بيجو 301 الفئه الاولي ولا شفروليه افيو الفئه الاولي مع العلم بيجو 110............افيو95الف وياريت مع شرح سبب الاختيار انا حاسس الافيو ضعيف موتور83 حصان
تم نقلة لقسم المقارنات .
4:33 pm
2014/4/25
1 ب
عرض للطباعة
بيجو 301 الفئه الاولي ولا شفروليه افيو الفئه الاولي مع العلم بيجو 110............افيو95الف وياريت مع شرح سبب الاختيار انا حاسس الافيو ضعيف موتور83 حصان
تم نقلة لقسم المقارنات .
4:33 pm
2014/4/25
1 ب
معلش يا جماعه بتعبكم معي
اوعه تشترى افيو عربيه ثبات فى الضياع -قول كدة هيونداى اكسيل
بيجو 301 بالرغم من عيوبها(مفيش حاجة كاملة)
الافيو فيها abs -ebd-airbag-immobilizer ال301 ال abs ebd airbag immobilizer حاجات اساسية
غير العيوب اللي كانت مشهورة فيها و معرفش اتحلت و لا
الافيو تتفوق في انتشار قطع الغيار و سعر اعادة البيع
البيجو افضل طبعا ومشاكلها دلوقتى مع التوكيل
http://www.nilemotors.net/Nile/360846-301.html
انا مكانش قصدي ان في عيوب جوهرية في ال301 و لكن اللي انا اقصده ان كل حاجة ليها عيوب و مميزات
باشا دى مش مقارنة مع احترامى ليك افيو اية اللى هتجيبها جنب ال 301
مشاكل ال 301 مع التوكيل يغنى انا النهاردة دفعت 70 جنية زيادة مثلا بس مش المشاكل القهرية اللى تخليك تقارن العربيتين دول ببعض مفيش وجة مقارنة
بيجو 301 روعه
بيجو 301 بتنتشر وبقت كتير فى الشوارع ودة شىء مطمئن وجميل صراحه
الافيو بقه مش عربيه وبالنسبه ليا الانوس برقيتها
بيجو 301 مفيش مقارنة افيو اية بس حرام
301
طبعا البيجو 301 مفيش كلام .
فرأي البيجو
301
اللوجان الجديدة وبسعر الافيو وابشن اكتر واحسن في كل شئ
شوف يا باشا
من طريقة سؤالك واضح انك مجربتش العربيتين وانك مش متعمق اوي في مقارنات السيارات
بص يا سيدي الفئة السعرية دي مليانه انبهارات وانفجارات بعكس فئات سعرية اخري
احنا دلوقتي من 95 الي 110 عندنا الاتي:-
1. اللوجان كاملة (كاماليتها تفوق ال301)
2. البيجو 301 والستروين سي اليزية
3. النيسان صني الشكل القديم مانيوال
4. البتاعة دي اللي اسمها افيو الجديدة
تعالي نقارن بقي بينهم:-
خد مني الجملة دي زي ما هيا كدا
البيجو اجودهم في الصناعة
والنيسان اطولهم عمرا واسهلهم صيانه
واللوجان اجملهم واكثرهم كماليات
والافيو مش عارف ايه اللي دخلها المقارنه معانا
تعالي اوضحلك انا اقصد ايه
حقيقي البيجو هيا الافضل والاكثر توقعا لمستقبل انجح بس خد بالك من عده نقاط
البيجو مصروفة عالي في الصيانة ولا قدر الله الحوادث والتوكيل صعب وغالي
كمان ال301 مطلوبة اوتوماتيك اكتر من مانيوال عشان فمتتوقعش سعر اعادة بيع كويس ليها لو مانيوال
اما اللوجان فهي مع توكيل افضل وارخص نسبيا وكماليتها اكتر لكنها غير جيدة الصناعة والتقفيل لو قورنت بال301 بس لعلمك اللوجان سعرها حيعلي مستقبلا ولو اشتريت دلوقتي حتبيعها مستعمله بالغالي
والعربيتين جيدين من حيث عوامل الامان
وده الفكر الاوروبي
اما النيسان فعشان ياباني تبقي معمرة اكتر "ابعد عن النيو صني انا بتكلم عن الشكل القديم" بس امكانياتها محدودة
انا لو مكانك اجيب صني قطع غيار وشغل بدون مصاريف عالية وكمان معمرة ومحترمة حقيقي وسعر اعادة بيع عالي
اما بقي البتاعة اللي اسمها افيو فهي تنتمي للعائلة الضائعة شيفورلية جنرال موتورز
ودول اليومين دول مبهدلين السوق المصري العربيات بتتقفل في الصين وقطع الغيار صيني في صيني والمستوي غاية في التدني
وكل عشر سنين يعملك فيس لفت عقيم لشكل السيارة من بره ومن جوا هيا هيا مع اي زيادات هجص
ابعد عن الافيو واي شيفورليه
الدايو والشفورلية القديم حمادة والجديد حمادة تاني خاااااااااااالص ربنا يكفيك شرة
وبالنسبة للاتزان علي الطريق حقيقي ال301 ثم النيسان ثم اللوجان كلهم ممتازين مع مراعاه الترتيب
الافيو الجديدة مسوقتهاش بس القديمة معجبتنيش خالص
خلاصه الخلاصه لو عاوز اعتمادية ومصروف متوسط يبقي الصني القديمة
لو معاك تصرف يبقي هات ال301 اوتوماتيك اغلي شوية معلش
لو عاوز سعر اعادة بيع عالي وبيع كمان 5 سنين يبقي لوجان
ولو عاوز تبهدل نفسك انصحك بالافيو وانت مغمض وحتدعيلي
وانا معاك لحد ماتوصل افضل خيار
المقارنة جميلة واللى ضحكنى اية اللى جاب الافيو معانا :tumb:
بس موضوع توكيل الرينو انت متاكد انه رخيص؟؟؟؟
موضوع الكماليات احسن يا ريت اعرفها بالتفصيل لاجل المعرفة علشان لو حد سالنى ارشحله برده جنب ال 301
انا معاك فى نقطة التقفيل وخصوصا ان البيجو التصميم الداخلى والخارجى جميل جدا بعكس الرينو وخصوصا من الداخل
انا للان بستغرب افيو بتتقارن ازاى
لو اوبترا نقول ماشى
توكيل رينو غالي لكنه ارخص نسبيا من بيجو "انا قولت ارخص نسبيا مش رخيص ههه"
وكمان توكيل رينو اسهل في التعامل وافضل بعكس البيجو
فرق الكماليات تنحصر في الشاشة ومثبت السرعة وكمان اماكن زراير ازاز الكهربا بالنسبالي اي كلام يعني
بس النافيجيشن اللي في الشاشة مهم وممكن تعوضه انك تفتحه من موبايلك
وبعدين انا بنصح نفسي والجميع بالصني الشكل القديم افضل من كل دول في نظري بتحقق المعادلة الصعبة
انا قابلت واحد فى صيانة بيجو بيقول انه كان معاه الميجان وكان اسعاره خياليه
ممكن يكون اسهل مش هقول اه ولا لاء لانى ماعرفش الصراحه
مثبت السرعه مش مشكلة كبيرة بيتركب فى بيجو ب 600 جنية بس كويس من رينو
المهم فى الشاشة لو فيها gps تبقى حاجة جميلة جدا بس اعتراضى علي التصميم الداخلى بس
انا نصحت بيها ناس الرينو من ناحية الفئة السعرية بالنسبة للصنى اول عربية اشوف الشكل الجديد فيها يوقع العربية
الناس اللى بتجيب جديد يا هندسه ببتقى عايزة شكل جديد برده وحاجة كويسه الصنى القديمة جميلة بس الشكل قدم ونرجع للمشكلة البوما
لو ماشيناها نسبة وتناسب يعني حتلاقي البيجو برضة غالي شويه
بس انا عاوز اريحك انت معاك 301 عربية ممتازه وفلوسها فيها ولو انت قادر علي صيانتها يبقي خير وبركه وفضل ونعمة
انت كدا معاك احسن خيار في السلطة قصدي احسن خيار في الفئة السعرية
مدام قادر عليها يبقي تمااااااااااااام وانت كدا متظبط
متقارنش كتير وتتعب قلبك لما تيجي تجيب تاني ابقي فكر لكن اللي معاك كدا زي الفل متتقارنش باي خيار تاني ولا حتي طماطم
بإذن الله .. بيجو 301 ستستعيد عرش بيجو مع الوقت بدلا من الكوري المستحوذ على السوق منذ فترة بدون وجه حق.. والله أعلم.
ههههههه تمام اووى كدة وفعلا الافيو ماينفعش تتقارن مع اللادا حتى :fun_36_3_4[1]:
ولو على البيجو 301 اطمن العربيه بسم الله ماشاء الله جميله جدا وهتريحك وانا كنت ف حيرتك دى وكنت خلاص هشترى الاوبترا بس لاقيتها ب 123 الف قولت حرام دى كانت ب 97 الف زمان والنيسان صنى الشكل القديم تقفيل مصرى شيلتها من دماغى واتكلت على ربنا وجيبت البيجو وماندمتش الحمد لله :tumb:
يا جماعة نتيجة الاستطلاع باينة.. بيجو : أفيو = 25 : 0