كنت عاوز اعرف فايدة دايود التكييف فى علبة الفيوزات ومنين اجيبه وسعره تقريبا كام؟
عرض للطباعة
كنت عاوز اعرف فايدة دايود التكييف فى علبة الفيوزات ومنين اجيبه وسعره تقريبا كام؟
الدايود عموماً وظيفته انه يسمح بمرور التيار الكهربى فى إتجاه واحد
ويمنع الراجع بتاع الكهرباء
سعره بيكون فى حدود ١٥ جنيه
هل الدايود موجود فى أى تكييف سيارة ؟ أنا أعرف ان الموحد هو الذى يسمح بمرور التيار فى اتجاه واحد هل الموحد هو نفسه الدايود ؟
الموحد اللى حضرتك قصدك عليه اللى بيحول التيار المتردد لتيار مستمر و هو بيتكون من 4 دايود متوصلين بشكل معين عشان يقوموا بالوظيفة ديه
الدايود عنصر مهم جدا من عناصر الاكترونيات و استخدامه غير مقصور على التكييف ولا على دايره التوحيد
الدايود ده فايدته انه يحمى كنترول العربيه او اى حاجه الكترونيه متغذية من العربيه
لان المعروف ان اى ملف كهربى لما تفصل عنه الكهرباء بيعمل كهرباء راجعه عكس التيار اللى كان مار فيه Fly-back current، فالدايود محطوط بالشكل ده عشان يفرغ الراجع اللى بيحصل لما تفصل الكلتش فى الارضى، طبيعى لما تحط مكانه فيوز انه يضرب اول ما تشغل الكمبريسور لانك بتعمل قفله على الفيوز
لو شلته الدنيا هتشتغل عادى و لكن الكارته بتاخد جرعه من التيار العكسى مع كل لحظه فصل كهرباء عن ملف الكلتش و فجاءة هوووب تلاقى الكارته ضربت محدش عارف ليه
ممكن ده ميحصلش خالص انت و رزقك لكن اى تصميم كهربى صحيح لازم الدايود ده يتحط لضمان الحمايه الكامله للكنترول
كلام سليم ولكن فين مكانة فى العربية وازاى اعرف انة باظ
يارت لو حد من الاعضاء الكرام يوضح لنا بالصورة ان امكن مكان فيوزرات الخاصة بالتكييف النوبيرا 2
ويارت كمان ازى نعرف ان التكييف وصل له كهرباء ام لا
مكانه فى علبه الفيوزات اللى فى الحوض اخر فيوز تحت على اليمين من الفيوزات الصغيره لو انت واقف وشك فى وش العربيه و حتلاقى رمزه المعروف على غطاؤء العلبه اللى هو سهم و متقاطع بخط صغير
اختباره ان توصله توالى فى اى دايزه بسيطه (مثال توصيل لمبه خارجيه على البطاريه و توحطه توالى فى الدايره المفروض يشتغل فى اتجاه و التجاه التانى لأ
شكرا لحضرتك أ / lutenit030
اتفضل بالصورة
http://nileup.com/up/uploads/nilemotors_13983787071.jpg