..:: بيجو واختراع سياره تغيير لونها على حسب الحاله المزاجيه للسائق ::..

بسم الله الرحمن الرحيم

تحيه طيبه من القلب لكل اعضاء منتدى

(( نيل موتورز ))

بصفه عامه ومرتادى القسم العريق بصفه خاصه

(( بيجو ))

كامل الاحترام للتكنولوجيا التى تقدمها الشركه الرائدة بيجو فى تقنيات وتحديثات جديدة

بسيارتها العريقة

وهى تزويد السياره بتكنولوجيا تغير لونها على حسب الحاله المزاجيه للسائق

http://www.youtube.com/watch?v=tV16m4BZfXI

طبعا لو فى مصر المحروسة الاوبشن دة اكيد كلنا عارفين هيبقى اللون الرسمى هو الاسود القاتم لما يعانيه الشعب الكادح :pffft::pffft:

ويبقى السوال زى ما شوفنا الفيديو والسائق لما بيغير الاغنية لون العربية بتغير على حسب رتم الاغنيه من حزن او فرح او جاد وغيره

لو واحد شغل شعبى العربية هيبقى لونها ايه ؟ ×ههههههه

المفروض لون العربية يتغير طبقا للمنطقة لو فى جبل تبقى بيج لو فى حديقة تبقى خضراء (من الآخر سيارة حرباء)

بس حلو قوى اول الراجل ما بص على الموزة العربية احمرت مع ان المفروض ودانه اللى تحمرههههههههههههههههههه

هوة الى انا شيفو بجد ولا حقيقى

طيب المرور كدا هيسحب الرخص
ازاى هتترخص فى مصر اصلا
هيكتب فى الرخصه اللون على حسب مزاج البيه
لازم بيجو تراعى التقدم الكبير فى ادارة المرور المصريه

اقتباس:

---

المفروض لون العربية يتغير طبقا للمنطقة لو فى جبل تبقى بيج لو فى حديقة تبقى خضراء (من الآخر سيارة حرباء)

---

ههههههههههههههههه
دة علشان محدش يتعرف عليها ولا يمسكها ولا اية
حربايه صحيح يا صديقى والله بس اوبشن جميل بصراحه

رايحه بينا فين يا تكنولوجيا

اقتباس:

---

هوة الى انا شيفو بجد ولا حقيقى

---

لا بجد بس بيستهبلوا فى الحقيقة
عربية اية ياعم الحج الى بتغير لونها دى
يعنى لو نازل والمدام مزعلاك تبقى سوداء .. ولو جالك تليفون فرحك يبقى احمر فحلوقى
مش طريقة شغل دى هههههههههههههه

اقتباس:

---

طيب المرور كدا هيسحب الرخص
ازاى هتترخص فى مصر اصلا
هيكتب فى الرخصه اللون على حسب مزاج البيه
لازم بيجو تراعى التقدم الكبير فى ادارة المرور المصريه

---

لالا متحلمش كتير
دى مش هتنزل مصر
مصر دى عايز عريبة من الاخر راشه برا كلها علشان لا تضايق نفسك ولا توجع فى قلبك
انت تجيب عربية ببوهيه الشركه تلاقى واحد كتبلك عليها قصة حبه مع فوزيه
والتانى قاعد على كبوت العربية بالبنطلون الجينز وكمان تجاريح فيها
والتالت ماسك مسمار وجايبلك جنب العربية من اول لاخره
والرابع راكب تك تك او تروسيكل وماشاء ببركه دعاء الفرامل تمسك او متمسكش ويخبط او يبوسلك اى حته فى العربية
والخامس كان بيتكلم فى التليفون وماخدش باله ولبس فيك



ياعم احنا فى بلد مش عايزة غير عربية على المعجون تمشى تحك حك فيها والناس تحك حك فيك
انما تقولى عربية بتغير لونها على حسب المزاج ... هو فين المزاج دة اصلا علشان يتغير على اساسه اللون


انها العولمه يا سادة

اقتباس:

---

المشاركة الأصلية كتبت بواسطة abofandy

لا بجد بس بيستهبلوا فى الحقيقة
عربية اية ياعم الحج الى بتغير لونها دى
يعنى لو نازل والمدام مزعلاك تبقى سوداء .. ولو جالك تليفون فرحك يبقى احمر فحلوقى
مش طريقة شغل دى هههههههههههههه

---

بص ياسيدى .. هى المشكلة لما تكون نازل ( بلاش إنت .. خليها واحد صاحبى ) وهو نازل طفشان من المدام ويلاقى العربية مسوداها على سواده
قوم إيييه .. وهو بيسخن عربيته يجيله التليفون إللى بتقول عليه والعربية تقلب بالتدريج على بمبى روز وبعدين تديها بمبى مسخسخ .. على مايوصل مؤشر حرارة العربية للتسعين يكون عرف الميعاد فين والساعة كام وتكون العربية تحولت للأحمر الملتهب .
كل ده مش مشكلة .. المشكلة لما تكون المدام واقفة فى الشباك وبتبص على إللى خرج من الشقة وهو بيرزع الباب وراه والشرار بيطق من عينيه لدرجة ان العربية بقيت لون الهباب أول ماركبها وبعدين تشوف العربية وهى بتتحول قدام عينيها.
تفتكر الراجل ده حايركب العربية دى تانى بعد إللى حايشوفه ليلتها من المدام ؟؟ :36_1_61[1]:

والله ردودكم جامدة جداً

لا تعليق

:S_thum1[1]:

بس بجد هي احمرت ليه ؟!!!!

اقتباس:

---

بص ياسيدى .. هى المشكلة لما تكون نازل ( بلاش إنت .. خليها واحد صاحبى ) وهو نازل طفشان من المدام ويلاقى العربية مسوداها على سواده
قوم إيييه .. وهو بيسخن عربيته يجيله التليفون إللى بتقول عليه والعربية تقلب بالتدريج على بمبى روز وبعدين تديها بمبى مسخسخ .. على مايوصل مؤشر حرارة العربية للتسعين يكون عرف الميعاد فين والساعة كام وتكون العربية تحولت للأحمر الملتهب .
كل ده مش مشكلة .. المشكلة لما تكون المدام واقفة فى الشباك وبتبص على إللى خرج من الشقة وهو بيرزع الباب وراه والشرار بيطق من عينيه لدرجة ان العربية بقيت لون الهباب أول ماركبها وبعدين تشوف العربية وهى بتتحول قدام عينيها.
تفتكر الراجل ده حايركب العربية دى تانى بعد إللى حايشوفه ليلتها من المدام ؟؟

---

دة هيبقى مرار طافح
ههههههههههههههههههههه
تصدق انى معملتش حساب لدى فعلا لو المدام بصت لقت العربية بيتميل للمياصه يووووووة قصدى بتميل للاوان المبهجه والمنشكحه ... صح لازم نبعتلهم نشوف حل للموضوع دة اول ممكن مردش على التليفون لحد ما اطلع بالعربية من وش الشباك بتاع المودام


احسن حاجة انى لسة متجوزتش يا عمنا ... اعيشيلى يومين بقى بالعربية المتقلبه الالوان دى هههههههه

العالم يتقدم واحنا بولع في بعض !

اقتباس:

---

المشاركة الأصلية كتبت بواسطة maxx

العالم يتقدم واحنا بولع في بعض !

---

والله عندك حق ربنا يهدي الحال

اقتباس:

---

والله ردودكم جامدة جداً

لا تعليق

---

ماشى يا شريف باشا
منور يا ريسنا

اقتباس:

---

العالم يتقدم واحنا بولع في بعض !

---

لو معملناش كدة منبقاش مصرييين

ﻷ احنا كدا نولع في الاوكتافيا
هههههههههه
سوال بس كدة
السوال بيقول عللل يعني افصل
هل هذة سيارة

ههههه حاجة جميلة