/ـ أخيراً تم تجربة رينو فلونس 2014 وتويوتا كورولا 2014 fluence 2014 VS corolla ـ\

**Mohamed.Hany** · 17-05-2014 03:49 PM

المشاركة الأصلية كتبت بواسطة yasser100

مش باحب نظام الزراير الكتير للتكييف و الكاسيت علشان يدى احساس كاذب انه قاعد فى طياره ههههه. و كتر الزراير ده بيلم تراب و فى التنضيف شغلانه .

استاذ ياسر ....

حضرتك بتقول انك مش بتحب نظام الزراير الكتير للتكييف عشان احساس الطيارة الكاذب و التراب

بس زراير تكييف الفلوانس اكتر من الكورولا !!!

نفس الشئ بالنسبة للكاسيت سواء التاتش او العادي

زراير الكاسيت في الفلوانس اكتر من الكورولا !!

بقية زاير الكاسيت

فده عكس الكلام اللي حضرتك بتقوله , بس مش دى المشكلة خالص ان الزراير في الفوانس اكتر. المشكلة ان الزراير صغيرة جدا بطريقة غريبة في الفلوانس بحيث انك و انت سايق لازم تركز و تدقق قوي انت عاوز تدوس علي انهي زرار عشان متتلخبطش ولو واحد صوابعه ما شاء الله طخينة ممكن ميعرفش يدوس كويس بعكس الكورولا اللي زرايرها كبيرة وواضحة فبتسهل العملية دي اثناء القيادة .
الكلام ده مش واضح في الصور السابقة لانها معمول لها زووم , لكن هيبان في الصور اللي جاية او علي الطبيعة بالتجربة اللي هيجرب الاتنين هيعرف انا بتكلم في ايه :

تحياتي ليك

**Mohamed.Hany** · 17-05-2014 05:20 PM

المشاركة الأصلية كتبت بواسطة yasser100

يا عم محمد انت ليه بتاخد الكلام كله على الكورولا ههههههه انا باتكلم عن طبيعتى الخاصه بغض النظر عن انه انا الاقيه فى الكورولا او الفلوينس او غيرهم . انا مش رافض الكورولا علشان تابلوها اصلا ههه . و لا زرايرها . انت ليه خدت الكلام عليها . الراجل بيتكلم فى اختلاف الأذواق . انا على فكره باقصد النظام فى تابلوه الاسترا و الكروز و الفوكس مش بيعجبنى الضخامه فى الكونسول و لا كتر الزراير فى وشك و لا كترهم فى الدريكسيون و اقعد الف ورا زرار التليفون علشان ارد و انا بلف الدريكسيون . انا اعجابى بذوق الفلوينس فى معالجة الامور دى . ويعنى ايه صباع تخين مش هايعرف يدوس عليها هههههه . تخين اد ايه يعنى ؟ . اهدى شويه يا عم على الكورولا .

هو مش الموضوع اسمة تجربة الفلوانس و الكورولا برضو ؟
بالنسبة لصغر الزراير في الفلوانس ايوة لو مش مركز في الزراير مش هتعرف تشوفها كويس و دي انا جربتها بنفسي .
مش فاهم اهدي علي الكورولا ازاي يعني ؟ ياريت توضحلي

**Mohamed.Hany** · 17-05-2014 06:15 PM

المشاركة الأصلية كتبت بواسطة yasser100

يعنى ما تخدش اى كلام انه انتقاد عليها . و ﻻ دى احسن او دى اوحش . الراحل نص كلامه عن الكورولا و عن الفلوينس و النص التانى بيوضح اختلاف الاذواق عموما . فانا باتكلم على الجزئيه التانيه . اه الكلام فى الموضوع ده عن الكورولا و الفلوينس بس عادى لما المواضيع الكبيره زى دى بتطول ساعات بتطرق لبعض المواضيع الجانبيه . مش مشكله قوى يعنى

متشكرين علي التوضيح ،
زي مبتقول الموضوع كبير و في مواضيع جانبية فاعتبر اني ردي عليك موضوع جانبي ،و متخدش الكلام انه انتقاد للفلوانس .
وزي منصحتني هقولك برضو ياريت تهدالنا انت علي الفلوانس شوية يعم ؛-)

**ahmzd** · 19-05-2014 03:24 PM

ما زلت أرى أن الفلوينس أفضل من الكورولا في المجمل، مع احترامي لحضراتكم جميعا، والأخذ في الاعتبار أن الكمال لله وحده، وأن الاختلاف في الرأي لا يفسد للود قضية، وأنه لولا اختلاف الأذواق لبارت السلع.. والله أعلم.

**Ahmed Selim** · 19-05-2014 08:55 PM

ما شاء الله.........الواحد يغيب يغيب و يرجع يلاقي مواضيع رينو vs تويوتا واكلة الجو برضه.

نفس الكلام كان بيتقال من 6 أو 7 سنين..........الله يمسيك بالخير يا أبو عبد الله :)

عموماً مع أحترامي لصاحب الموضوع الكتير من نقاط المقارنة نقاط subjective زي ما الأخوة وضحوا.....يعني بتختلف من شخص للتاني حسب أختلاف أذواقهم.

كانت تبقى هايلة لو كنت ركزت مع الموتور و الفتيس و أدائهم و العفشة و الثبات فى مختلف الظروف سواء طوالي أو ملفات ألخ.

تحياتي ليك

بالنسبة لباقى الأعضاء.......أهدوا شوية.......الموضوع مش مستاهل....دي خبرة 6 أو 7 سنين على المنتدى أهو :)

و اللى بيقول الفرنساوي زبالة لا هيزود و لا هينقص..........أنا معايا الميجان 2 من 2005 من الزيرو لحد دلوقتي و الحمد لله مش تاعباني.........بس تصدق زهقت منها فعلاً و عاوز أغير.

بس عارف.......كل لما أجي أفكر فى التغيير و أعمل مقارنات بين المتاح فى الفئة السعرية اللى بدور فيها....بكتشف حاجة غريبة شوية........أن العربية اللى زهقت منها دي فيها كل اللى محتاجة بغض النظر عن بعض الحاجات اللى مكنتش موجودة على أيامها....زي ال ESP مثلاً......أو الشكل و التصميم و الحاجات الطبيعية اللى بتتغير مع الوقت.

بلاقي نفسي فى الأخر هدفع مبلغ محترم علشان أحس أني عملت تغيير فعلاً.....لحاجة ألماني مثلاً.

عموماً نصيحتي ليك......طريقتك مش هتوصلك لحاجة غير لكره بعض الأعضاء ليك.......و دي حاجة ملهاش لازمة لأن المنتدى ده من ساعة ما أبتدى و أحنا بنتعامل مع بعض على أننا أخوات و أصحاب.....و لو مش مصدق أدخل على الموضوع اللى كان معمول بعد حادثة عيد ميلاد المنتدى و شوف الناس كاتبه أيه.

و فى الأول و الأخر......هدف المنتدى الأساسي هو إفادة الأعضاء.......اللى هما أنت و أنا وغيرنا.......فالطبيعي أني لما ألاقي معلومة غلط بدون قصد......أني أحاول أصححها....مش أسكت.

النصيحة دي أعتبرها من أخوك الكبير....و لو عاوز تعمل بيها خير و بركة.....و لو مش عاوز حقك.

معلش طولت عليكم يا رجالة.

**Ahmed Selim** · 20-05-2014 07:40 AM

المشاركة الأصلية كتبت بواسطة ahmed1981

عرضي لتجربتي الشخصية أنا حطيته بكل تجرد بعد تجربة السيارتين بنفسي

وسواء صح أو غلط فهو تجربة فعلية لواحد بيفكر في السيارتين الفلونس والكورولا 2014
وأكيد في ناس زيي في حيرة
وبالتالي ممكن يستفيدوا من التجربة أو من التعليقات عليها حتى لو كانت عكسها

لو إفترضنا إن في عضو بيكره الآخرين لمخالفتهم له في الرأي

فالعضو ده مع الزمن هياخد على إن الدنيا مش هتمشي إلا لو تقبل الرأي الآخر مع حريته في عرض رأيه

ثقافة تعدد وجهات النظر وتقبل وجود رأي آخر ثقافة راقية جداً وبينتهي معاها نقطة إن الناس تكرهك عشان رأيك

أخيراً
بخصوص إني ركزت على نقاط خلافية أصلا وتختلف من شخص لآخر

دي حاجة مقصودة
النقاط دي في كثير من الأحوال بتكون سبب رئيسي في الشراء لما تكون العربيتين قريبين من بعض في المواصفات زي حالتنا في الموضوع ده

عشان كده الشركات الكبيرة بتعمل تجربة لعربياتها من ناس عاديين بالتوازي مع تجربة المتخصصين

المستهلك بيستخدم العربية كسلعة على بعضها
لو عديت قدامه 100 نظام تكنولوجي جديد في العربية وقعد على الكرسي وما إرتحش
هيقلك فشنك

ـ

باشا......عذراً لو كنت فهمت كلامي غلط

النقطة اللي حضرتك عامل لها اقتباس من كلامي مش موجهة لحضرتك دي موجهة للعضو الفاضل carrier

-

-

-

-

الموضوع: /ـ أخيراً تم تجربة رينو فلونس 2014 وتويوتا كورولا 2014 fluence 2014 VS corolla ـ\

LinkBack

أدوات الموضوع

عرض

-

-

-

-

-

المواضيع المتشابهه

ارجو المساعدة بسرعة 508 موديل 2012 ولا كورولا 2014 و لا فلونس 2014

Lancer Shark 2014 or Corolla 2013 or Fluence 2014

محتاج المساعدة و الرأي , رينو فلونس 2014 او النترا 2014

ارجو المساعدة بسرعة 508 موديل 2012 ولا كورولا 2014 و لا فلونس 2014

ارجو المساعدة بسرعة 508 موديل 2012 ولا كورولا 2014 و لا فلونس 2014

الكلمات الدلالية لهذا الموضوع

المفضلات

المفضلات

ضوابط المشاركة