| تسجيل عضوية جديدة | استرجاع كلمة المرور ؟
Follow us on Twitter Follow us on Facebook Watch us on YouTube
صفحة 6 من 23 الأولىالأولى 1 2 3 4 5 6 7 8 9 10 11 16 ... الأخيرةالأخيرة
النتائج 51 إلى 60 من 221

  1. #51

    الصورة الرمزية yasser100

    رقم العضوية : 73467

    تاريخ التسجيل : 20Jun2010

    المشاركات : 2,015

    النوع : ذكر

    الاقامة : cairo

    السيارة: Brilliance fsv 2010

    السيارة[2]: Fluence E3S 2014

    الحالة : yasser100 غير متواجد حالياً

    افتراضي -

    hasad">

    اقتباس المشاركة الأصلية كتبت بواسطة Mohamed.Hany مشاهدة المشاركة
    تسلم علي التقرير الجميل ، و اجمل ما فيه انه من واحد ممتلكش العربية و عمل تيست درايف فقط و ده اللي هيخليه حيادي و بدون تعصب.
    بالمناسبة العربيتين تقفيل تركي ، و كمان الفتيس في الكورولا cvt بس مختلف تماما عن اللي في الفلوانس و ده اللي خلاك متاخدش بالك ان في فرق لان الكورولا طورت ال cvt جامد جدا و برمجته بطريقة متخليكش تحس ابدا انه cvt و ده قمة الاعجاز العلمي هههههههه.
    و انا اتفق معاك في الوسع الداخلي خصوصا لو رجعت الكرسي الامامي للاخر ، راحة القاعدة ، قوة الموتور ، قوة التكييف و استجابة الفتيس ، و ده فعلا بالتجربة مع زميل في العمل ركب عربيتي كورولا ٢٠١٤ و ديه كانت نفس تعليقاته.
    اشكرك مرة تانية علي التقرير الجميل الحيادي و بالتوفيق في اختيارك ان شاء الله .
    باشا منور و الله :)
    احكيلك انا بقا عن فتيس الكورولا و ايه هيه قصته علشان برضه الناس تفهم .
    الفتيس CVT x-tronic و بنسخته الاخيره هو ملك كامل لشركة نيسان , يعنى تسمع CVT تكمل و راه بنيسان و انت مغمض .
    نيسان لما نزلت الفتيس ده بنسخته الاخيره كانت حاطه هدفين مهمين امامها , القضاء تماما على مقولة انه الفتيس الاوتوماتيك بيسحب ينزين اكتر من المانيوال و دى فعلا نجحت فيه مع الفتيس الجديد نجاح ساحق و انا عن نفسى عملت مشاوير مختلفه بالعربيه ما بين داخل المدينه و خارجها المتوسط على الكومبيوتر 11 كم / لتر يعنى على السريع من 13 ل 14 مستريح .
    الهدف التانى اعتمادية الفتيس لاطول فترة حياه ممكنه و دى لسه طبعا ما فيش حد جربها بس نيسان منزله عليه ضمان 10 سنين و على موقعها الرسمى و بالتالى هو ما فيهوش تروس علشان تاكل فى بعض و تقصر عمر الفتيس .
    طيب تويوتا عملت ايه ؟ خدت الفتيس ده و دخلت عليه بعض التعديلات بعد موافقة نيسان عليها و سمته CVT S-tronic , التعديلات دى كانت ليه ؟ علشان يقلل صوت الفتيس مع الموتور فى السحب علشان تفضل ميزة الصوت الهادى للتيوتا و الاحساس بالنقلات و علشان يعطى تسارع بس كان على حساب ايه ؟ كان على حساب ارتفاع درجة حرارة الفتيس نسبيا و ده هيأثر على اعتماديته و مع استهلاك اعلى نسبيا فى البنزين , هنا نيسان رفضت تعمم تعديل تويوتا على الفتيس و رفضت تعطى ضمان عليه 10 سنين و قصرت الضمان ده على CVT x-tronic ,
    كلامى كله من المواقع الرسميه لنيسان و من الويكيبيديا و دى القصه بكل بساطه و اختصار علشان بس ما فيش حد يقول اصل ده CVT حاجه و التانى حاجه تانيه خااالص , الاتنين concept واحده

    اللهم بارك لنا فيما رزقتنا


  2. #52

    الصورة الرمزية miceg

    رقم العضوية : 21820

    تاريخ التسجيل : 11Oct2008

    المشاركات : 1,542

    النوع : ذكر

    الاقامة : القاهرة

    السيارة: renault fluence 2014

    السيارة[2]: sunny EX 2010 auto

    الحالة : miceg غير متواجد حالياً

    افتراضي -

    اقتباس المشاركة الأصلية كتبت بواسطة yasser100 مشاهدة المشاركة
    ههههه يا راجل ؟ بقا اللى رايح يشترى الفلوينس كان رايح يشترى سيراتو و النترا و لقا الفلوينس فى سكته اشتراها ؟ , ده و انا بافكر اشترى قعدت 6 شهور او اكتر باقارن بين الكورولا و الاسترا و الفلوينس و كمان الاوكتافيا a7 عمرى ما فكرت ادخل حتى ابص على السيراتو و لا الالنترا ما غيرش رايي عن الوكتافيا الا الفتيس dsg اللى كله مصايب , على فكره و انت راجل بياع زى ما بتقول و فاهم اللى رايح يشترى عربيه من 180 الف ل 190 الف مش هاتفرق معاه كتير 10 او 15 الف كمان , انا شايف اصلى سوق الكورولا مريح شويه و بعد ما كان فيه طوابير حجز و الناس لبست فى الحيطه و حتى فيه يابانيين نفسهم مستغربين من انه تويوتا تنزل موديل زى ده , العربيه بقيت امشى اتخبط فيها فى المعارض و اوفر 1000 جنيه بس لو حبيت و ادلك على المعارض اللى مرطرطه الكورولا فيها , القرش , سمير ريان مدينة نصر , الليثى فى شارع النزهه , عندى واحد صاحبى كان برضه واقف عليها طابور حجز الفئه التانيه و استلمها من شهر و عايز يبيع , شارى يا باشا ؟ و ربنا يبارك لك فى مميزاتها الكتير , اه قبل ما انسى لو ركبت اتنين معاك ورا و طريقك مطبات يبقا بلاش الاستبن تاخدوا معاك احسن ما كل شويه تنزل الناس و احراج و كده

    أستاذ ياسر
    كيف الحال
    خلينا موضوعيين وبلاش نعمل زي الناس اللي بتزيط فالزيطة اللي انت عارفهم
    وميعرفوش يقولو كلمه حق وبتلافيهم دايما بيصقفو اول مابتيجي سيرة كورولا بجمله مفيدة
    الكورولا 2014 عربية جديرة بإلاحترام بكافة المقاييس
    ولكن احنا بنتكلم عن الحيادية اللي بيتكلم عليها أخونا الفاضل صاحب الموضوع
    وبنعرفه معنى الحيادية في إبداء الرأي
    لإن كثير منا بياخد قراره بناء على مشاركاتنا وتقاريرنا
    تحياتي

    [OVERLINE]miceg =Khaled Fouly[/OVERLINE]

    [mshosh4]http://imageshack.com/a/img812/1576/pujz.jpg[/mshosh4]


  3. #53

    الصورة الرمزية ahmedelfeky

    رقم العضوية : 29707

    تاريخ التسجيل : 10Jan2009

    المشاركات : 568

    النوع : ذكر

    الاقامة : Tanta

    السيارة: ٍSold out

    السيارة[2]: Fluence E3 13

    دراجة بخارية: لا

    الحالة : ahmedelfeky غير متواجد حالياً

    افتراضي -

    بعد قراءه الموضوع وكل مشاركاته اوجه الرسائل الاتيه

    الي صاحب الموضوع أخي الكريم معلوماتك غير دقيقه بالمره ولا ترقي لتصبح مرجع حيادي للمقارنه بين افضل سيارتبن في مصر لعام 2014 (أشتري الكورولا ربنا يباركلك فيها )

    الاخ اللي بيقول ملاك الفرنساوي متعصبين ونفسيه وكده انا كان معايا باسات ودلوقتي فلوانس وممكن بكره كورولا او مرسيدي او بي ام حسب العربيه اللي هتعجبني وامكانياتي يعني مابحلمش بلوجو رينو وانا نايم ومن سنه 1900 راكب ماركه واحده وبدافع عنها وكده حتي لو نزلت صندوق ب اربع عجلات هقول عليها طياره نفاثه.... تصدق بايه ان اكتر من واحد كل مايكلمني ع العربيه وعاوز يشتري زيها بيقولي ايه احسن حاجه في الفئه دي اقوله هم اتنين مالهمش تالت الفلوانس واالكورولا وروح اتفرج ع الاتنين اصدمك بقي .........

    منهم اخويا واتنين اشتروا العربيه هنا ومشاركين في نفس الموضوع وكلهم بيرسوا علي الفلوانس في الاخر مش عارف ليه بصراحه

    الاخ الفاضل اللي بيقول الفرق بينهم 10 الاف هو في الحقيقه 20 الف اقل لصالح الفلوانس بدون اوفر برايس بعد الاوفر باريس بيوصل 25 الف طبعا دي مقارنه اسعار الفئات اللي تتركب من الفلوانس e3 والكورولا الفئه اللي قبل الهاي لاين وتفوق ملحوظ لكماليات الفلوانس عن الكورولا

    في النهايه العربيتن ممتازين واحسن عربيتين تحت ال 200 الف في مصر قيمه مقابل السعر وف النهايه الارتياح النفسي لاي منهم هو الفاصل وربنا يبارك لملاك العربيتين


  4. #54

    الصورة الرمزية omaranes77

    رقم العضوية : 152553

    تاريخ التسجيل : 01Dec2013

    المشاركات : 2,072

    النوع : ذكر

    الاقامة : القاهرة الجديدة

    السيارة: skoda octavia a4

    السيارة[2]: هيونداي اكسل

    الحالة : omaranes77 غير متواجد حالياً

    افتراضي -

    اية يا رجالة
    الراجل بيقول تجربة عمالها
    والي يبقي بيشتري يبقي يعمل التجربة دي
    بس في حتة مش قادر افهمها
    ازاي قولتو ان الفلوينس كمالياتها اكتر من الكورلا
    ممكن توضيح


    السن ..16 سنة


  5. #55

    الصورة الرمزية yasser100

    رقم العضوية : 73467

    تاريخ التسجيل : 20Jun2010

    المشاركات : 2,015

    النوع : ذكر

    الاقامة : cairo

    السيارة: Brilliance fsv 2010

    السيارة[2]: Fluence E3S 2014

    الحالة : yasser100 غير متواجد حالياً

    افتراضي -

    اقتباس المشاركة الأصلية كتبت بواسطة miceg مشاهدة المشاركة
    أستاذ ياسر
    كيف الحال
    خلينا موضوعيين وبلاش نعمل زي الناس اللي بتزيط فالزيطة اللي انت عارفهم
    وميعرفوش يقولو كلمه حق وبتلافيهم دايما بيصقفو اول مابتيجي سيرة كورولا بجمله مفيدة
    الكورولا 2014 عربية جديرة بإلاحترام بكافة المقاييس
    ولكن احنا بنتكلم عن الحيادية اللي بيتكلم عليها أخونا الفاضل صاحب الموضوع
    وبنعرفه معنى الحيادية في إبداء الرأي
    لإن كثير منا بياخد قراره بناء على مشاركاتنا وتقاريرنا
    تحياتي
    معاك طبعا فى رأيك , بس ده لو كان قال انه الكورولا جديره بالاحترام و كذالك الفلوينس و انه الاتنين فعلا منافسين لبعض بقوه مع اختلاف نقطه هنا و نقطه هناك , طيب لما هما بعيد قوى عن بعض كده فى المقارنه زى ما هو مكتوب فى الموضوع يبقا مش ينفع يتعمل بينهم و بين بعض مقارنه من اصله و اشمعنى الفلوينس بالذات اللى معجبين التيوتا تعباهم ؟؟؟ :) و على طول داخلين فى مقارنات معاها و كل شويه موضوع عن الاتنين ؟ طيب ما عندك الاسترا و عندك السيراتو , انا اعرف من زمان انه لما اعمل مقارنه بين اى حاجتين فى الدنيا يبقا لازم تكون النسب متقاربه مش حاجه واخده 10 من 10 و حاجه فى رأيه واخده 6 من 10 , دى المقارنه دى كانه بيقارن ما بين بى ام و هيونداى

    اللهم بارك لنا فيما رزقتنا


  6. #56

    الصورة الرمزية Hany Saad

    رقم العضوية : 30705

    تاريخ التسجيل : 21Jan2009

    المشاركات : 3,050

    النوع : ذكر

    الاقامة : Alexandria-Egypt

    السيارة: Clio 1400cc

    السيارة[2]: FLUENCE II-2014

    الحالة : Hany Saad غير متواجد حالياً

    افتراضي -

    الله ينور با أحمد بيه....و أنا بضم صوتى لصوت حضرتك....

    الكورولا عربية ممتازة و أنا أى حد بيسألنى عليها فى العام أو الخاص برشحاله بقوة أو بيسألنى على الفلوانس على طول بنصحه أنه دايماً يبص على كل الفئة : السيراتو و الكورولا و الفلوانس و الأسترا و دول من أحسن السيارات اللى فى هذه الفئة و يشوف ما يناسبه و يختار على أساسه...مفيش تحيز و لا تعصب و فى الأخر الواحد بيعمل مع الناس اللى نفسه يتعمل معاه....

    الهدف من توضيح الحقائق ليس التعصب....أنما توضيح نقط غير سليمة بالمرة بغض النظر عن كونها أنطباع شخصى

    فيه أكتر من 40 مالك من ملاك الفلوانس نشطين على المنتدى هنا...مقلناش أن تسارع الفلوانس مع الفتيس الجديد إعجاز علمى و لا بيعمل كام ثانية لحد ما يوصل سرعة كام لأن ده مش هدفنا من شرا السيارة خالص لكن كمان لما تسمع أن فيه تأخير فى دواسة البنزين كام ثانية و ناس " مش من الملاك و لا ساقوها " تعلق و يقولك العربية فاقدة السيطرة و الملاك زهقانين و كلام غريب كده...فأعتقد هنا وجب التصحيح و التوضيح....

    فى قسم الرينو الأعضاء بتقول أن التسارع رهيب و أستجابة العربية ممتازة و بيلمونى ليه أنا بقول عليها عربية عائلية و مش بتاعت غرز و شد؟ و بيكون ردى أنى مبحبش أبالغ علشان اللى بيشترى بناء على اللى بيقراه هنا لو أشتراها و أنبسط من تسارعها هيشكرنا بدل ما يشتريها و يدعى علينا.....

    قسم رينو مكشوف تماماً لكل المنتدى بكل مشاكل السيارة من الملاك الفعليين اللى داخلين على سنة مع الفيس ليفت و بقالهم 4 سنوات مع الشكل القديم.....كل مشكلة بتحصل بتتسجل و بتتناقش بكل شفافية و ووضوح و محدش بيخبى حاجة لأن المصلحة واحدة للجميع

    و زى ما دايماً بنقول لو رينو عملت حاجة كويسة بنشجع و نقول عليها و لو عملت حاجة وحشة هنكون أول ناس تنبه و تحذر و تشتكى كمان

    من الأحترام أنك تقول للكويس أنه كويس و تفوق على نفسه فى نقاط معينة و لا تقلل من شأنه علشان تظهر أنت....و ده اللى أنا بقوله شخصياً على الكورولا فى موديل 2014 و أنها طورت بأمتياز فى كثير من النقاط و أتمنى فى المقابل أن الناس تكون حيادية برده فى أراءها تجاه باقى السيارات


    و فى النهاية:

    لكل واحد هيشترى سيراتو ربنا يباركله
    لكل واحد هيشترى كورولا ربنا يباركله
    لكل واحد هيشترى أسترا ربنا يباركله
    لكل واحد هيشترى فلوانس ربنا يباركله

    جرب و شوف كل نقاط الضعف قبل القوة و أقرا فى كل حتة و أعمل تست درايف لو قدرت و أسأل ملاك فعليين ليها و أسأل عن التوكيل و قطع الغيار و أسعار الصيانة و أزاى التوكيل بيتعامل مع الضمان و شوف أنت عايز أيه من العربية و صلى أستخارة و توكل على الله

    تحياتى

    م/هانى سعد
    Meggieboy سابقا


  7. #57

    الصورة الرمزية drcobra

    رقم العضوية : 74446

    تاريخ التسجيل : 03Jul2010

    المشاركات : 1,738

    النوع : ذكر

    الاقامة : Hurghada

    السيارة: رينو فلوانس 2015 E3

    السيارة[2]: ACCENT RB 2012

    دراجة بخارية: no

    الحالة : drcobra غير متواجد حالياً

    افتراضي -

    الاتنين افخم من بعض


  8. #58

    الصورة الرمزية Mohamed.Hany

    رقم العضوية : 149816

    تاريخ التسجيل : 09Oct2013

    المشاركات : 2,755

    النوع : ذكر

    الاقامة : مصر

    السيارة: Cruze 11, Accent RB 12, Getz 08

    السيارة[2]: Corolla 14, 11, Yaris HB 12

    الحالة : Mohamed.Hany غير متواجد حالياً

    افتراضي -

    اقتباس المشاركة الأصلية كتبت بواسطة Hunting_Eagle مشاهدة المشاركة
    و الله دي فعلا حاجة تضحك !!

    الناس بتعامل عربياتها كأنها حد من عيالها

    محدش مستحمل أنه يسمع اي حاجة وحشة على عربيته .. سواء كانت صح أو غلط

    كأن ملاك العربية هم اللي صنعوها .. أو ليهم أسهم في الشركة فخايفين على مستقبلهم

    أو كأن الفلوس اللي دفعها في العربية هتترمي في الأرض لمجرد انه سمع رأي مخالف لرأيه

    الراجل ناقل تجربة شخصية

    و في الأخر بيقول دي تجربة شخصية

    غير ان معظم النقاط اللي في المقارنة Subjective .. مقياسها يختلف من واحد لواحد

    الناس ماسكة في العدادات الديجيتال .. طيب أنا واحد من الناس مبحبش العدادات الديجيتال وبحب الأنالوج .. ايه المشكلة ؟!

    شكل التابلوه عاجبني في الكورولا .. عادي

    مش مستريح في الكنبة اللي ورا في الفوانس .. عادي بردو

    الفتيس مش حاسه سريع في الاستجابة .. في ناس شايفة كده و ناس شايفة كده

    سيبنا من الكلام ده كله

    بفرض الفلوانس تحفة و مفيهاش غلطة .. و الكورولا ما تتركبش .. واحد رأيه غير كده .. ايه اللي حصل

    الدنيا اتهدت و مش هتقوم

    و يتقلب الموضوع لتريقة و استهزاء
    الراجل قال رأيه و هو ده اللي شافه و حسه و انا شايف انه مغلطش يعني :

    1. الشكل الداخلي , دي ازواق و حاجة مش ثابته و بتفرق من واحد للتاني -الراجل مغلطش -
    2. الشكل الداخلي , دي ازواق و حاجة مش ثابته و بتفرق من واحد للتاني -الراجل مغلطش -
    3. اتساع الصالون , الفلوانس واسعة بس الكورولا اوسع مش بفرق كبير بس اوسع -الراجل مغلطش -
    4. التابلوه , برضو دي ازواق و حاجة مش ثابتة من واحد للتاني -الراجل مغلطش -
    5. فتحات التكييف , الراجل حس ان تكييف العربية و توزيع الهوا افضل في الكورولا و الكورولا معروفة بتكيفها -الراجل مغلطش -
    6. الموتور و الفتيس , الكرولا اقوي و اسرع في التجميع -الراجل مغلطش -

    ده رأيه يتحمل الصواب او الخطأ , ميستاهلش كل الهجوم ده و مفيش حاجة في الدنيا كاملة , ده مش معناه ان الحاجة دي سيئة او ضايعة ولكن معناه انها افضل او اقل بفرق بسيط في المقارنة .

    اقتباس المشاركة الأصلية كتبت بواسطة yasser100 مشاهدة المشاركة
    انا شايف اصلى سوق الكورولا مريح شويه و بعد ما كان فيه طوابير حجز و الناس لبست فى الحيطه و حتى فيه يابانيين نفسهم مستغربين من انه تويوتا تنزل موديل زى ده , العربيه بقيت امشى اتخبط فيها فى المعارض و اوفر 1000 جنيه بس لو حبيت و ادلك على المعارض اللى مرطرطه الكورولا فيها , القرش , سمير ريان مدينة نصر , الليثى فى شارع النزهه , عندى واحد صاحبى كان برضه واقف عليها طابور حجز الفئه التانيه و استلمها من شهر و عايز يبيع , شارى يا باشا ؟ و ربنا يبارك لك فى مميزاتها الكتير , اه قبل ما انسى لو ركبت اتنين معاك ورا و طريقك مطبات يبقا بلاش الاستبن تاخدوا معاك احسن ما كل شويه تنزل الناس و احراج و كده


    اقتباس المشاركة الأصلية كتبت بواسطة yasser100 مشاهدة المشاركة
    باشا منور و الله :)
    احكيلك انا بقا عن فتيس الكورولا و ايه هيه قصته علشان برضه الناس تفهم .
    الفتيس CVT x-tronic و بنسخته الاخيره هو ملك كامل لشركة نيسان , يعنى تسمع CVT تكمل و راه بنيسان و انت مغمض .
    نيسان لما نزلت الفتيس ده بنسخته الاخيره كانت حاطه هدفين مهمين امامها , القضاء تماما على مقولة انه الفتيس الاوتوماتيك بيسحب ينزين اكتر من المانيوال و دى فعلا نجحت فيه مع الفتيس الجديد نجاح ساحق و انا عن نفسى عملت مشاوير مختلفه بالعربيه ما بين داخل المدينه و خارجها المتوسط على الكومبيوتر 11 كم / لتر يعنى على السريع من 13 ل 14 مستريح .
    الهدف التانى اعتمادية الفتيس لاطول فترة حياه ممكنه و دى لسه طبعا ما فيش حد جربها بس نيسان منزله عليه ضمان 10 سنين و على موقعها الرسمى و بالتالى هو ما فيهوش تروس علشان تاكل فى بعض و تقصر عمر الفتيس .
    طيب تويوتا عملت ايه ؟ خدت الفتيس ده و دخلت عليه بعض التعديلات بعد موافقة نيسان عليها و سمته CVT S-tronic , التعديلات دى كانت ليه ؟ علشان يقلل صوت الفتيس مع الموتور فى السحب علشان تفضل ميزة الصوت الهادى للتيوتا و الاحساس بالنقلات و علشان يعطى تسارع بس كان على حساب ايه ؟ كان على حساب ارتفاع درجة حرارة الفتيس نسبيا و ده هيأثر على اعتماديته و مع استهلاك اعلى نسبيا فى البنزين , هنا نيسان رفضت تعمم تعديل تويوتا على الفتيس و رفضت تعطى ضمان عليه 10 سنين و قصرت الضمان ده على CVT x-tronic ,
    كلامى كله من المواقع الرسميه لنيسان و من الويكيبيديا و دى القصه بكل بساطه و اختصار علشان بس ما فيش حد يقول اصل ده CVT حاجه و التانى حاجه تانيه خااالص , الاتنين concept واحده
    يا فندم ال CVT مش اختراع من نيسان , ده موجود من قديم الازل من قبل 1940 مش نيسان اللي اخترعته .
    و اول من صنعوه و استخدموه همBosch Volvo و Subaru , Ford يبقي بنفس الطريقة نقول بقي ان نيسان اخدت ال CVT منهم !!! يا باشا نيسان بدأت تستخدم ال CVT في اوائل التسعينات بعد الشركات دي عملته و استخدمته .
    النيسان اخدت ال CVT و عدلت عليه و سمته Xtronic و نفس الشئ تويوتا .
    و من كلامك حضرتك بتجاوب علي نفسك قلت انه مختلف عن بتاع نيسان في انه
    1.الصوت الهادى للتيوتا و
    2.الاحساس بالنقلات
    3.و علشان يعطى تسارع
    طب ماهو مختلف اهوه و حضرتك جاوبت علي نفسك والاختلاف للسائق ان في الكورولا بيحس بالنقلات و ده بيديلو احساس الاوتوماتيك العادي وده كان قصدي ارد بيه علي صاحب الموضوع انه حس بفرق في الفتيسين رغم ان الاتنين CVT كأنه اوتوماتيك عادي .

    معلومة صغيرة لحضرتك الفلوانس موفرة في البنزين , بس برضو الكورولا موفرة اكتر :

    الفلوانس 5.1 لتر لكل 100 كم علي سرعة 90
    الكورولا 4.5 لتر لكل 100 كم علي سرعة 90
    بالارقام م/ هاني مصورها في عربيته و انا صورتها في عربيتي .

    http://www.nilemotors.net/Nile/402044-c-segment.html
    http://www.nilemotors.net/Nile/402364-rpm.html

    ايه رأيك , بدون تحيز و بالصور و الارقام .

    psycholain سابقا


  9. #59

    الصورة الرمزية yasser100

    رقم العضوية : 73467

    تاريخ التسجيل : 20Jun2010

    المشاركات : 2,015

    النوع : ذكر

    الاقامة : cairo

    السيارة: Brilliance fsv 2010

    السيارة[2]: Fluence E3S 2014

    الحالة : yasser100 غير متواجد حالياً

    افتراضي -

    اقتباس المشاركة الأصلية كتبت بواسطة mohamed.hany مشاهدة المشاركة
    الراجل قال رأيه و هو ده اللي شافه و حسه و انا شايف انه مغلطش يعني :

    1. الشكل الداخلي , دي ازواق و حاجة مش ثابته و بتفرق من واحد للتاني -الراجل مغلطش -
    2. الشكل الداخلي , دي ازواق و حاجة مش ثابته و بتفرق من واحد للتاني -الراجل مغلطش -
    3. اتساع الصالون , الفلوانس واسعة بس الكورولا اوسع مش بفرق كبير بس اوسع -الراجل مغلطش -
    4. التابلوه , برضو دي ازواق و حاجة مش ثابتة من واحد للتاني -الراجل مغلطش -
    5. فتحات التكييف , الراجل حس ان تكييف العربية و توزيع الهوا افضل في الكورولا و الكورولا معروفة بتكيفها -الراجل مغلطش -
    6. الموتور و الفتيس , الكرولا اقوي و اسرع في التجميع -الراجل مغلطش -

    ده رأيه يتحمل الصواب او الخطأ , ميستاهلش كل الهجوم ده و مفيش حاجة في الدنيا كاملة , ده مش معناه ان الحاجة دي سيئة او ضايعة ولكن معناه انها افضل او اقل بفرق بسيط في المقارنة .







    يا فندم ال cvt مش اختراع من نيسان , ده موجود من قديم الازل من قبل 1940 مش نيسان اللي اخترعته .
    و اول من صنعوه و استخدموه همbosch volvo و subaru , ford يبقي بنفس الطريقة نقول بقي ان نيسان اخدت ال cvt منهم !!! يا باشا نيسان بدأت تستخدم ال cvt في اوائل التسعينات بعد الشركات دي عملته و استخدمته .
    النيسان اخدت ال cvt و عدلت عليه و سمته xtronic و نفس الشئ تويوتا .
    و من كلامك حضرتك بتجاوب علي نفسك قلت انه مختلف عن بتاع نيسان في انه
    1.الصوت الهادى للتيوتا و
    2.الاحساس بالنقلات
    3.و علشان يعطى تسارع
    طب ماهو مختلف اهوه و حضرتك جاوبت علي نفسك والاختلاف للسائق ان في الكورولا بيحس بالنقلات و ده بيديلو احساس الاوتوماتيك العادي وده كان قصدي ارد بيه علي صاحب الموضوع انه حس بفرق في الفتيسين رغم ان الاتنين cvt كأنه اوتوماتيك عادي .

    معلومة صغيرة لحضرتك الفلوانس موفرة في البنزين , بس برضو الكورولا موفرة اكتر :

    الفلوانس 5.1 لتر لكل 100 كم علي سرعة 90
    الكورولا 4.5 لتر لكل 100 كم علي سرعة 90
    بالارقام م/ هاني مصورها في عربيته و انا صورتها في عربيتي .

    http://www.nilemotors.net/nile/402044-c-segment.html
    http://www.nilemotors.net/nile/402364-rpm.html

    ايه رأيك , بدون تحيز و بالصور و الارقام .
    يا استاذنا انا ما جيبتش سيرة انه نيسان هيه اللى اخترعت ال cvt :) , انا قلت هيه المالكه الان لمصانع الفتيس ال cvt و هيه اللى مطوراه و هيه اللى بتدى حق التعديل عليه و هيه اللى بتبيعه لاى شركه , انا قلت ايه اللى عملته تيوتا كتعديل و ايه اللى ضحت به علشان التعديل ده , هل حد من اللى بيشترى عربيه عنده استعداد يضحى باعتمادية الفتيس و لو بنسبه مقابل صوت هادى نسبيا و تسارع ؟ هو ده السؤال اللى انا عايز اوصل له , انا عن نفسى لا

    اللهم بارك لنا فيما رزقتنا


  10. #60

    الصورة الرمزية Mohab.Nabil

    رقم العضوية : 13812

    تاريخ التسجيل : 28Jun2008

    المشاركات : 2,513

    النوع : ذكر

    الاقامة : Nasr City

    السيارة: .

    السيارة[2]: ,

    الحالة : Mohab.Nabil غير متواجد حالياً

    افتراضي -

    hasad">

    انا عايز بس اسأل على حاجة

    ايه اللى يخلى الناس تقول ان الكورولا فئة غير الفلوينس ؟

    ماليش دعوة بالسعر لأن ببساطة ممكن التوكيل يبقى نصاب عادى و بيستغل اسم الماركة اللى معاه عشان يضرب سعر العربية فى العالى و خلاص

    ايه اللى يميز الكورولا و يحطها فى فئة تانية غير الفلوينس ؟

    Livin' life in the fast lane
    Movin' at the speed of life and I can't slow down
    Only got a gallon in the gas tank
    But I'm almost at the finish line, so I can't stop now

    Vive La France



 
صفحة 6 من 23 الأولىالأولى 1 2 3 4 5 6 7 8 9 10 11 16 ... الأخيرةالأخيرة

المواضيع المتشابهه

  1. ارجو المساعدة بسرعة 508 موديل 2012 ولا كورولا 2014 و لا فلونس 2014
    بواسطة magedtito في المنتدى قســـــــــم المقارنــــات
    مشاركات: 16
    آخر مشاركة: 19-08-2014, 11:48 AM
  2. Lancer Shark 2014 or Corolla 2013 or Fluence 2014
    بواسطة denjouan83 في المنتدى قســـــــــم المقارنــــات
    مشاركات: 16
    آخر مشاركة: 22-03-2014, 10:31 PM
  3. محتاج المساعدة و الرأي , رينو فلونس 2014 او النترا 2014
    بواسطة ehab antar في المنتدى قســـــــــم المقارنــــات
    مشاركات: 13
    آخر مشاركة: 31-10-2013, 06:04 PM
  4. ارجو المساعدة بسرعة 508 موديل 2012 ولا كورولا 2014 و لا فلونس 2014
    بواسطة magedtito في المنتدى قســـــــــم المقارنــــات
    مشاركات: 0
    آخر مشاركة: 04-10-2013, 12:17 AM
  5. ارجو المساعدة بسرعة 508 موديل 2012 ولا كورولا 2014 و لا فلونس 2014
    بواسطة magedtito في المنتدى قســـــــــم المقارنــــات
    مشاركات: 1
    آخر مشاركة: 04-10-2013, 12:08 AM

الكلمات الدلالية لهذا الموضوع

المفضلات

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  

Content Relevant URLs by vBSEO 3.6.0 PL2