استفسار هام بخصوص تعويمه فى بيجو 301 على السرعات العالية

السلام عليكم انا اول ما استلمت العربية و بعد لما كملت 1000 كيلو كنت سافرت بيها وكانت ماشاء الله لحد 160 -170 ثباتها زى الفل بس من يومين كده كنت مسافر بالعربية و حسيت ان العربية فيها شبه تعويمه كده او عدم اتزان بعد ال 120 كده بس انا كان عندى صوت طقة فى العفشة و دوخت لحد ما عملتها فى التوكيل نور الدين اللى فى اسكندرية لما داخ فى صوت الطقة ده كان فك الجنب اليمين كله اللى فيه صوت الطقة ده و ركبه تانى يعنى فك المساعد بالبطاحة بالطنبور بس انا بعد لما عملت الفيلم ده ماظبتشى زوايا فهل كان لازم اظبط زاويا بعد الفك و التركيب مع انى ما غيرتش حاجة فى العفشة و هل ده هو االى ممكن ياثر على ثبات العربية و خصوصا فى السرعات العالية زى ما حصل معايا فى اخر سفرية ولا ايه فبرجاء الافادة من الاعضاء المحترمين و شكرا ؟

اظبط الزوايا في اي مكان برة محترم على مقاسات الـ 307 واظبط الكاوتش على 30 نتروجين وانسى العربية بعدها ان شاء الله

اقتباس:

---

المشاركة الأصلية كتبت بواسطة amrelsaqqa

اظبط الزوايا في اي مكان برة محترم على مقاسات الـ 307 واظبط الكاوتش على 30 نتروجين وانسى العربية بعدها ان شاء الله

---

هو انا بظبط زاوايا فى بريدجستون بس هما لسه ماعندهومش مقاسات ال 301 و لا ايه و هل كنت لازم اظبط بعد الفك و التركيب بتاع العفشة و لا مالوش علاقة

انا لما رحت اظبط في شهر 1 اللى فات بردجستون محيى الدين ابو العز مكنش عنده مقاسات الـ 301
وفي الاخر واحد برنس عندنا في شبين الكوم ظبطهالى على مقاسات الـ 307 ومكنتش مقتنع في الاول باللى بيعمله بس فعلا العربية ظبطت تماما الحمد لله على مقاسات الـ 307 والحوار ده كان بعد الحادثة لما غيرت المقص والشمعدان


طب هى العربية بتحدف لو سبت الطارة على اي سرعة وﻻ ﻻ ولو كدة بتحدف يمين وﻻ شمال ؟
هو نظريا الفك والتركيب مالوش علاقة اوى بالزوايا بس عمليا عشان يفك ويركب بيدق دق خفيف على تيش الاسكترا عشان تفك من الشمعدان وكذلك بيضة المقص ، فممكن العربية تحتاج لظبط زوايا بعدها

اقتباس:

---

المشاركة الأصلية كتبت بواسطة amrelsaqqa

انا لما رحت اظبط في شهر 1 اللى فات بردجستون محيى الدين ابو العز مكنش عنده مقاسات الـ 301
وفي الاخر واحد برنس عندنا في شبين الكوم ظبطهالى على مقاسات الـ 307 ومكنتش مقتنع في الاول باللى بيعمله بس فعلا العربية ظبطت تماما الحمد لله على مقاسات الـ 307 والحوار ده كان بعد الحادثة لما غيرت المقص والشمعدان


طب هى العربية بتحدف لو سبت الطارة على اي سرعة وﻻ ﻻ ولو كدة بتحدف يمين وﻻ شمال ؟
هو نظريا الفك والتركيب مالوش علاقة اوى بالزوايا بس عمليا عشان يفك ويركب بيدق دق خفيف على تيش الاسكترا عشان تفك من الشمعدان وكذلك بيضة المقص ، فممكن العربية تحتاج لظبط زوايا بعدها

---

بص انا ملاحظتش العربية بتحدف يمين و لا شمال اللى انا لاحظته ان العربية بعد ال 120 مش راسيه معايا زى الاول زى تعويمه كده حاسسها فى الدكسيون يعنى مش عارف اوصف اوى بس حاسس ان زى الدركسيون كده بيلعب فى ايدك فى السرعة العالية مش عارف ده احساس ظبط الزاوايا و لا ايه لان انت عارف على سرعة 130 او 140 صعب تسيب الدركسيون حته ثانية عشان تشوفها بتحدف يمين و لا شمال انت فاهم قصدى ؟

اقتباس:

---

المشاركة الأصلية كتبت بواسطة m.basha

بص انا ملاحظتش العربية بتحدف يمين و لا شمال اللى انا لاحظته ان العربية بعد ال 120 مش راسيه معايا زى الاول زى تعويمه كده حاسسها فى الدكسيون يعنى مش عارف اوصف اوى بس حاسس ان زى الدركسيون كده بيلعب فى ايدك فى السرعة العالية مش عارف ده احساس ظبط الزاوايا و لا ايه لان انت عارف على سرعة 130 او 140 صعب تسيب الدركسيون حته ثانية عشان تشوفها بتحدف يمين و لا شمال انت فاهم قصدى ؟

---

مم مش عارف بس انت لو ماشى في طريق كويس امان وواسع ممكن تسيب الدركسيون مع العربية دى عادى

انا كنت بسيب ايدي عادى على 130 و 140 وانا بجرب بعد ما استلمت على طول ووانا بظبط العربية بعد كدة لما كنت بظبط الزوايا

فلو عندك احساس انك مش قادر تسيب الدركسيون وبيلعب في ايدك يبقى في حاجة غلط فعلا

راجع على ضغط الهوا تانى كأجراء مبدأى ممكن يبقى في عجلة ورا اتخرمت وﻻ حاجة وعلى فكرة ممكن الضغط يوصل لحد 17 في العجلة وما يبانش عليها من برة ، وتأثر على ثبات العربية وعدلة الطارة ، وده عن تجربة ، فشوف كدة الحاجة السهلة الاول وبما انك عملت كل حاجة تبع التوكيل ارجع للتوكيل افضل

حضرتك طالما فك البطحات والمساعدين لازم اكيد يعيد ضبط الزوايا من جديد وشكرا

اقتباس:

---

المشاركة الأصلية كتبت بواسطة amrelsaqqa

طب هى العربية بتحدف لو سبت الطارة على اي سرعة وﻻ ﻻ ولو كدة بتحدف يمين وﻻ شمال ؟
هو نظريا الفك والتركيب مالوش علاقة اوى بالزوايا بس عمليا عشان يفك ويركب بيدق دق خفيف على تيش الاسكترا عشان تفك من الشمعدان وكذلك بيضة المقص ، فممكن العربية تحتاج لظبط زوايا بعدها

---

بعيداً عن الحوار الاصلي
عربي دا يا عمرو

اقتباس:

---

المشاركة الأصلية كتبت بواسطة john55

حضرتك طالما فك البطحات والمساعدين لازم اكيد يعيد ضبط الزوايا من جديد وشكرا

---

اه دا عربي

لو صوت الطقه ده بتسمع لما الدريكسون تلفه للاخر يبقى مشكله بطاحات
واظبط زوايا ورصص ومش هاتعوم

اقتباس:

---

المشاركة الأصلية كتبت بواسطة nonalaziza

بعيداً عن الحوار الاصلي
عربي دا يا عمرو

---

ههههههههههههههههههههههههه فصلتينى ضحك بجد
انا دخلت لقيت لايك فقلت كويس والله ان في بنات بتفهم في الكلام ده ، لسة بقول هييييييييييه لقيتك بتقولى عربى ده :D


عامة الواحد ما عرفش الحاجات دى وخصوصا اسماءها الدارجة بالساهل وجت غصب عن الواحد نتيجة لف كتير وبهدلة مع العربيات ، الحمد لله

بس شكلك مهتمة بالموضوع ، عشان كدة ده مرجع سريع في الصورة اللى جاية للعفشة الامامية كلها ممكن تعتبريه معلومات اثرائية :D

http://i58.tinypic.com/106gewm.jpg


رقم 1 في الوسط من فوق : اسمها الاسكاترا او علبة الدركسيون وده الشيء اللى بينقل حركة الدركسيون الدائرية من فوق لحركة خطية يمين وشمال تحرك العجل تحت

المسافة من 2-3 ده عمود خارج من الاسكاترا او تيش اسكاترا او دراع اسكاترا ده اللى بينقل حركة الاسكاترا ويحرك العجل فعلا

رقم 3 ده نقطة تثبيت تيش الاسكاترا في الشمعدان ( اللى هو رقم 6 ) ولما يتحرك الشمعدان العجلة كلها بتتحرك

رقم 4 تحت ، ده المقص وجنبه في وسط العربية من تحت القنطرة رقم15 ودى بتثبت العفشة في شاسيه العربية وكمان بيبقى في قاعدة سفلية للموتور بتثبت الموتور فيها بالاضافة لان الاسكاترا نفسها او علبة الدركسيون بتتثبت فيها


رقم 5 في طرف المقص دى بيضة المقص وبتركب حشر في الشمعدان وبيقفل عليها مسمار ودى بتسمح لحركة المقص مع المطبات هى والجلبة اللى بتبقى بين المقص والقنطرة

وهى كأنها مفصل بحيث يبقى في مرونة في حركة المقص مع المطبات والارض المكسرة

رقم 6 ده الشمعدان اللى اتكلمنا عليه وواضح انه هو بيلم كل حاجة في بعض يعنى واخد دراع من الاسكاترا عشان يحرك العجل يمين وشمال ومربوط في المقص من تحت ومنه لشاسيه العربية وكذلك من فوق عن طريق المساعد (رقم 12 على اليمين) ومنه للبطاحة رقم 11 لحد نقط التثبيت في شاسيه العربية من فوق



رقم 7 هنا بلية العجل في الشمعدان وبيركب فيها الكوبلن اللى جاي من الفتيس (مش موجود في الصورة ) ده يخلى العربية تمشى والعجل يلف

لو بصينا ع الناحية التانية (الشمعدان من برة ) نلاقى طمبورة الفرامل رقم 8 بتلف مع البلية اللى راكب فيها الكوبلن يعنى بتلف طول ما العربية ماشية لحد ما الكاليبر بتاع الفرامل رقم 10 يضغط ع التيل رقم 9 والتيل يحتك بالطمبورة جامد لحد ما تقف وتوقف العربية معاها



المساعد 12 والسوستة رقم 13 و البطاحة والشمعدان بالبلية والطنابير والكاليبرات كل ده على بعضه الصنايعية بيسموه ركبة كاملة او جنب كامل



بالمرة رقم 16 دراع ميزان او تيش ميزان ورقم 17 ميزان ودول لهم دور مهم في ظبط اتزان العربية في الملفات


اعتقد كدة الدنيا بقت عربي شوية ولا ايه :D :D
وطبعا صاحب الموضوع هييجى يضربنا بالنار دلوقتى :D

بص انا اعرف المصفحه والقنطرة و الجلب و المقصات و البطاحه و البلي و الطنابير و كده كفايه عليا

اقتباس:

---

المشاركة الأصلية كتبت بواسطة amrelsaqqa

ههههههههههههههههههههههههه فصلتينى ضحك بجد
انا دخلت لقيت لايك فقلت كويس والله ان في بنات بتفهم في الكلام ده ، لسة بقول هييييييييييه لقيتك بتقولى عربى ده :d


عامة الواحد ما عرفش الحاجات دى وخصوصا اسماءها الدارجة بالساهل وجت غصب عن الواحد نتيجة لف كتير وبهدلة مع العربيات ، الحمد لله

بس شكلك مهتمة بالموضوع ، عشان كدة ده مرجع سريع في الصورة اللى جاية للعفشة الامامية كلها ممكن تعتبريه معلومات اثرائية :d

http://i58.tinypic.com/106gewm.jpg


رقم 1 في الوسط من فوق : اسمها الاسكاترا او علبة الدركسيون وده الشيء اللى بينقل حركة الدركسيون الدائرية من فوق لحركة خطية يمين وشمال تحرك العجل تحت

المسافة من 2-3 ده عمود خارج من الاسكاترا او تيش اسكاترا او دراع اسكاترا ده اللى بينقل حركة الاسكاترا ويحرك العجل فعلا

رقم 3 ده نقطة تثبيت تيش الاسكاترا في الشمعدان ( اللى هو رقم 6 ) ولما يتحرك الشمعدان العجلة كلها بتتحرك

رقم 4 تحت ، ده المقص وجنبه في وسط العربية من تحت القنطرة رقم15 ودى بتثبت العفشة في شاسيه العربية وكمان بيبقى في قاعدة سفلية للموتور بتثبت الموتور فيها بالاضافة لان الاسكاترا نفسها او علبة الدركسيون بتتثبت فيها


رقم 5 في طرف المقص دى بيضة المقص وبتركب حشر في الشمعدان وبيقفل عليها مسمار ودى بتسمح لحركة المقص مع المطبات هى والجلبة اللى بتبقى بين المقص والقنطرة

وهى كأنها مفصل بحيث يبقى في مرونة في حركة المقص مع المطبات والارض المكسرة

رقم 6 ده الشمعدان اللى اتكلمنا عليه وواضح انه هو بيلم كل حاجة في بعض يعنى واخد دراع من الاسكاترا عشان يحرك العجل يمين وشمال ومربوط في المقص من تحت ومنه لشاسيه العربية وكذلك من فوق عن طريق المساعد (رقم 12 على اليمين) ومنه للبطاحة رقم 11 لحد نقط التثبيت في شاسيه العربية من فوق



رقم 7 هنا بلية العجل في الشمعدان وبيركب فيها الكوبلن اللى جاي من الفتيس (مش موجود في الصورة ) ده يخلى العربية تمشى والعجل يلف

لو بصينا ع الناحية التانية (الشمعدان من برة ) نلاقى طمبورة الفرامل رقم 8 بتلف مع البلية اللى راكب فيها الكوبلن يعنى بتلف طول ما العربية ماشية لحد ما الكاليبر بتاع الفرامل رقم 10 يضغط ع التيل رقم 9 والتيل يحتك بالطمبورة جامد لحد ما تقف وتوقف العربية معاها



المساعد 12 والسوستة رقم 13 و البطاحة والشمعدان بالبلية والطنابير والكاليبرات كل ده على بعضه الصنايعية بيسموه ركبة كاملة او جنب كامل



بالمرة رقم 16 دراع ميزان او تيش ميزان ورقم 17 ميزان ودول لهم دور مهم في ظبط اتزان العربية في الملفات


اعتقد كدة الدنيا بقت عربي شوية ولا ايه :d :d
وطبعا صاحب الموضوع هييجى يضربنا بالنار دلوقتى :d

---

ياسلام عليك
كنت بدور علي موضوع يشرح العفشة ياما قلاقي الصور واقعة لان الموضوع قديم او ملاقيش الشرح الوافي

تعمل فيا جميل لو شرحت العفشة الخلفية يا استاذ عمرو بنفس النظام ده
وجزاك الله كل خير

طالما فكيت اجزاء من العفشة يبقي لازم تظبط زوايا

سؤال يا أهل الخبرة
العربية مضبوطة زوايا علي الطريق، يعني عدلة وثابتة
بس لما اجي ادوس فرامل ، العربية تحدف يمين ؟؟؟
هل العربية تحتاج الي ضبط زوايا ؟؟؟؟

اكيد

اقتباس:

---

المشاركة الأصلية كتبت بواسطة أمير سليم

سؤال يا أهل الخبرة
العربية مضبوطة زوايا علي الطريق، يعني عدلة وثابتة
بس لما اجي ادوس فرامل ، العربية تحدف يمين ؟؟؟
هل العربية تحتاج الي ضبط زوايا ؟؟؟؟

---

غالبا محتاج ضبط ضغط الكاوتش بس

اقتباس:

---

المشاركة الأصلية كتبت بواسطة أمير سليم

سؤال يا أهل الخبرة
العربية مضبوطة زوايا علي الطريق، يعني عدلة وثابتة
بس لما اجي ادوس فرامل ، العربية تحدف يمين ؟؟؟
هل العربية تحتاج الي ضبط زوايا ؟؟؟؟

---

أو ماستر فرعي.

اقتباس:

---

المشاركة الأصلية كتبت بواسطة svneleven

أو ماستر فرعي.

---

ممكن حتى كوبلن مش مظبوط يعمل كدة مع الفرملة ، بس احنا بنتكلم في الاسباب الاكتر احتمال في عربية جديدة

لا العربية مش جديدة