الصور الداخليه للفلوانس ده الشكل القديم و ليس الفيس ليفت ...
مقابل الهاى لاين للكورولا ...
الصور الداخليه للفلوانس ده الشكل القديم و ليس الفيس ليفت ...
مقابل الهاى لاين للكورولا ...
تسلم علي التقرير الجميل ، و اجمل ما فيه انه من واحد ممتلكش العربية و عمل تيست درايف فقط و ده اللي هيخليه حيادي و بدون تعصب.
بالمناسبة العربيتين تقفيل تركي ، و كمان الفتيس في الكورولا cvt بس مختلف تماما عن اللي في الفلوانس و ده اللي خلاك متاخدش بالك ان في فرق لان الكورولا طورت ال cvt جامد جدا و برمجته بطريقة متخليكش تحس ابدا انه cvt و ده قمة الاعجاز العلمي هههههههه.
و انا اتفق معاك في الوسع الداخلي خصوصا لو رجعت الكرسي الامامي للاخر ، راحة القاعدة ، قوة الموتور ، قوة التكييف و استجابة الفتيس ، و ده فعلا بالتجربة مع زميل في العمل ركب عربيتي كورولا ٢٠١٤ و ديه كانت نفس تعليقاته.
اشكرك مرة تانية علي التقرير الجميل الحيادي و بالتوفيق في اختيارك ان شاء الله .
الاخ العزيز ..
حضرتك قلت عايز تخدم اللي هيشتري .. بس بينت له إن الفلوينس عربيه متتركبش .. و كورولا عربيه زي الفل :d !
أنا معايا الفلوينس من 5 شهور .. و لما جد بياخد رأيي بقوله شوف الكورولا و بعدين شوف الفلوينس ..
و الإتنين في رأيي الحصانين الكسبانين بالتساوي ..
القعده ورا .. : أنا طولي 180 و برجع الكرسي علي الأخر .. و ناس من قسم تويوتا معاهم كورولا الجديده قعدوا ورا و هما يحكموا .. مش بخبط في عربيه من الأتنين والله قد ما شايف حضرتك متحيز أوي أصلا !!!
التابلوه !!!! الفرق بين الأتنين علامه إستفهام كبيره في رأيي ..
و هي مسأله أذواق .. لكني أري أن الفلوينس التابلوه بتاعها .. و الساوند سيستم أحلي من الكورولا بفرق مش قليل ..
و ده رأيي برده و أحترم رأي حضرتك الي أبعد مدي ..
حضرتك عشان برده نخدم اللي هيشتري .. كتوكيل .. لازم نشوف أراء الناس ..
أنا شخصيا : توكيل رينو محترم جدا .. و التعامل فيه راقي ..
توكيل تويوتا : إستدعي العربيات اللي نزلت في الدفعات الأولي عشان يعدل إرتفاعها علي حسابه في نقطه تحسب لصالحه و تخليني أصقفله بصراحه ..
الخلاصه في رأيي العربيتين متساويين جدا و يبقي حضرتك أو االمشتري هيرتاج لأيه !!
تحياتي
ضعف التكييف و عدم التحكم في السرعات :d !!!
انا يا ريت أتشرف بمقابله حضرتك و تركب معايا و نشوف التكييف الضعيف و التحكم السئ ده >> لأنه الموضوع غريب عليا ..
انت متاكد انك سوقت فيس ليفت
كلامك هيبقا صحيح لو بتتكلم عن الفلوانس الشكل القديم
لكن أعذرني رأيك لا يوجد فيه نوع من الحيادية
خاصه تفضيل لوحة العدادت العادية في الكورولا عن الديجيتال الموجودة في الفلوانس ...
الكورولا من الخلف أوسع مافيش كلام
لكن ليس معناه ان الراكب الخلفي لازم ينجعص على حد تعبيرك :coolio:
مسالة الارتفاع عن الارض لا ينفي إنخفاض إرتفاع الكورولا بشكل ملحوظ عن الفلوانس
ودي مسألة تحيز وليس تقييم
مسألة الفتيس والموتور
اعذرني حضرتك معرفتش تستخدم فتيس ال CVT المطور من شركة نيسان
لإنه فعلا بيعتمد على أسلوب سواقه معينه لازم تبقا عارفه
وكونك مش عارف تستخدمه لا يعني بوجود تأخير في إلاستجابه أو بكونه مصيبة على حد تعبيرك ..
الاوفر برايس 10.000 على حد كلامك مش معناه ان الكورولا أفضل ولكن الكورولا أفضل سيارة إنتشارا نظرا لتاريخ ماركة كورولا من قديم الزمن نظير موديل الفلوانس الذي يرجع إنتاجه منذ عام 2010 فقط .
ونظر لمعايير السوق المصرية والعالمية في موديل كورولا ..
دليل تحيزك للكورلا وليس تقييمك يكمن في ألاشياء التالية
التي تساوي فلوس كتير وعدم إبداء رأيك فيها وتجاهلها بالمرة
نظام صوتي من الشركة الفرنسية Arkamys ثلاثي ألابعاد
سمارت كي بدءا من الفئة الثالثة اللي سعرها 169500
فتحة سقف من الفئة E3s والتي سعهرا 178.000 نظير عدم وجودها فالهاي لاين للكورولا
فرش جلد بالكامل مع عدد 6 إيرباجز للفئة الهاي لاين الللي سعرها 188000 من غير أوفر برايس
3 ستاير خلفى فى الفلوانس
4 زجاج كهرباء لمسة واحدة طلوع و نزول مع anti pinch و مكن رفع
حساسات نور ومطر
مخرج تكييف خلفي
نظير الكورولا أهم مايميزها
ESP
.TRC
الاوتوبارك
من الاخر كده كل واحد بيشوف الفلوس اللي هيدفعها هيستفاد منها بأي شكل
ومهما تطول المقارنة مش هنطلع غير بمقوله وحده
Renault Flunce the best value for money
لكن لا ننكر قوة تويوتا في إصدارها أخر إصدار من السيارة كورولا
والسيارتين من أفضل أختيارات عام 2014
وقبل طرح رأيك كان يجب التفكير العميق قبل إبداءه
تحياتي العطرة
سوف لا ازيد كلام ع كلام الزملاء مالكين سيارتنا الفيس لفت ولكن يجب ان تكون فعلا جربت الفيس لفت بطريقة تحكم ولا يمكن الحكم ع السيارة من مشوار واحد
وشكرا لتقريرك واهلا بك
اعتمادية وسعر اعادة البيع يخلي الكرولا الحصان الرابح
عند حضرتك حق يا استاذ وليد
الكورولا اكتر عربية اعتمادية و معروفة بكدة و ده اللي مخليها رقم واحد علي مستوي العالم . يعني تحط بنزين و تغير زيت فقط لا غير .
و ده اكيد بينعكس علي سعر اعادة البيع، يكفي ان اقول لحضرتك اني كنت شاري كورولا ٢٠١١ هاي لاين ب ١٥٠ الف و بعتها شهر ١١ اللي فات و هي ماشية ٥٥ الف كم ب ١٦٥ الف يعني جبتها و استهلكتها و لما بعتها كسبت فيها ١٥ الف و دلوقتي غليت اكتر و تجيب ١٧٥ يعني استثمار كأنك شاري عقار او معاك دولار في البنك و دي في حد زاتها متعة لا توصف و انت بتبيع العربية و انت واثق انها هتجيب السعر اللي انت عاوزه و بسرعة .