السادة الأفاضل
لقد تابعت التقييم الخاص بالأخ الفاضل عن الكورولا والفلوانس ويمكن انا لست مالك لأي منهم ولكن بطبيعه اهتمامي بمجال السيارات فلقد قمت بتجربه كل منهم ويمكن انا عايز اعلق على حاجه وهي فكرة أن صالون الفلوانس أضيق أو أوسع من الكورولا ولكن في حقيقة الامر ان تصميم الكنبه الخلفيه مختلف تماما فالكورولا لها تصميم منخفض للكنبه الخلفيه و سهوله انضغاط الاسفنج الخاص بها وهذا تصميم مرتبط بالصانع وليس بلد المنشأ يعني ممكن حضرتك يكون العربيتين تم تجميعهم في تركيا ولكن الاختلاف في التصميم بمعنى أن الفلوانس يغلب على تصميم الكنبه الطابع الاوربي زي البيجو و الجيتا والاوكتافيا في القعدة تحس أن الكنبه مش طريه ولا نشفه ومش بتهبط لما تقعد عليها بعكس الكورولا يغلب عليها الطابع الياباني في الجلوس كنبه مريحه ولكن منخفضه وذات اسفنج طري هو مش عيب ولكن مواصفات من الصانع يتم الالتزام بها في أي دوله يتم تجميع فيها سياراتهم يعني تحس أن القعدة زي التيدا وده بياثر على الاحساس بالانخفاض في الجلوس وبالتالي مساحه أفضل للرأس وطبعا تصميم السيارة نفسه للسقف والايروديناميك
مع الأخذ في الاعتبار أنها مدارس في التصميم أما فيما يخص الأداء فالعربيتين متقاربتين جدا في أداء الموتور لأنه التسارع بيكون في صالح الكورولا ل 0.7 ثانيه فيما يخص التسارع من صفر إلى مائه وممكن للي عايز يتأكد يشوف الموقع ده
singapore no.1 car site for new car & used cars - sgcarmart فيه الكورولا والفلوانس بنفس المواتير اللي في مصر
أما السرعه القصوى على الورق لصالح الكورولا أيضا 185 مقابل 175 ولكن في الحقيقة الأولى بتوصل الي 210 أما الاخيره 200 وممكن تزيد حاجه بسيطه وده من واقع تجارب أصدقاء وليس مني شخصيا
التابلوه في الفلوانس بسيط للغايه أفضل ما به العدادات أما الكورولا أفضل شويه لمن يهوى التابلوه المرتفع والتحكم في الوظائف من الطاره بعكس الفلوانس زراع خلف الطاره كتير من الناس لا تفضله ولكن يوجد لمسات مختلفه فى الفلوانس عن الكورولا وهنا انابقارن بين الفئة ألي ب 188 في الفلوانس مع الفئة اللي ب 189 في الكورولا
الفرش الجلد المطعم بخياطه بيضاء مع الطاره اللي فيها نفس اللون مع فتحة السقف مع الزينون عالي وواطي مع وحدات الرفع مع سمارت كي مع فولدينج المرايات عند الابتعاد عن العربيه مع الستائر مع وسع الشنطه مع الارتفاع عن الأرض مع شكل العربيه الذي يوحي بحجم أكبر من المقاسات الفعليه لها مع فتحه التكييف الخلفيه مع العدادات الديجيتال كل ده بيدي إحساس بالقيمة مقابل النقود عن الكورولا وده يمكن اللي مخلي ناس كتير بتشوف أنها الحصان الرابح لحد 190 الف جنيه بخلاف الكوري عشان الكماليات مع الأخذ في الاعتبار أن في حاجات في الكورولا مش موجوده في الفلوانس ولكن المهم احتياجات المشتري
في الحقيقة انا لست مع أو ضد عربيه منهم ولكن المهم كل واحد بيشتري عربيه بيشوف الميزانية والاحتياجات اللي بيتوقعها من قرار شراء العربيه وهل هي بتلبي تلك الاحتياجات
الفلوانس والكورولا عربيات جيده ولكن الكمال لله واحده انا واحد صحبي اشتري الفلوانس وهو مش بيحب العربيه من جوه على عكس حبه للاسترا و الكورولا عنها ولكن في الآخر اشتراها لأنه كان معترض على الكورولا عشان شكلها من الخلف بتصميم المصابيح مش عجبه والاسترا كانت ضيقة جدا بالنسبه له
وفي النهايه ياريت كل واحد بيدافع عن عربيه لازم يعرف أن كل عميل له احتياجات بتختلف من واحد لآخر فمش شرط أن اللي يناسبك يناسب غيرك والا كان زمانا كلنا زي بعض والشركات قفلت
ارجو قبول مروري بصدر رحم والقرار في الآخر للمشتري وليس لأعضاء المنتدى لأنه ازاي الأعضاء استشاريه وليس الزاميه
شكرا