الموضوع: /ـ أخيراً تم تجربة رينو فلونس 2014 وتويوتا كورولا 2014 fluence 2014 VS corolla ـ\

المشاركة الأصلية كتبت بواسطة تامر.محمد

معلش مع احترامي لحضراتكم
الكلام ده جايبينه منين ؟
ضعف تكييف و عدم سيطرة في سرعات عالية و ملاك بيزهقوا ؟؟؟؟

تخيل يا تامر بيه ان انا نفسى واحد من الملاك و فى حالة اذبهلال من ساعة ما قريت التقرير .....و فعلاً الفتيس ال cvt يا جدع ساعات بيسيب الموتور ماشى لوحده و يلحقه المحطة الجاية و العربية بطة بلدى...و فى اخر محاولاتى اليومية على كوبرى اكتوبر من 0-100 محققتش الكام ثانية فاصل كام ثانية اللى حققتهم امبارح و ده شىء ابتدى يقلقنى جداً و يخوفنى على مستقبلها وسط صحابها
لأ و لا العدادات الديجيتال المضئية و الطارة الخياطة غرزة واسعة مطعمة بنيكل....تقرف و مش كلاسيك خالص و لا شيك
طابلوه الكورولا كلاسيك و اشيك طبعاً
معلش احنا باين علينا ادبسنا فى الفلوانس الشوربة دى.....
يا جماعة الموضوع مش محتاج تقارير....انتوا بتقارنوا ايه بأيه
لاى حد بيفكر يشترى : طبعاً كورولا بدون تفكير
أمضاء
مالك فلوانس سايقها و هو حران و فاقد السيطرة عليها و بيحاول يصحى الفتيس علشان يقوم يغسل وشه و يلحق الموتور و عارضها للبيع علشان زهقت من شكلها و بحاول اطلع اتنين اصدقائى طوال من امبارح محشورين فى الكنبة اللى ورا
تحياتى

المشاركة الأصلية كتبت بواسطة memo823000

واضح ان الموضوع زعل ناس كتير
اولا لايوجد تحيز ولكن هو راى شخصى يحتمل الصواب او الخطا
انا شغلتى بيع السيارات وكمان تخصصى رينو بكل انواعه وطبعا ببيع كورولا ولكن مش زى الفلوانس
انا لما قولت التكييف بيبقى ضعيف فى الحر الشديد انا مكملتش انا قصدى بالنسبه لتكييف الكورولا وراى العملاء اللى اشترت العربيه
وبرده موضوع السيطره على السرعات العاليه فى الغرز من عميل كان راكب اوكنافيا وطبعا العربيه من غير esp
وكمان المقارنه ظالمه بين الفلوانس والكورولا
لان دى فئه من 155000 ل 188000
و الكورولا من 179000 الى 215000
فاكيد طالما فى فرق فلوس يبقى هتلاقى فرق ثبات وموتور وفتيس ووسع وتصميم
يعنى واحد عايز يركب عربيه متعديش ال 155000 وفيها عوامل الامان والرفاهيه يبقى يركب فلوانس هنا مينفعش اقارن الكورولا لانها بعيده جدا وبرده الفئه ام 169000
لكن واحد يقولى اوكتافياa7 اول فئه ولا كورولا هاى لاين
استرا ولا كورولا
الفلوانس للعميل اللى عايز يركب النترا او سيراتو وليس الكورولا
لان واحد معاه 190000 او 220000 مشهنزله يركب فلوانس لا هدخله الاسبورتاج او ix35
لكن واحد يقولى ايه رايك اركب سيراتو اول فئه ولا فلوانس اول فئه 152000 ولا 155000
طبعا اقوله فلوانس عشان وعشان وعشان
الموضوع كبير مش مقارنة ماركه وخلاص

مع كامل احترامى لكلام حضرتك و رأيك الشخصى اللى نشيله على راسنا من فوق
و لكن ده كلام بيع مبنى على سعر العربية و مش مبنى على اى اساس علمى
موتور الفلوانس و الكورولا و الاسترا و السيراتو و الالنترا كلهم نفس الاداء تقريباً و مفيش فيهم اى تكنولوجيا متفوقة...
حضرتك بانى معلوماتك على فروق اسعار و اراء عملاء و ليس على مقارنة نقطة بنقطة او تجربة فعلية للسيارات
مفيش حاجة اسمها العربية دى أغلى يبقى اكيد موتورها اقوى و ثباتها اعلى و الكلام اللى حضرتك ذكرته
ابسط مثال على ذلك ان الأوكتافيا a5 و فانتازيا اللى حضرتك ذكرتهم و اشدت بثابتهم مكنش فيهم esp و لكن نوع العفشة المالتى لينك هو اللى كان فارق فى الثبات
تانى مثال ان الاوبل استرا اول فئة اللى سعرها 175 الف اثبت من كورولا هاى لاين اللى سعرها 120 الف و هنا بنتكلم على ٤٥ الف فرق سعر و ده لأن عفشة الاسترا واتس لينك و عفشة الكورولا تورشن بيم و الاتنين نازلين ب esp
الأوكتافيا a7 اللى حضرتك ذكرتها عفشتها اقل ثباتاً من الاسترا مع فرق السعر الكبير
عمر ما كان السعر هو مقياس مقارنة العربيات

تحياتى

المشاركة الأصلية كتبت بواسطة zangry

بايع علي عيبها كده؟ ولا تدخلها راس براس مع ١٢٨؟ :d

لأ و متنساش تاخد منه الفرق....:):)

تحياتى