السلام عليكم يا رجالة....ان شاء الله ناوي اجيب عربية اوتو جديدة قسط و هتكون اول عرببة ليا فانا طالب رأيكم بكل مصداقية و أمانة ....أنا سمعت ان كلها عيوب و فراملها ضايعة و ثبات وحش....الكلام ده صح ؟
عرض للطباعة
السلام عليكم يا رجالة....ان شاء الله ناوي اجيب عربية اوتو جديدة قسط و هتكون اول عرببة ليا فانا طالب رأيكم بكل مصداقية و أمانة ....أنا سمعت ان كلها عيوب و فراملها ضايعة و ثبات وحش....الكلام ده صح ؟
حضرتك احتيجاتك ايه .... شب ولا عيله و كام واحد هيركب محتاجها عاليا واسعه سيدان ولا هاتشباك ... حدد الاحتياج بس انا عن نفسي الشكل الجديد لو انا لا مليان عيوب
بص العربيه مشكلتها صاجها خفيف جدا يعنى اى تريحه حته هتزعلك
بص لو معاك زياده شويه فى الفلوس جيب حاجه تانيه
لو مفيش هى عربيه حلوه ممتازه لكن
صاج ضعيف شويه
خامه التيل وحشه التيل بيتاكل بعد فتره لكن اعتقد دى مشكله خامات ومع الوقت هتتغير
برغم العيوب بس هى افضل عربية فى الفئة السعرية دى
لو تقدر تزود هات حاجه احسن
شكرا ليكو...بس انا هجيب قسط و الفرق بينها و بين حاجة اعلي هيعلي جامد اوي القسط.....و انا شاب اه لسه بشق طريقي و شغلي في التجمع و ساكن في مصر الجديدة فا العربية دي هتستحمل وﻻ ...ثابتة وﻻ فراملها جامدة وﻻ الحاجات دي...و جزاكم الله خير
الصنى الجديده عربية ظريفه و.ممتعة فى القياده
بالنسبة للفرامل هى ممتازه بس هتحتاج تغير التيل تقريبا كل 10-15 الف و هتسمع صفاره تونسك شوية
الثبات لغاية 140 كويس جدا اكتر من كده العربية بتخف خاصة لو فيه رياح
انا لو منك افكر فى الشكل القديم هو اعتمادى اكتر و صاجه اقوى و ثباته احسن و خامات التيل بتاعته احسن و التسارع افضل خاصة انك شاب و مش محتاج الوسع بتاع الجديده
شكرا ليك يا باشا
يا د/ابراهيم اجيب ايه اعبي ؟ :s
بص انا معايا النيو صنى 2014 بصراحه حتى الان عامل 2300 ك ومفيش اى مشاكل معايا
سحب واستجابه ممتاز
ثبات ممتاز بس انا مش بتاع جرى اخرى 120
ناعمه وعفشه حلوه
واسعه جدا بتاعه عيله
لكن اهم عيوبها صاجها ضعيف مقارنه بالقديمه
اضف لذلك مشكله خامه التيل مش كويسه رغم انها لسه ماعملتهاش معايا
لكن حتى لو عملتها فاعتقد انها مشكله مش بتمس اساس العربيه لانها من المستهلكات واكيد التوكيل هيوصل لحل ويغير الخامه ان عاجلا او اجلا
فانت صلى استخاره بينها وبين الشكل القديم
وانا لو مكانك اجيب الشكل القديم واريح دماغى انا كنت حاجزها بس اللى خلانى اغير راى انها بدون فرامل abs بس فراملها كويسه جدا وبدون اموبلايزر ومانع السرقه غير كده كنت جبتها
-نصيحة من شاب لشاب أفتكر أني قلت لك بلاش :36_2_49[1]:
-دور في القسم ده على صني اول ما نزلت كانوا بيشكروا فيها ازاي و هي مشاكلها دلوقتي ايه هتعرف المنتدى رأي الناس صح و لا نفخ في العربية و خلاص
boss ya dr. na bardoo msh btta3 garyy awii na law.hagrii hyb2a a5ri 160 bas na m7tag tb3an abs w ebd wel hagat l 7lwa deh w isA aked hsalli est5ara w rbna ywagehnii ll 5eir inshAllah....shukran leeko game3an bas 3ayz mnnak talab a5eer framelha 7lwa b3'd ennzar 3an l teel aham haga tkon framelha 7lwa w shukran leeek ya doc.
برغم خامه التيل انما فراملها ممتازه و بتسعف
na sme3t n feeha mshakel f master l framel ?!
كان فيه مشكله فى الماستر فى الدفعات القديمة و تم حلها من زمان
عندي 2 زمايلي معاهم نيسان ..واحد اي اكس ومن ىوائل الناس اللي اشتروها ومش عامله معاه مشاكل غير الصوت وتغيي التيل كل 10 الالاف اما التاني كان معاه سوب صالون سوداء عمل بيها 17 الف وغير طنابير 3 مرات والله بتكلم بجد و راح التوكيل 5 مرات في السنه اللي اشتري فيها العربيه غير الصيانه العاديه وكان جايبها من ايام ماكانت ب 112 ولسه بايعها من شهر ب 108 الف
طب ولما الضمان يخلص؟؟!! طب هل انا شاري عربيه جديده عشان اطلع اجري علي التوكيل كل شويه ...لا طبعا ...اقل واجب العربيه تقعد 5 سنين ماتطلبش غير صيانه منتظمه وتغيير منطقي للقطع الاستهلاكيه ..دي راي والله اعلم
علي فكره انا لسه شاري الاوبترا من 7 اشهر و لما سالت صحبي ده اللي باعها قالي بلاش نيسان جديد....ولما سالت اللي معاه الاي اكس ماجنيش عقاد نافع وقعد يلف ويدور في حلقه مفرغه مفادها ان مفيش عربيه كامله وان كل حاجه لها عيوبها و كلام من ده و هما كانوا من اهم اسباب ابتعادي عن الصني الجديد
للأسف فى السعر ده مفيش بدائل
و الأبترا اللى حضرتك بتتكلم عليها اعرف اكتر من واحد بيشتكى منها
حتى البيجو 301 فيها نفس مشاكل الصنى بالنسبة لتغيير التيل كل شويه
من الاخر معتقدش ان اى غربية بالسعر ده هتكون اعتمادية او تستحمل او مفيهاش مشاكل
و من الاخر لو القصة رسيت على تغيير تيل كل 10 الاف كم يبقى زى الفل و كفاءة عشان باقى العربية من عفشة و كهربا و باور و تكيف و فتيس و موتور زى الفل