الموضوع: /ـ أخيراً تم تجربة رينو فلونس 2014 وتويوتا كورولا 2014 fluence 2014 VS corolla ـ\

[color=""][color=""]
-
انا بحترم كل الآراء المخالفة لرأيي
وأتمنى برضه من الجماعه اللي منفعلين يتقبلوا الرأي الآخر في سلعة صناعة بشرية النقص أول صفاتها ايا كان نوعها

حكاية ان الكورولا أغلى
هي فعلا لازم تكون أغلى من الرينو لكن هما مزودينها حبتين في السعر إعتمادا على اسم كورولا
وبالتالي الفرق مبالغ فيه
رغم كده لو أقدر أوفر المبلغ الفرق هزود عشان الكورولا

النقطة اللي الكل بيلف حواليها ويلبسها في الفتيس ويغلوش عليها
نقطة التأخير في إستجابة دواسة البنزين
أنا جربتها بنفسي
وزميل معاه فلونس واشتكا من نفس النقطة
نقطة تأخير استجابة دواسة البنزين
دي حاجة من صميم الفلونس
لو هتشتريها يبقى اقلم نفسك على تقبلها

دي اللي أنا قلت عليها عيب خطير ومقرف

عشان في زميل كان بيخلطها بالفتيس
-
[/color][/color]-

و الله دي فعلا حاجة تضحك !!

الناس بتعامل عربياتها كأنها حد من عيالها

محدش مستحمل أنه يسمع اي حاجة وحشة على عربيته .. سواء كانت صح أو غلط

كأن ملاك العربية هم اللي صنعوها .. أو ليهم أسهم في الشركة فخايفين على مستقبلهم

أو كأن الفلوس اللي دفعها في العربية هتترمي في الأرض لمجرد انه سمع رأي مخالف لرأيه

الراجل ناقل تجربة شخصية

و في الأخر بيقول دي تجربة شخصية

غير ان معظم النقاط اللي في المقارنة Subjective .. مقياسها يختلف من واحد لواحد

الناس ماسكة في العدادات الديجيتال .. طيب أنا واحد من الناس مبحبش العدادات الديجيتال وبحب الأنالوج .. ايه المشكلة ؟!

شكل التابلوه عاجبني في الكورولا .. عادي

مش مستريح في الكنبة اللي ورا في الفوانس .. عادي بردو

الفتيس مش حاسه سريع في الاستجابة .. في ناس شايفة كده و ناس شايفة كده

سيبنا من الكلام ده كله

بفرض الفلوانس تحفة و مفيهاش غلطة .. و الكورولا ما تتركبش .. واحد رأيه غير كده .. ايه اللي حصل

الدنيا اتهدت و مش هتقوم

و يتقلب الموضوع لتريقة و استهزاء

انا من ملاك الفلوانس 2014

ياريت نتكلم من غير حيادية أو تعصب وبلاش نعمل الموضوع أهلى وزمالك وتعصب أعمى!!!!

موضوع الشكل :
دي مسألة أزواق وانا عن نفسي عاجبني شكل الفلوانس من بره وجوه.

موضوع الاتساع:
الاتنين قريبين قوي من بعض ولو الكورولا أوسع في الكنبة الخلفية فالفلوانس مش شاهين أولانوس أو حتى أسترا اللي كنبتهم ضيقة جدا.
وبعدين حضرتك بداال بتتكلم على الاتساع ليه ماذكرتش ان الشنطة في الفلوانس أوسع من الكورولا؟!!!!

موضوع الماتور:
مما لاشك فيه ان ماتور الكورولا أقوى من ماتور الفلوانس وسحب الكورولا في البداية أفضل من الفلوانس واللي يقول غير كدا يبقى متعصب للفلوانس
بس السؤال هل قوة ماتور الفلوانس 2014 وسحبها سئ؟!!
الاجابة عن تجربة: لا طبعا.

الفتيس cvt:
معاك ان لي طريقة سواقة غريبة
وانه ساعاااات مش بيستجيب من أول لحظة لدوسة البنزين،
بس ده مش عيب غبي
ومش مخلي الناس عاوزة تبيع عربياتها.

موضوع الارتفاع عن الارض.:
حضرتك خطفتها على استحياء ! واتكلمت عنها بسرعة
ونسيت تقول ان الفلوانس اعلى بدون نقاش حتى بعض تعلية الكورولا من 12.5 سم الى 14.5 سم عن الارض ، وده يدل ان حضرتك متحيز للكورولا.

الاعتمادية:
طبعا سمعة الكورولا في الاعتمادية مش محتاجة كلام.
وهي أكثر اعتمادية من الفلوانس 2014 بردو
ومشاكلها أقل من الفلوانس.
بس الفلوانس 2014 بماتورها وفتيسها وتكيفها النيسان يغيروا فكرة الواحد عن اعتمادية الفرنساوي ويخلي الفلوانس 2014 أكثر اعتمادية من اللي قبلها.

الكماليات:
حضرتك ليه ماتكلمتش عن الكماليات؟!!!!
اقول لحضرتك ليه:
عشان حضرتك متحيز للكورولا وعارف ومتأكد ان كماليات الفلوانس أكتر وأفضل من الكورولا بكتيييير . خصوصا في نفس الفئة السعرية.

الثبات:
طبعا الكورولا مزودة بي esp وده بيخليها أفضل من الفلوانس في الثبات عند فقد السيطرة واتزان العربية عند المنحنيات.
لكن هل الفلوانس ثباتها وحش؟! لأ طبعا ، العربية ثابتة جدا زيها زي اي عربية اوروبي.

المتانة:
بردو حضرتك ماتكلمتش عن المتانة عشان متأكد ان الفلوانس أمتن من الكورولا
وده بردو دليل على تحيز حضرتك للكورولا..

في النهاية:
العربيتان ممتازتين
ولو الكورولا أفضل من الفلوانس، فمش هايبقا بالفرق اللي حضرتك وصلتوا للناس.

المهم الواحد عاوز ايه من العربية.
انا عن نفسي اخترت الفلوانس عشان:
أعلى من الكورولا
أمتن من الكورولا
أفخم من الكورولا
كماليات اكتر من الكورولا
أرخص من الكورولا.

شكرا.

المشاركة الأصلية كتبت بواسطة ramymechanics

آه فعلا الفلوانس وحشة وبتاعة أقزام والحمد لله ان بنتى 130 سم عشان تعرف تقعد ورا
والله ما عارف أرد اقول ايه ... يعنى انا مسافر السخنة 3 بالغين و 5 أطفال منهم واحد فى كار سييت وذيقة والواحد كمان بيوطى !!!!!
وبالتسبة للسمارت كى محركش فى حضرتك اى مشاعر اما تبقى مجرجر عيالك وشنطك وتفتح الباب من غير حتى ما تدور على مفتاح و العربية تدور بضغطة زر كل دة مفيش اى اندهتش؟ طب فتحة السقف ولا اى اندهاش بردو ؟؟؟ انا نفسى واحد يقارن بين كورولا 2006 وميجان 2006 كأنك بتقارن بين توكتوك ومركبة فضاء ... مشكلة الشعب دة عاوز صفيحة ب 4 ابواب والسلام المهم ميصرفش عليها جنيه ... سعر السوق دة سعر وهمى ومش مقياس للحكم وعموما لو على اعادة البيع اتفضلوا شرفونا فالقسم شوفوا الفلوانس الناس اشترتها مستعمل بكام وشوفوا كام موضوع معمولين طلب شراء فلوانس ... انا جايب عربية استمتع بيها مش ادور على سعرها كمان هوبروميت سنة

ههههههههه لا حلوه صفيحه باربع ابواب , الفلوينس ضيقه ؟ده انا طولى 188 سم و اهم اى حاجه فى حياتى الوسع الداخلى بتاع العربيه حتى لو توك توك , ده انا اول حاجه باعملها و انا باشترى اى عربيه بارجع الكرسى للاخر و اقول لمراتى و الولدين اقعدوا ورا و قولوا لى رايكم . يا خراب على الكلام , ههههههههه

المشاركة الأصلية كتبت بواسطة memo823000

واضح ان الموضوع زعل ناس كتير
اولا لايوجد تحيز ولكن هو راى شخصى يحتمل الصواب او الخطا
انا شغلتى بيع السيارات وكمان تخصصى رينو بكل انواعه وطبعا ببيع كورولا ولكن مش زى الفلوانس
انا لما قولت التكييف بيبقى ضعيف فى الحر الشديد انا مكملتش انا قصدى بالنسبه لتكييف الكورولا وراى العملاء اللى اشترت العربيه
وبرده موضوع السيطره على السرعات العاليه فى الغرز من عميل كان راكب اوكنافيا وطبعا العربيه من غير esp
وكمان المقارنه ظالمه بين الفلوانس والكورولا
لان دى فئه من 155000 ل 188000
و الكورولا من 179000 الى 215000
فاكيد طالما فى فرق فلوس يبقى هتلاقى فرق ثبات وموتور وفتيس ووسع وتصميم
يعنى واحد عايز يركب عربيه متعديش ال 155000 وفيها عوامل الامان والرفاهيه يبقى يركب فلوانس هنا مينفعش اقارن الكورولا لانها بعيده جدا وبرده الفئه ام 169000
لكن واحد يقولى اوكتافياa7 اول فئه ولا كورولا هاى لاين
استرا ولا كورولا
الفلوانس للعميل اللى عايز يركب النترا او سيراتو وليس الكورولا
لان واحد معاه 190000 او 220000 مشهنزله يركب فلوانس لا هدخله الاسبورتاج او ix35
لكن واحد يقولى ايه رايك اركب سيراتو اول فئه ولا فلوانس اول فئه 152000 ولا 155000
طبعا اقوله فلوانس عشان وعشان وعشان
الموضوع كبير مش مقارنة ماركه وخلاص

ههههه يا راجل ؟ بقا اللى رايح يشترى الفلوينس كان رايح يشترى سيراتو و النترا و لقا الفلوينس فى سكته اشتراها ؟ , ده و انا بافكر اشترى قعدت 6 شهور او اكتر باقارن بين الكورولا و الاسترا و الفلوينس و كمان الاوكتافيا a7 عمرى ما فكرت ادخل حتى ابص على السيراتو و لا الالنترا ما غيرش رايي عن الوكتافيا الا الفتيس dsg اللى كله مصايب , على فكره و انت راجل بياع زى ما بتقول و فاهم اللى رايح يشترى عربيه من 180 الف ل 190 الف مش هاتفرق معاه كتير 10 او 15 الف كمان , انا شايف اصلى سوق الكورولا مريح شويه و بعد ما كان فيه طوابير حجز و الناس لبست فى الحيطه و حتى فيه يابانيين نفسهم مستغربين من انه تويوتا تنزل موديل زى ده , العربيه بقيت امشى اتخبط فيها فى المعارض و اوفر 1000 جنيه بس لو حبيت و ادلك على المعارض اللى مرطرطه الكورولا فيها , القرش , سمير ريان مدينة نصر , الليثى فى شارع النزهه , عندى واحد صاحبى كان برضه واقف عليها طابور حجز الفئه التانيه و استلمها من شهر و عايز يبيع , شارى يا باشا ؟ و ربنا يبارك لك فى مميزاتها الكتير , اه قبل ما انسى لو ركبت اتنين معاك ورا و طريقك مطبات يبقا بلاش الاستبن تاخدوا معاك احسن ما كل شويه تنزل الناس و احراج و كده