مشكلة فى إشارات ومؤشر الوقود لادا 2107

**mabdelaziz** · 07-10-2008 07:42 PM

السلام عليكم

لاحظت فى عربيتى إن مؤشر الوقود مرة علق وفضل عند وضع البداية بعد مادورت العربية, ورجع تانى اشتغل بعد مابطلت العربية وشغلتها فى مشوار تانى.
وبعدين النهارده علق معايا تانى وفضل واقف عند بداية التدريج, ياترى دى مشكلة محتاجة لفنى ولا حاجة ممكن أحلها بنفسى؟
كمان الإشارات بتعلق منى وفى حاجة عاملة شبه الفيوز كده متعلقة فى سلكتين كهربا تحت التابلوه, هى اسطوانة زجاجية ارتفاعها فى حدود 4-5 سم, صاحب العربية اللى اشتريتها منه كان قال لى إنها ساعات كده بتعلق فتخبط على الاسطوانة دى حتشتغل معاك, بس حالياً بقت تعلق كتير جداً, تقريباً مش بتشتغل يعنى, فهل دى حاجة برضه أعرف أعملها بنفسى ولا محتاجة كهربائ؟

**bassam nagy** · 07-10-2008 09:27 PM

ممكن السلك الية داخل للعوامة فى التنك عاوز يتاكد علية

**mabdelaziz** · 07-10-2008 10:29 PM

المشاركة الأصلية كتبت بواسطة bassam nagy

ممكن السلك الية داخل للعوامة فى التنك عاوز يتاكد علية

شكراً يا أستاذ بسام, بما إن الموضوع فيه تنك وعوامة يبقى أعتقد إنك بتجاوب على مشكلة مؤشر الوقود. طيب معلش أخوك لسه مبتدئ ياريت توضح كلامك أكتر ولو فى صور يبقى 100 100.
ياريت لو حد عنده حل للإشارات يبقى كتر خيركم.

**blazer** · 07-10-2008 10:35 PM

هى تقريبا العوامه اتملت بنزين !
بتروح تغيرها عن الكهربائى تقريبا
ولو فى حاجه فى المؤشر نفسه برده بتتعمل عن الكهرباتى بس لازم يكون بيفهم

**AHMEDCAR** · 08-10-2008 12:11 PM

بالنسبه للعوامه هيه موجوده فى التنك من فوق شيك على السلوك بتعتها لو كويسه يبقى العوامه مغرومه و اتملت بنزين غيرها هاتلاقيها ب 5 جنيه

اما بالنسبه للاشارات غير الشيى اللى انت قولت عليه دى و ده عياره عن كتاوت للاشارات و دى يتتحكم فى تشغيلها