متودهالهم التوكيل
شوف كده وقولى
والله واعلم برده انا مش خبير قوى

**exact** · 20-04-2014 11:17 PM

مشكلة عويصة... طب تمم على الاسلاك والفيوزات وفيشة الثروتل او البوابة اللي في وش المكنة ممكن تكون فكت وقبل اي قرار لازم تحطها على سكانر

**fourseasons** · 20-04-2014 11:51 PM

يا باشا ولا تشغل بالك ما دام الشغل فى التوكيل وبالفواتير.ونش و على التوكيل و متحولش تدورها خالص.....وصور الورق كله الفواتير و دفتر الصيانة و عليهم و اى حاجة عليهم يا باشا ديه لسه صيانة من 6 ايام.........وفى الغالب ديه كاتينة........وان شاء الله تاخد حق حضرتك كله منهم بس اهم حاجة الفواتير المؤرخة بالأعمال ولو لقيتهم بيستهبلوا اكش عليها برة و اتأكد ايه ال حصل الأول و محضر اثبات حالة بالفواتير ,,وتليفون لحماية المستهلك....... امال حضرتك بتدفع 1500 صيانة كاتينة فى التوكيل ليه و هى برة ماتعملش 800 ج.وان شاء الله خير وابقا طمنا عملت ايه

-

الموضوع: نداء إلى خبراء إسبرانزا 516 ....... الرجا المساعدة

LinkBack

أدوات الموضوع

عرض

نداء إلى خبراء إسبرانزا 516 ....... الرجا المساعدة - انشر الموضوع فى :

-

-

-

-

المواضيع المتشابهه

نداء الى خبراء الخليجي و رقم ال vin

الرجا المساعدة من اصحاب الخبرة فى هذة السيارات

نداء الى خبراء الشارك e21

نداء الى خبراء الهوندا

نداء الى خبراء التعديل

الكلمات الدلالية لهذا الموضوع

المفضلات

المفضلات

ضوابط المشاركة