مبروووووووووووووووووووووو وووووك
بس لازم تورينا العربية صاحبة الانتصار العظيم دة
رقم العضوية : 1595
تاريخ التسجيل : 27Jul2007
المشاركات : 1,682
النوع : ذكر
الاقامة : egypt
السيارة: peugeot 205
السيارة[2]: peugeot 205
دراجة بخارية: None
الحالة :
السلام عليكم ورحمة الله وبركاته
كل سنة وانتوا طيبين ولو انها متأخرة
في العيد زي ما بعضكوا شاف الصور الي حطتها لعربيتي وانا راشش السقف وجزء من الكبوت أسود والعربية اصلا لونها أبيض ..
بعد العيد استخسرت ارجعها تاني .. (مش مسألة فلوس) .. الموضوع ان أنا شايف أنه من حقي أخلى لون عربيتي زي ما أنا عايز .. (يمكن لأنها عربيتي)
وطبعاااا زي ما كلنا عارفين أن المرور في الجمهورية بلا استثناء متعاون لأبعد الحدود
ففكرت أني أرخص العربية كده (لونين يعني) ولما سألت ناس مرخصة بالفعل لونين بس لونين آخدين العربية من النص بالكامل بالسقف والكبوت قالولي عادي جدا من حقك .. مع العلم اني مش عايز ارشها من النص زي ما الناس الي رخصت رخصت .. لأني عايز السقف بس وجزء من الكبوت ..
فقررت .. الآتي
إني أتفرغ ولو أسبوع للموضوع ده واجاهد فيه لحد ما أشوف ايه الي ممكن يوقفني ..
مع العلم ان دي أول مرة اروح المرور برجليا من غير ما أكون مضطر ..
وفعلا رحت يوم الأحد الي فات .. وخبيت العربية بعيد وسالت المهندس بتاع الفحص .. قالي وترش ليه سبها لون واحد أحلى :D تصوروا الموضوع طالما شايفها كده حلوة متغيرش لونها وقالي تعالى لما يكون الظابط موجود
وبعدها بشوية رجعت لقيت الظابط وكان الحوار
أنا : صباح الخير يا باشا
هو: بصة
أنا : انا كنت جيت لحضرتك عشان عايز ارخص لونين
هو: نعممممممممممم بتقول ايه
أنا : قلت كلامي السابق بالحرف وبثقة ويمكن ده الي ضايقه
هو : يعني ايه لونين ؟
أنا : لونين يا باشا الي هما بيبقى لون ولون تاني كده يعني :D طبعا انا عامل أهبل
وكلامي بمنتهى منتهى البرود .
هو: قالي آآآآآآه طيب لونين ايه بقه
أنا : أسود وابيض
هو : لأ مينفعش
أنا : قلتله هي الجالينا مش سقفها اسود بردو
هو : هي نازلة كده
أنا : الهوندا الاحمر في دهبي والبولو الاسود في احمر نازلين كده بردو ؟؟
هو : بس دي هتبقى تاكسي :cute: مرح لأبعد الحدود (بيغير الموضوع)
أنا : بابتسامه تدل على فكاكته .. لا يا باشا التاكسي عندنا أبيض وازرق :biggrinjester:
هو: طيب بص بقه انت تجبلي عينة
أنا : عينة !!!
هو: آه عينة من اللون
أنا : قلتله بكل برود عنيا الاتنين يا باشا الصح ميختلفش عليه اتنين
المهم رحت اشتريت غطاء تانك من بنك الاسكان ورحت رشيته اللونين ورجعتله بعدها بساعه بس :D
أنا : اتفضل يا باشا ادي العينة
هو: عينة ايه
أنا : معرفش انت الي طلبتها
هو : طيب بص يا بني عشان متغلبنيش انت تقدم طلب ولما تبقى تمضيه من رئيس إدارة التراخيص ابقى تعالى
طبعا ده عملا بمبدأ (أبقى قابلني لو جبت طلب ممضي بكلامك ده)
أنا : بكل برود .. عنيا يا باشا
دخلت صالة التراخيص
أنا : السلام عليكم
الظابط : وعليكم السلام
أنا : لو سمحت عايز اقدم طلب عشان ارخص لونين
الظابط : قدم حد ماسكك
أنا : اكتب فيه ايه الصيغة يعني
الظابط : اكتب الي انت عايزه
أنا : اوك شكرا
وكتبت
السيد / رئيس قسم التراخيص
برجاء التكرم بالموافقة على ترخيص سيارتي رقم .. الخ
لونين (أسود / أبيض) .. ولسيادتكم جزيل الشكر
بورسعيد تاريخ ....
ومضاه بصراحه انا استغربت ..
بصلي وقالي بدون رسومات أو أشكال أو الوان صدفية
قلتله طبعاااااا عز الطلب
شكرا يا باشا
ورجعت لصاحبنا تاني بعدها بــ 10 دقايق بالعدد :cute:
هو : ايه ده
أنا : الطلب الي انت طلبته
هو: ماشي ماشي
أنا : ابتسامه رخمةةةةة :D
هو : قام قالي ترش الكبوت بالكامل احنا مش هنعمل مهرجانات
أنا : تحت امرك يا باشا وسحبت الورق بتاعي ومشيت ع البوهيجي رشيت الكبوت ورجعت
أنا : تمام كده ؟؟
هو: انت مش بتزهق يا بني ؟؟
أنا : لأ :D
هو : دور العربية
أنا : دورتها
هو : دوس بنزين .. لأ لأ لأ لأ العلبة دي تتغير مينفعش دي
مخالفة بتطلع صوت عالي اوى ..
أنا : سحبت الورق تاني من ايده وقلتله كالعاده عنيا يا باشا :D
روحت الحرفيين غيرتها بالعلبة الاصلية بتاعتي الي كانت في شنطة العربية وسبتها عند الراجل قلتله راجعلك تاني اركبها ..
انا : غيرت العلبة يا باشا
هو: بقولك ايه .. اطلع بالعربية من الساحة خالص مش عايز اشوف عربيتك دي
أنا : والورق ؟؟
هو : طلع العربية وتعالى
أنا : تحت أمرك يا باشا :D هع هع
ورجعت تاني لقيته كتلي
اللون ابيض / اسود (كبوت وسقف)
وكتلي في ظهر ورقة الفحص يرجى الافادة عما اذا كانت البصمة الخاصة بالشاسيه صحيحة او لا .. حته غتاته يعني ..
هو : اتفضل ولو فيه اي حاجه تاني مش هعملها
أنا : شكرا يا باشا :cute:
هو: فين الطفاية ؟؟
أنا : كنت اساسا فحصت الطفاية قبل ما اروحله تحسبا للغلاسة ومعايا ورقة الفحص
هو : يلا يا كابتن اتفضل عندنا شغل وهو بيزعق
متعرفوش مضايق ليه ؟؟؟؟
والحمد لله ربنا قدرني ورخصت (ابيض/اسود) :smile:
أجمل حاجه حصلتلي النهارده :
المصروفات في المرور
10.50 نموذج فحص
10 رسوم استخراج رخصة
2 الفني الي رفع البصمة
المجموع 22.5 جنيه المفروض تدفعلهم في بلد محترمة وترخص
المصاريف النثرية
25 جنيه فك وتركيب الشكمان مع الاكرامية
50 رش كبوت وازالة اللون بعد الفحص
30 إكراميات في المرور
المجموع 105 جنيه
وطبعا بعد ما فحصت رجعت الكبوت زي ما انا عايز ..
اسف اني طولت بس فرحتي الي حاسسها فرحة واحد بيفرح لانتصار اي حد على المرور وحبيت اشارك معاكوا فرحتي دي.. وفي نفس الوقت تعرفوا انه ينفع بس مع الصبر ع الغتاته .. واسف لو كنت صدعتكوا
[rmade]http://www6.0zz0.com/2009/07/09/11/723881507.jpg[/rmade]
[justify]...
[/justify]
رقم العضوية : 13262
تاريخ التسجيل : 19Jun2008
المشاركات : 973
النوع : ذكر
الاقامة : Alexandria
السيارة: Not yet
السيارة[2]: KIA Picanto 2008
الحالة :
مبروووووووووووووووووووووو وووووك
بس لازم تورينا العربية صاحبة الانتصار العظيم دة
رقم العضوية : 2282
تاريخ التسجيل : 23Sep2007
المشاركات : 8,887
النوع : ذكر
الاقامة : Cairo ,Faisal st
السيارة: كانت lada 2107 1989
السيارة[2]: Daewoo Nubira2 2005 auto
دراجة بخارية: No
الحالة :
المهم الف مبروك على اللونين :)
عقبال اما تعملها موزايك وتقلبهاله فرح
قول الرسول صلى الله عليه وسلم: "خير النساء من إذا نظرت إليها سرتك، وإذا أمرتها أطاعتك، وإذا أقسمت عليها أبرتك، وإذا غبت عنها حفظتك في نفسها ومالك"
-- اللهم ارزقنيها --
رقم العضوية : 1595
تاريخ التسجيل : 27Jul2007
المشاركات : 1,682
النوع : ذكر
الاقامة : egypt
السيارة: peugeot 205
السيارة[2]: peugeot 205
دراجة بخارية: None
الحالة :
عنيا الاتنين ليك يا باشا
الصور هنا
http://www.nilemotors.net/Nile/showthread.php?t=4943
الله يبارك فيك blazer
[rmade]http://www6.0zz0.com/2009/07/09/11/723881507.jpg[/rmade]
[justify]...
[/justify]
رقم العضوية : 1716
تاريخ التسجيل : 12Aug2007
المشاركات : 12,834
النوع : ذكر
الاقامة : Egy
السيارة: ex polo ex lancer
السيارة[2]: Kia Cerato
الحالة :
عاشت بورسعيد حرة مستقلة
عاشت بورسعيد حرة مستقلة
عاشت بورسعيد حرة مستقلة
رقم العضوية : 1595
تاريخ التسجيل : 27Jul2007
المشاركات : 1,682
النوع : ذكر
الاقامة : egypt
السيارة: peugeot 205
السيارة[2]: peugeot 205
دراجة بخارية: None
الحالة :
ايه يا احمد ليه كده بس
المنطقة الحرة وهتتقفل خلاص :)
خليهم يسبونا نعمل الي عايزينه في عربياتنا وهيشوفوا ان fast & under ground وكل الحاجات دي ولا حاجه جمب الي هيحصل بجد :)
وبردو
عاشت بورسعيد حرة مستقلة :)
[rmade]http://www6.0zz0.com/2009/07/09/11/723881507.jpg[/rmade]
[justify]...
[/justify]
رقم العضوية : 15708
تاريخ التسجيل : 03Aug2008
المشاركات : 652
النوع : ذكر
الاقامة : الهرم
السيارة: AVEO2014
السيارة[2]: verna
الحالة :
ألف مبروك يامان
بس ايه الرخامة دي كلها ياراجل ده انا لو من الظابط اقولك مفيش ترخيص من الي عملته فيه ياراجل
بس اشطا عليك
رقم العضوية : 21011
تاريخ التسجيل : 04Oct2008
المشاركات : 195
النوع : انثى
الاقامة : Assiut
السيارة: Kia Cerato
السيارة[2]: Seat Leon
دراجة بخارية: None
الحالة :
ألف ألف مبرووووووووووك يا bee
تصدق أنا كنت عايزة أعمل رش أسود ع الكبوت والسقف ووالدي قاللي لأ المرور مش بيوافق ومليش دعوة بيكي وحبطني خالص
والله أنا أحييك
هم ملهمش غير المعاملة دي..برافو عليك
بس قوللي انت جبت منين القدرة انك تتحكم ف اعصابك وانت بتتعامل معاهم كدة
والعربية على فكرو ما شاء الله تحفة..تجنن
ربنا يحفظهالك
وإلى مزيد من الانتصارات
رقم العضوية : 2201
تاريخ التسجيل : 17Sep2007
المشاركات : 651
النوع : ذكر
الاقامة : ........
السيارة: .......
السيارة[2]: ..........
الحالة :
اقولك ليه عشان هو فشل فى انه ينكد عليك و يقرفك و يخليك تكره عشتك و يعقد لك الدنيا و يوقفهالك ....و الامور ديه كلها هى السبب اللى بيخليه يحس بقميته و انه ليه دور مؤثر و فعال فى حياة الاخرين حتى لو كان باذيتهم....ولو انه حقق جزء من ده بانه خلاك تروح و تيجى اكتر من مرة و تغير فى العربية و ترجع تلغى اللى انت غيرته و تتكلف تكلفة ملهاش اي لازمة ...الا انه برده ف النهاية فشل فى انه يشوف اثار الغيظ و الضيق عليك يعنى حس انه لا عرف يضايقك و لا ينكد عليك...بل العكس انت سعيد و فرحان...الاهم من ده كله انه ف الاخر مقدرش يمنعك تعمل اللى انت عايزه...ورخصتها ...و بعد كل ده ياراجل تقول زعلان ليه؟:( ده انا لو مكانه استقيل.
و بعد الرغى اللى انا قلته ده احب اقولك مبروك عليك الابيض و مبروك عليك الاسود و عقبال م اتروح ترخصها 20 لون مش اتنين و يكون نفس الظابط;)
بجد احييك انك صبرت و عرفت تسلك لوحدك بس طبعا قبل اى شىء احمد ربنا عشان مافيش حاجة بتم من غير تيسير منه.
رقم العضوية : 860
تاريخ التسجيل : 03Jun2007
المشاركات : 446
النوع : ذكر
الاقامة : Egypt
السيارة: لما الاقى مكان امشى فيه بالاولى
السيارة[2]: Nubira 2006 M
دراجة بخارية: Dual Sport Bikes
الحالة :
مبروك
و الى انتا عملتة دة نموذج للشخصية الايجابية
المفضلات