استفسار عن اكسيل 94 هاتش باك كورى .. ياريت رأيكم ومشاركتكم

**mxz911** · 07-10-2008 08:55 PM

سلام عليكم يا جماعه

انا معروض عليا اكسيل 1994 هاتش باك

الراجل بيقولى دى مواصفاتها

كورى
تكيف
سنتر
انذار
4 زجاج كهرباء
مرشوشه بره للنظافه وبيقولى مش عامله حوادث
والرخصه سنتين

والراجل طالب فيها 31 الف وبيقولى نهائى

ياريت رأيكم يا جماعه
ولو هاخدها ان شاء الله اكشف عليها فين وكده وايه رايكم ف العربيه عموما .. انا خايف من الكورى الصراحه لانى دايما كنت بفكر ف الايطالى زى البونتو او المانى زى كورسا او ابيزا ودول محتاجين انى ازود الفلوس شويه وانا مش هينقع ازودها ف الوقت الحالى وكمان العربيات دول مش واسعين من جوه زى اكسيل علما اعتقد وانا محتاج عربيه كويسه ف اسرع وقت وتكون بتستحمل والسفر كمان
ياريت المساعده وشكرا

**banboty** · 07-10-2008 09:01 PM

انت ساكن فين و شوف اقرب محطة بنزين جنبك , تكشف على الدواخل و الشاسيه و يقيس لك الموتور و تشوف انت التكييف شغال و الزجاج و تشوف كمان الرخصة باسمه و لا فيها توكيلات ...

لو انت ساكن في الهرم , فعندك محطة شل بعد الخزان عند كلية تربية رياضية و لو في مدينة نصر , عندك محطة التعاون اللى على ناصية عباس العقاد من الاتوستراد او كالتكس قدام شوية عند تقاطع مصطفى النحاس

**mxz911** · 07-10-2008 09:18 PM

انا ساكن جنب القصر الجمهورى فى حدائق القبه ... والعربيه فى مصر الجديده عند حديقه الميرلاند ...
هل فى مكان قريب من حديقه الميرلاند ويكون كويس؟ .. و هل ميكانيكى يكفى للكشف على العربيه ولا لازم اروح بيها ف محطه بنزين وكده ؟

وشكرا يا باشا لسرعه ردك وياريت يا جماعه تقولوا لى رأيكوا ف العربيه عموما وف السعر والموديل وكده

وشكرا

**banboty** · 08-10-2008 09:42 AM

عندك محطة بنزين موبيل العروبة فوق النفق جنب ابو شقرة , و انا رايي انك تكشف في محطة بنزين اضمن لان ساعات الميكانيكي مش بيلم بكل جزء من السيارة الا اذا كنت تعرف واحد ثقة , و على ما اتذكر ان الكشف هيبقى في حدود 75 الى 100 جنيه

بالنسبة للسعر , معقول اوى لو كانت سايمة و مش محتاجة مصاريف