تحذير من اى بنزيمة فى العبور

**adiaa222** · 21-04-2014 09:11 AM

الصراحة انا زهقت من الغش وانعدام الضمير.
روحت مونت العربية من بنزينة كالتكس فى العبور وعشان دى اول مرة امون منها. مونت ب20 جنية فقط وبعديها ابتديت احس بنتشة او رجرجة بسيطة فى العربية لما اخف رجلى من على البنزين. طبعا شكيت فى البنزيت روحت على مصر للبترول فى العبور. طبعا انا ساكن فى العبور بس اول مرة امون منها. مازالت النتشة مستمرة.
ملاحظة خطيرة ومهمة: فتحت كبوت العربية لقيت فلتر البنزين نصفة فقط المليان
طبعا الشك راح الى طرمبة البنزين. المهم قولت والله مانا رايح للميكانيكى لغاية مالموضوع يكبر معايا انا زهقت. فضلت ملاحظ الفترة اللى فاتت ان الفاتر مش مليان والنتشة مستمرة لغاية لما روحت بنزينة الوطنية فى مدينة نصر وروحت بعد كدة البيت فى العبور ولاحظت مفيش اى نتشة او رجرجة فتحت الكبوت لقيت فلتر البنزين مليان على اخرة.
طبعا لو البنزين مغشوش بالمية او كان كلة شوائب عمر مالفلتر هيتملى على اخرة نتيجة للمقاومة الكبيرة الناتجة منهم. معلش طولت عليكم
وحسبى الله ونعم الوكيل

**sakr_skoda** · 21-04-2014 09:17 AM

المفروض كنت تعمل بلاغ فى البنزينة بيتم الكشف على البنزين بواسطة جهاز لكشف الغش ياريت كلنا نقف فى وجه الفساد ***

**A7med AlMaGiC** · 21-04-2014 12:17 PM

خليك ف وطنية انا بردو من سكان العبور ومش بمون منها نهائي من يوم ما جبت العربيه وانا شغال مع وطنية زي الفل لأن الرقابه عندنا ف العبور ضعيفة وعلشان كده بيغشوا البنزين