-
اسبوع عذاب
اولا الحمد لله لاحظت فى عربيتى تعريق زيت تحت الفرن بس العربيه تمام وكنت مسافر اسكندريه اخر الاسبوع فكان لازم اطمن روحت مركز الحمد بصقر قريش وكشفت على العربيه طلع فيها جوان وش سلندر بس مفيش مشاكل غير تعريق الزيت تانى يوم روحت المركز تانى وغيرت الجوان ولم يتم خرط الوش الحمد لله وغيرت جاوويد فرن كان مكسور وجوانات فرن وسيل كامه وسيل كرنك وطقم بوجيهات ngkوتنظيف البلوف والبوابه وتم تغيير خرطوم ظغط بنزين لانه كان مكسور جبته ب110 جم والموضوع كله اتكلف حوالى600 جم بالمصنعيه بس العربيه بقت تحفه صوتها واطى جدا والسحب تمام انا كان فى نيتى اغير كاوتش عشان اللى عندى طلعت عين امه بجد ماشى بيه 70000كم طبعا كان بريدجستونb250 المهم يوم الخميس كنت رايح وسط البلد فى شغل وعلى مطب راحت مرايه الصالون مكسوره من القاعده طبعا مفيش وقت للتصليح انا مسافر اسكندريه الصبح روحت معدى على التوفيقيه حبت واحده جديده gmب100جم خلصت شغل فى وسط البلد وخدت نفق الازهر وروحت وصلت اتوستراد وفرده ورا شيعت ومش نافعه ركبت الاستبن وروحت مكلم fit&fix عباس العقاد على اربعه فرده كاوتش b250 ملقتش عندهم غير 2فرده سعر الفرده375جم كلمت فرع الاتوستراد فى بنزينه توتال لقيت عندهم 4فرده تورنزا ar20 _مقاس13/75/175 الفرده ب410جم شامل البلوف والترصيص والضربيه روحت ركبتهم واخدت 10%خصم فيزا البنك الاهلى المصرى بس بصراحه طلع كاوتش جامد اخر حاجه واحسن من b250 والحمد لله واسف على الاطاله
-
مبروك عليك الكاوتش الجديد وربنا يباركلك فيها وتروح وتيجى بالسلامة ان شاء الله
-
خير انشاء الله الحمد الله على نعمة الصحة**
-
ياريت عنوان المركز
انامن السيدة زينب
والف مبروك
ياريت تقولي اية نظام المركز كشغل ومصنعية
-
السلام عليكم
ممكن صوره لخرطوم ضغط البنزين دا
-
ايه يعم خوفتنا عليك، عنوان الموضوع خلانى اتوقع مصيبه مع كل سطر، تقول فكيت وش سلندر و انا اقول بس المصيبه حتصل دلوقتى، تقول كاوتش ماشى بيه 70000 و انا اقول دلوقتى هوبااا فرده حتضرب و العربيه هتعموم ربنا يستر.
حمدالله على سلامتك و الف مبروك عالكاوتش الجديد d: D:
-
مبروك الكاوتش
ومعلش اهي عدت
Content Relevant URLs by
vBSEO 3.6.0 PL2