مبروك على العربيه الجديده
بالنسبه للركنه ما تركنهاش اكتر من 5 ايام من غير تشغيل الموتور عشان البطاريه ما تنامش
بالنسبه للصيانات الدوريه فيه يقولك بالمده وفيه يقولك بالكيلو متر
انا عن نفسى ماشى بالكيلو متر
لو استهلاكك اكتر من 1000 كيلو متر فى الشهر امشى بالكيلو متر ولو اقل امشى بالمده
بالنسبه لمكان الصيانات ابعد عن ابو رواش عشان ما تكرهش نفسك خليك فى مركز عصام وصفا
او مركز اوتو ماجد وهما الاتنين جنب بعض واحد فى النزهه الجديده والتانى فى ش جسر السويس قصاده
الناحيه التانيه
ارقام تليفوناتهم : عصام صفا :01000460111 او 01000460222
اوتوماجد : 01144553354 او22979297 او 22990888 او 22979770
بالنسبه لقطع الغيار الحمد لله بقت منتشره عن الاول كتير وفيه اتنين اصحابنا فى الجروب على الفيس شغالين فى
موضوع قطع الغيار ده وخاماتها نضيفه جدا واسعار ممتازه جدا وعليها ضمان
وفيه محل اسمه مكه ومحل تانى اسمه المدينه والاتنين جنب بعض فى شارع دمشق فى مصر الجديده دول
شغالين فى قطع غيار بروتون بس وعندهم كل حاجه من الابره للصاروخ
والف مبروك تانى للعربيه وماتنساش تشترك فى الجروب عشان لاقدر الله لو قابلتك مشكله هتلاقى خبراء بيردوا
عليك
وانا تحت امرك فى اى استفسار والسلام عليكم ورحمة الله وبركاته
المفضلات