عايز اغير عربيتى و اجيب سيفيك 92si بس فيه ناس خوفتنى من قطع الغيار
و فى نفس الوقت بلاقى فى نفس الشريحة السعرية لانسر كريستالة
و لو زودت شوية (كام الف) بلاقى سيتى 2003
اعمل ايه؟؟؟
عرض للطباعة
عايز اغير عربيتى و اجيب سيفيك 92si بس فيه ناس خوفتنى من قطع الغيار
و فى نفس الوقت بلاقى فى نفس الشريحة السعرية لانسر كريستالة
و لو زودت شوية (كام الف) بلاقى سيتى 2003
اعمل ايه؟؟؟
الكرستالة عربية محترمة جدا وفعلا عدو الميكانيكى وعن تجربة
الكريستاله اجمل طبعا بس واطيه شوية او يمكن الى كنت ركبتها مكنتش متعدله
بس لو تقدر تشوف مكوه يبقى فرقت معاك سما من ارض بس اكيد هتزيد فى الفلوس شويه
لو بتدور على ركوبه السيفيك محترمه جدا ثبات عالى وموتور قوى
بس عيوبها واطيه ولو حضرتك مش من القاهره هتغلب شويه ف قطع الغيار
لو بتدور على الراحه وقطع الغيار الموجوده ف كل حته يبقى اكيد الانسر
وعربيه محترمه وبتستحمل بس طبعا مش زى السيفيك وبرده واطيه ومع الحمل بتوطى اكتر من الهوندا كمان
السيتى بلاش الموديلات القديمه دى هتدوخ ف قطع غيارها على حسب علمى
وده رائي الشخصى والله واعلم
طبعا مفيش اي مقارنه
وانا مش بقول كدا علشان انا معايا هوندا
بعدين مفيش اي حد بيشتكي من موضوع الصيانه وقطع الغيار للهوندا وبعدين sir يعني اعلى فئه في الهوندا وسعرها بيكون في اول الخمسينات لو نظيفه جدا ومعدله
بالظبط كده زى ما استاذ وليد قال لحضرتك الهوندا احسنهم بفارق كبير
مينفعش حد من الفاهرة الكبرى او بورسعيد ويقول خايف من قطع الغيار
مينفعش تكون فكرت فى هوندا وتشوف غيرها
يعنى هوندا سيفيك او هوندا سيتى وبس
والاققرب لك السيتى لان السيفك 92 هتدوخ علشان تلاقى حاجة تعجب
اللى بيفهموا فى تقليب العربيات لان للاسف معظم المعروض مليان عيوب الا قليل منهم
ولان السيتى موديل اعلى فحتلاقى منه نضيف كتير جدا
مشكلة هوندا سيفيك 92 انك هتتعب شوية على ماتلاقي واحدة حالتها نضيفة لان كل اللي راكبها شباب .. فا هتصبر شوية .. تاني حاجة لو لقيت عربية sir مع كامل احترامي لباقي الماركات .. مفيش شركة نزلت في الوقت ده عربية موتور 1600 و بيخرج 170 حصان .. يعني متقولش كريستالة . ولا لانوس ولا اكسنت ولا نفس الفئة السعرية .. ممكن تشوف بي ام دبانة لو انت عايز تظبيط و وترويش وهتلاقي حالات كويسة .. بس انا انصحك بالهوندا .. و ربنا يكرمك بحاجة حالتها كويسة
بص يا باشا انا كنت واقع فى نفس المشكلة دى تمام زيك بالظبط وفضيلت بمعدل كل يوم عربية اشوفها وانزل السوق لمدة شهرين واجرب كل الانواع اللى رنج سعرها اقدر عليه من اول الفيرنا واللانوس والكرستالة والاوبل فيكترا حتى الاسترا 1200 سىسى....الخ كل اللى ممكن تتخيله وسألت على قطع الغيار وتوافرها واعتمادية العربية والناس اللى كانوا سيقين العربيات دى من اصدقائى واقاربى ومعارفى كل حاجة فى خلال شهرين كنت توصلت انى مش هركب غير الهوندا (أكتر عربية اعتمادية فيهم كلهم واكترهم متانة وثبات وكل حاجة) مع العلم برضه ان كل الناس قعدوا يقولولى قطع الغيار مش موجوده ومتعبة واعطلها كتير وقطع الغيار غالية جداً. ولا الهوا اتكل على الله انت بس دور على واحدة نظيفة وانا مستعد انزل معاك لو لقيت حاجة حلوة وشايف انها كويسة وبصلك عليها.
انا فضلت 4 شهور بدور واتفرج واجرب فى هوندا سيفيك بمعدل كل يوم عربية وكنت ساعات بسافر المحافظات عشان اتفرج على عربية لما رجلى ورمت وشعرى وقف وكنت اقسم بالله ساعات بابات فى الشارع فى عز البرد لحد ما ربنا وفقنى ووقعت على عربية كويسة جدا جدا
اتوكل على الله ودور وانا معاك والله لو عايزنى انزل معاك مفيش مشكلة