من المصرى اليوم زياد اسعار البنزين والسولار اول مايو....

**عصام غنايم** · 22-04-2014 04:02 AM

كل ده مش مهم بالنسبالى

المهم بالنسبالى ردود فعل الشعب مع الدبح بسكينه تلمه ده هيكون ازاى ؟؟؟

بس بعد ما قريت المشاركه دى اتطمنت

ياجماعه مش مشكلة ان الخدمات ديه تغلا دة شىء طبيعى و فى صالح البلد طبعا وانا موافق بشدة على زيادة الاسعار على كل الخدمات مفيش مشكله

كما قال سعد زغلول قديما

مفيش فايده

**hossam_elwani** · 22-04-2014 04:08 AM

منك لله ياشعب يونيو

**Mahmoud/Nabil** · 22-04-2014 04:49 AM

يا نور عيني :d ال خبر ده لو بجد و الشعب سكت يبقي نستاهل

**bassemali** · 22-04-2014 05:49 AM

كل المشاركات طبعا بترفض القرار الأهبل ده .. ادي أول حاجه إتفقنا عليها والحمد لله .. تاني حاجه .. إن معارضي القرار (وإن كنا كلنا معارضين ) بتختلف دوافعهم وأسبابهم .. في اللي بيستغل القرار عشان يثبت إن اللي جاي أيام سوده .. وإن أيام الإرهابيين هيا اللي كانت بيضا (وده طبعا ف المشمش) ومقضيها تريقه وشماته وبكره تشوفوا ماسر والجو ده .. وده انا بسقطه من حساباتي خالص لإنه لو نزلوا خبر بكره ف نفس الجرنال إنهم هيوزعوا البنزين ع الشعب ببلاش .. برضه هيقعد يتريق ويقولك وإنتوا بتصدقوا الكلام ده برضه ومش هنخلص .. وفي اللي بيتكلم بعقلانيه وبيقولك أدفع زياده منين وهو أنا مرتبي زاد ؟ وحتى لو زاد هو هيزيد عشان يغطي زيادة أسعار البنزين ولا الأكل ولا الدوا ولامدارس العيال ولا أيه بالضبط ؟ هو ده بقى اللي نتناقش معاه وناخد وندي ...
الكارثه بقى في اللي مش شايف إنها مشكله وإننا لازم ندفع عشان نور عينينا(اللي بيقطع كل يوم أساسا) مايزعلش !!!! وإن كان ماحدش كتب الكلام ده ولكن في أراء ف البلد (وكتير على فكره ) بيقولوا كده .
طبعا واضح إن الخبر اللي ناشراه جريدة المصري اليوم ماهو إلا بالونة إختبار عشان يشوفوا ردود الفعل عند الناس كنوع من أنواع دراسة القرارات المتبع ف مصر دائما .. أبشروا مافيش زياده ف أسعار البنزين (ع الأقل ف الوقت الحالي) ولو عملنا سيرش ف المنتدى هنا هنلاقي موضوع زيادة أسعار البنزين ده إتنشر ف 100 جرنال قبل كده من ساعة الثوره لغاية النهارده 100 مره ... ومافيش حاجه حصلت بإستثناء زيادة سعر البنزين ال 95 فقط .. عموما ..ربنا يستر ... .

**محمود سامح** · 22-04-2014 06:00 AM

محلب ها يحلبنا

**محمود سامح** · 22-04-2014 06:06 AM

اه يابلد فعلا لهم كل الحق يطحونونا اللى ها يتكلم يبقى ارهابى او اخوان ومسكوا معاه 3 زجاجات ملتوف وغلى سجن العقرب 5سنوات سجن

**Hmatchy** · 22-04-2014 06:11 AM

المشاركة الأصلية كتبت بواسطة bassemali

كل المشاركات طبعا بترفض القرار الأهبل ده .. ادي أول حاجه إتفقنا عليها والحمد لله .. تاني حاجه .. إن معارضي القرار (وإن كنا كلنا معارضين ) بتختلف دوافعهم وأسبابهم .. في اللي بيستغل القرار عشان يثبت إن اللي جاي أيام سوده .. وإن أيام الإرهابيين هيا اللي كانت بيضا (وده طبعا ف المشمش) ومقضيها تريقه وشماته وبكره تشوفوا ماسر والجو ده .. وده انا بسقطه من حساباتي خالص لإنه لو نزلوا خبر بكره ف نفس الجرنال إنهم هيوزعوا البنزين ع الشعب ببلاش .. برضه هيقعد يتريق ويقولك وإنتوا بتصدقوا الكلام ده برضه ومش هنخلص .. وفي اللي بيتكلم بعقلانيه وبيقولك أدفع زياده منين وهو أنا مرتبي زاد ؟ وحتى لو زاد هو هيزيد عشان يغطي زيادة أسعار البنزين ولا الأكل ولا الدوا ولامدارس العيال ولا أيه بالضبط ؟ هو ده بقى اللي نتناقش معاه وناخد وندي ...
الكارثه بقى في اللي مش شايف إنها مشكله وإننا لازم ندفع عشان نور عينينا(اللي بيقطع كل يوم أساسا) مايزعلش !!!! وإن كان ماحدش كتب الكلام ده ولكن في أراء ف البلد (وكتير على فكره ) بيقولوا كده .
طبعا واضح إن الخبر اللي ناشراه جريدة المصري اليوم ماهو إلا بالونة إختبار عشان يشوفوا ردود الفعل عند الناس كنوع من أنواع دراسة القرارات المتبع ف مصر دائما .. أبشروا مافيش زياده ف أسعار البنزين (ع الأقل ف الوقت الحالي) ولو عملنا سيرش ف المنتدى هنا هنلاقي موضوع زيادة أسعار البنزين ده إتنشر ف 100 جرنال قبل كده من ساعة الثوره لغاية النهارده 100 مره ... ومافيش حاجه حصلت بإستثناء زيادة سعر البنزين ال 95 فقط .. عموما ..ربنا يستر ... .

للاسف يا فندم القرار صح
وبغض النظر عن الردود اللى انت سقطها او اللى مش عجباك احب اقولك ان الناس دى شايفه الامور من وجهة نظر تانيه وجهة نظر مصريه 100% شعب بيموت وهو بيضحك .... عارف ليه؟؟؟
لان خلاص انكسرت شوكته و احب اقولك بردو متقلقش الارهابين اللى هو زمن المشمش اللى بتقول عليه مش هيرجع لان كان اتعمل حفله لمده اسبوع فى 800 برنامج على موضوع ال 5 ليتر والكانز اللى غلى نص جنيه لكن اطمن المره دى مفيش وجع دماغ خلاص هو فعلا هيغلى و الجدع يبقى يفتح بقه بس للاسف اللى هيفتح بقه هو الشخص الجعان اللى هيشوف عيالو بتموت قدامه من الجوع لما كل حاجه تغلى اكل وشرب ومواصلات عارف ليه لان الغلبان بيركب ميكروباص معفن مكسر مبيركبش مترو
اللى بردو ابتدا بخطه اعاده تشغيله اللى هيا متروهات مصر الجديده (الترام) المتهالكه علشان يوجد للناس بديل وكمان اختار وقت افتتاح المرحله الجديده لمترو الانفاق علشان يعنى يقولك هنخف ازمه المواصلات و اركبو المترو
اتمنى اكون غلطان وتطلع كل دى وساوس ...والا للاسف يا هنموت واحنا بندافع عن ممتلكتنا او هنموت من حسرتنا عليها لما نشوفها بتتحرق او تتسرق من الطوفان اللى هينفجر فى كل مصر