new soul 2015

**Deshahcoka** · 10-05-2014 11:04 AM

هوا مش راضين ينزلوا abs في اول فئه عشان ميبوظوش بيع بقيت الفئات الحرميه :(

بس لو التانية فيها abs يبقى مش بطال ! حضرتك متأكد من المواصفات ديه يا باشا ؟

**memo823000** · 12-05-2014 07:45 AM

انا متاكد الحمد لله لانى ببعها ودى شغلتى
والعربيه كبرت فى المقاسات طولت 35 سم وطبعا الطول جه فى الشنطه
والعرض وقاعدة العجلات بقى اكبر حوالى 10 سم
والارتفاع من الارض لحد السقف قل حوال 7 سم عشان اختراق الهوا

طبعا العفشه بقت حاجه تانيه زى الفرق بين السيراتو 2010 و الجديده 2014

واكتر حاجه عجبانى خامات العربيه كصاج وخامات داخليه فوق فوق الممتازه

**S O P H O S** · 15-05-2014 03:14 PM

عربية جميلة بصراحة

**Dr.Akram** · 15-09-2014 03:36 AM

انا عايز اجيب الكيا سول ٢٠١٥ الفئه الاولي ١٥٧٠٠٠بس الabs موقفني
و لو وصلت للفئه التانيه الكارينز احسن ١٨١٠٠٠
هو العربيه من غير abs مش بتفرمل ولا ايه فهموني
و لو جبت العربيه من غيره ما ينفعش اركبه بره ولا ده هتش
ساعدوني ماعلش
ولو مش كده في البيجو ٢٠٠٨ برضه ٢٠١٥ فيها كل ده و اكتر
رأيكم إيه

**memo823000** · 15-09-2014 08:04 AM

كل عربيه وليها شخصيتها
الكارينز عربيه عائليه من الدرجه الاولى فيها 3 كنبه يعنى اطفال وهرس وسفر ولكن تعتبر ارتفعها قليل او الارتفاع العادى ولو المطبات عاليه وطرق وحشه زى الزراعى او طرق الصعيد هتتعب من الحك
السول عربيه مخلطه يعنى عاليه زى الكروس اوفر صالون واسع زى السيدان وشنطتها كويسه وكمان عمليه جدا لمصر ولطرق مصر ولمطبات مصر وزحمت مصر هتنجزك وطبعا نفس موتور وفتيس السيراتو الشكل الجديد وسعرها يعتبر كويس بالنسبه للعربيات العاليه اللى اقل عربيه دلوقتى بقت بتتباع اوفر برايس زى ix35 ب 210000 او الاسبورتاج 216000

بالنسبه لاول فئه سول فيها
واحد ايرباج - مرايات ضم واشارات مرايات - مفتاحين ريموت اوريجنال - فوانيس شبوره - طاره مالتى فانكشن - تحكم للبور comfort/normal/sport mode
زجاج ملون - جنط اسبور 16
ومفهاش abs
والسعر 157000

الفئه الهاى لاين بتزيد
جنط 18 ودى اخر تعديل
2 ايرباج بدل واحد وفرامل abs
فرامل ديسكات خلفيه
مثبت سرعه - سقف بانوراما - مقابض نيكل- سينسور خلفى
والسعر 180000

طبعا اخترت الكارينز او اخترت السول اول فئه او الهاى لاين التلاته اختيار موفق وكل فئه بتمنها بس العربيتين كوالتى وتقفيل ممتاز
انت اختار اللى شايفه مناسب وارتياحك النفسى

**Dr.Akram** · 15-09-2014 11:59 AM

شكرا لك جدا
بس موضوع الabs في اول فئه من السول ايه مشكلته في الفرامل هاتعمل ايه يعني
و هل بيتركب ولا لأ

و شاكر اهتمامك جدا

**DEVIL333** · 15-09-2014 12:17 PM

عربية ممتازة

**Dr.Akram** · 15-09-2014 07:17 PM

المشاركة الأصلية كتبت بواسطة memo823000

كل عربيه وليها شخصيتها
الكارينز عربيه عائليه من الدرجه الاولى فيها 3 كنبه يعنى اطفال وهرس وسفر ولكن تعتبر ارتفعها قليل او الارتفاع العادى ولو المطبات عاليه وطرق وحشه زى الزراعى او طرق الصعيد هتتعب من الحك
السول عربيه مخلطه يعنى عاليه زى الكروس اوفر صالون واسع زى السيدان وشنطتها كويسه وكمان عمليه جدا لمصر ولطرق مصر ولمطبات مصر وزحمت مصر هتنجزك وطبعا نفس موتور وفتيس السيراتو الشكل الجديد وسعرها يعتبر كويس بالنسبه للعربيات العاليه اللى اقل عربيه دلوقتى بقت بتتباع اوفر برايس زى ix35 ب 210000 او الاسبورتاج 216000

بالنسبه لاول فئه سول فيها
واحد ايرباج - مرايات ضم واشارات مرايات - مفتاحين ريموت اوريجنال - فوانيس شبوره - طاره مالتى فانكشن - تحكم للبور comfort/normal/sport mode
زجاج ملون - جنط اسبور 16
ومفهاش abs
والسعر 157000

الفئه الهاى لاين بتزيد
جنط 18 ودى اخر تعديل
2 ايرباج بدل واحد وفرامل abs
فرامل ديسكات خلفيه
مثبت سرعه - سقف بانوراما - مقابض نيكل- سينسور خلفى
والسعر 180000

طبعا اخترت الكارينز او اخترت السول اول فئه او الهاى لاين التلاته اختيار موفق وكل فئه بتمنها بس العربيتين كوالتى وتقفيل ممتاز
انت اختار اللى شايفه مناسب وارتياحك النفسى

هو انا عايز اعرف التعليق في الكيا سول الجديده متصل ولا منفصل

**khaledelshafie** · 16-09-2014 01:56 AM

العربية ممتازة وعاجبانى جدا
وكان نفسى اجيب منها الفئة التانية علشان ال abs
بس لقيتهاهتبقى غالية اوى
انا كمان شوفتها في كيا موتورز الكويت اتوهمت بصراحة في منتهى الشياكة وعلى فكرة هى نازلة 2015 فئة واحدة بس مخلطة علشان تتباع
بس اللى انا لاحظته ان اللى هناك في الكويت اشيك بكتير اولا من برة لونين مش لون واحد يعنى مثلا العربية حمرا والسقف والقوايم والمرايات سودااء او العربية بيضاء والسقف والمرايات حمراء او ابيض لؤلؤى والسقف والمرايات اسود بصراحة تجنن وحتى من جوه الفرش لونين عاملينه اسود في بيج درجة بيج غامق كده تحفة انا معرفش هى نازلة مصر كده ولا لا . بس السول اللى بشوفها هنا في القاهرة مالهاش علاقة ببتاعة الكويت الصراحة ...انا صورتها كام صورة بس مش عارف انزل الصور على المنتدى خالص كان نفسى اكتب موضوع عنها....