الموضوع: أريد شراء لانوس 2008 زيرو ما رأيكم وهل هناك سيارة زيرو أفضل وبنفس السعر؟

اللانوس كويسه بس مش ممتازه
البروتون ويرا بالنسبه لها ممتازه
الفيرنا ممكن يكون كان فيها مشاكل بس بيقولوا دلوقتي مفيش كلام من ده
لكن لو قولنا فيرنا زيرو سليمه ولانوس يبقى مفيش شك الفيرنا افضل
لولا الشنطه كما تفضل الاخ كيمو لكانت البيكانتو بدون اي عيب على الاطلاق
على فكره انا معايا لانوس 2003 وبقولك عن ثقة العربيه قطع غيارها كتير ورخيصه بس عمرها الافتراضي قليل جدا وعزلها سيء جدا وكمان اللي اعرفه ان ما بعد 2003 بقى مصري خالص ومليان مشاكل اكتر والله اعلم
بص من الاخر اسأل مجرب ولا تسأل طبيب لو رجع بيا الزمن هجيب بروتون ويرا وانا مغمض

جزاك الله خيرا علي النصيحة
و ألف شكر علي اهتمامك و الرد يا AboMaro
لكن قطع غيار بروتون ويرا بنفس سعر قطع غيار الآنوس ؟؟
و هل هي كوري ؟
و ما هي المميزات و العيوب؟؟
و شكرا مرة أخري علي اهتمامك و نقل خبرتك للمنتدي و لمن يحتاجه.

السلام عليكم..إسمحلي أرد على بعض الإستفسارات..
بالنسبة لأسعار قطع الغيار فهي أعلى نسبيا بس مش الفرق الجامد يعني..وفي حاجات أصلا أرخص..غير إن معظم قطع غيار اللانسر التسعينات تركب عليها!
وبلد المنشأ ماليزيا
مميزاتها:
ثبات-قوة صاج-صالون واسع-تكييف أكتر من ممتاز
عيوبها:
سعر إعادة البيع-شكل قديم شوية مع إنه برضه جميل وشيك-وواطية شوية بس دة من أسباب ثباتها!
بس في حاجة أحب ألفت نظرك ليها..إن مافيش ويرا 2008
ومدام حضرتك هتجيب حاجة زيرو يبقى خليك في اللانوس لأنها أنسب حاجة..أنا ركبي الفيرنا بصراحة هي حلوة..كنا 5 والعربية كانت جايبة 150 والRPM على 3700 تقريبا ومشغلين التكييف ولا حاسين بأي حاجة جوة!بس بصراحة لاحظت إن أي حاجة تخبط فيها من تحت بترن جوة العربية!
بس ناس كتير بتقول إن فيها مشاكل..رغم إن مافيش عربية بتخلى من المشاكل بس أنا ما أقدرش أفتي من مشوار واحد وكمان كنت راكب مش سايق..أرجو أكون أفدتك ولو قليلا وأسف على الإطالة

شكرا لك و و علي التفاصيل المهمة التي ذكرتها و انا استفدت منها كثيرا عن بروتون ويرا التي كنت لا أعرف عنها الكثير و طبعا انت أفدتني كثيرا لكن عندي سؤال بعيد عن السيارات عن سبب اختيارك للإسم damned_t لأنه يوحي بكلمة اللعنة باللغة الإنجليزية فهل هذا صحيح ؟؟ أم أنا مخطىء ؟ خصوصا أننا أمرنا ألا نلعن أي شىء لأن اللعن هو الطرد من رحمة الله .

ألف شكر يا أخي الفاضل Ahmad Allawy و جزاك الله خيرا علي الإهتمام والرد بمنتهي الإخلاص و الدقة في التفاصيل ، و أنا لي الشرف في رد عضو ذهبي علي تساؤلاتي ، لكن سؤال مهم عايز أعرف اجابته منك أو من أي شخص في المنتدي ... هل هناك فعلا فرق بين الموديلات القديمة و الجديدة في الآنوس و ما هي العيوب الموجودة في الجديدة و غير موجودة في الموديلات القديمة ؟؟ مع العلم أن الشركات دائما تحاول أن تتلافي عيوب التصنيع و تعدل في كل موديل حديث لكي تحقق أرباح ، طبعا بالإضافة للسمعة التي هي أساس نجاح سياسة البيع ؟؟

بصراحه انا ركبت لانوس قبل كده بس مش مقتنع بيها خالص بحس انها ضعيفه اوى وواطيه جدا ودى طبعا مشكله فى المشى فى شوارع المحروسه فممكن تدور على بديل تانى انا عن نفسى مقتنع جدا بالبيجو روا الايرانى هى مش منتشره بس طبعا البيجو معروف حتى لو ايرانى واعلى من اللانوس وفيها جميع الكماليات