السلام عليكم و رحمة الله
كنت ناوى اشترى سيارة ابيزا 98 اية رايكم فيها و تقريبا سعرها كام لوحالتها كويسة؟؟؟
عرض للطباعة
السلام عليكم و رحمة الله
كنت ناوى اشترى سيارة ابيزا 98 اية رايكم فيها و تقريبا سعرها كام لوحالتها كويسة؟؟؟
الابيزا بوجه عام عربيه محترمه بعتبرها جولف بنص الثمن
محترمه يعنى أعتماديه يعنى أعطال قليله ( طبعا مع الصيانه الدوريه العاديه من سيور وفلاتر وزيوت ) قطع غيار متوفره جديد وإستيراد باسعار اغلى من الكورى من نفس السنه حاجه بسيطه بس بتعمر اكتر بكتيير
الأبيزا 98 فى رنج 30 حتى 40 الف طبعا حسب الحاله والكماليات
ولو تقدر تجيب 2000-02 يبقى تمام
ولما ربنا يرزقك بوحده اسأل فى اى حاجه فيها من اصغر مسمار لاكبره فى القسم هنا هنفيدك كلنا أن شاء الله
كلام سليم 100%
الأبيزا 98 بتبدأ من 28 وممكن توصل لحد 40 علي حسب حالتها والشغل المعمول فيها
العربيات دى مالهاش سعر سوق ثابت زى العربيات السوقي التجاري الأخري
الفيصل فيها الحالة والشغل اللي فيها وعايزة ايه مصاريف
مابيفرقش فيها الكيلومتر طالما حالتها كويسة
ربنا ييسرلك الامور ويوفقك ان شاء الله
تحياتي
اهم حاجة تكشف عليها كويس ومش فى بنزينة والكلام الفاضى ده ولا حتى عند اى ميكانيكى
لان العربيات بتاعتنا دى عايزه اللى فاهمها عشان هيقولك على اللى فيها 123
تكشف عليها عند ميكانيكى فولكس ميكانيكا وعفشه وكمبيوتر وعند كهربائى فولكس على الضفيرة والكنترول
ده الصح عشان متتعبش بعد كده وتاخدها بثمنها اللى تستهالوا
وبالتوفيق
الحاله النضيفه من 35 ل 40 و اصبر شويه و انت بتدور عشان انا لفيت مصر كلها بسبب العربيه دي ولسه ملقتش حاجه نضيفه و الي معاه نضيف مش بيبيعه ... ربنا معاك