شوية اسئلة فى السيراتو الجديدة

**Mohab555** · 02-05-2014 04:08 PM

متقلقش من موضوع الطنابير عيب صناعة و هيتغير على حسابهم و امشى بالعربيه عادى جدا
وهما بيغيروا التيل مع الطنابير علشان مينفعش يحط التيل القديم علشان الريجه الى فى الطنابير القديمة بوظته اصلا و لازم يركب واحد جديد مع الطنابير الجديدة علشان تكون العمليه 100% تمام و العيب يختفى .... لانه لو ركب القديم البايظ على الطنابير الجديدة برده هتلاقى الفرامل مش مظبوطه

**MR . Gold** · 02-05-2014 10:18 PM

المشاركة الأصلية كتبت بواسطة الجنرال

كنت بحس بتحجيره في الفرامل (كأنها محجرة)، بالاضافة الى انهم هما اللى قالولى ان التيل والطنابير هيتغيروا مش انا اللى قلتله كده

هي غالبا باظت بسبب الركنه فعلا لان قعد يسألني انت اشتريتها امتى ورخصتها امتى و كده

المشكلة اللى انا خايف منها انهم يرجعوا فى كلامهم وميرضوش يغيروها فى التوكيل .. عموما هتصل بيهم يوم الاحد احجز معاد لتغييرها ونشوف ان شاء الله

ربنا يوفقك للي فية الخير لا هما مش هايرجعوا في كلامهم بس حضرتك خليك متمسك بتغييرهم طبعاً خليك مع المهندس اللي قالك انهم هايتغيرو .. وربنا يوفقك

**الجنرال** · 04-05-2014 11:09 AM

سؤال ... تكييف النيو سيراتو عامل ايه؟؟

النهاردة اول تجربة حقيقية للتكييف فى الحر الشديد بتاع النهاردة .. للاسف حاسه ضعيف قوي

كنت مشغله على 2، والبرودة على (درجتين قبل ال max) ومفيش غير هوايتين فقط اللى عندي هما اللى شغالين وقافل الهواء الخارجي .. وكنت بسيح فى الكرسي !!!

هقولهم عليه لما اروحلهم .. لكن انتوا ايه رأيكوا فى التكييف؟
وايه رأيكوا كمان فى تأثيره على سحب العربية؟؟ حسيت بتأثير على السحب بس لما اتقل رجلي على البنزين بتسحب وتجري

**Hosam_Optrawy** · 04-05-2014 11:53 PM

المشاركة الأصلية كتبت بواسطة الجنرال

سؤال ... تكييف النيو سيراتو عامل ايه؟؟

النهاردة اول تجربة حقيقية للتكييف فى الحر الشديد بتاع النهاردة .. للاسف حاسه ضعيف قوي

كنت مشغله على 2، والبرودة على (درجتين قبل ال max) ومفيش غير هوايتين فقط اللى عندي هما اللى شغالين وقافل الهواء الخارجي .. وكنت بسيح فى الكرسي !!!

هقولهم عليه لما اروحلهم .. لكن انتوا ايه رأيكوا فى التكييف؟
وايه رأيكوا كمان فى تأثيره على سحب العربية؟؟ حسيت بتأثير على السحب بس لما اتقل رجلي على البنزين بتسحب وتجري

العربيه كانت راكنه في الشمس ولا في الضل ؟ فلتر التكييف إتنضف في الصيانه ولا لأ بما انها كانت مركونه فتره طويله ؟

عموما حتى لو كدا مش لدرجة تسيح في الكرسى , دا مش طبيعى

وبعدين انت عامله على درجتين قبل ال max ليه ياباشا :) خليه عالماكس

بالنسبالى باعمل المروحه على 3 وطبعا البروده على ماكس , وبعد كام دقيقه بانزل المراوح على 2 , وبعدها بشويه باطلع الهوايات لفوق لو حسيت انها ضاربه فيا جامد ولو اتحريت تانى بجيبها عليا حسب ظروف الطريق والسرعه اللى ماشى عليها والوقفه والشمس

بالنسبه للتأثير على السحب ماحستش بفرق ملحوظ

**Ahmed redaa** · 05-05-2014 07:43 AM

التكييف فعلا على ٢ بيبقى مش كويس وبحس انه بيفصل كل ٣ دقايق من ريحته ويرجع يشتغل على طول بس لما بيبقى على ٣ خلاص بقى تلاجه - التكيف لو جه على ماكس من الاول بيدخل هواء من بره - هاتلاقى اللمبه بتاعه دخول الهواء الخارجى مطفيه - والمروحه قوتها بتقل - لو جبته على اول درحه بعد الماكس هتلاقى اللمبه نورت وقوه المروحه زادت وفتره تسقيع الهواء قلت لانه بيعد تسقيع الهواء اللى فى العربيه مش بيجيب هواء من بره -