أريد شراء لانوس 2008 زيرو ما رأيكم وهل هناك سيارة زيرو أفضل وبنفس السعر؟

**Ahmad Allawy** · 11-10-2008 03:13 AM

المشاركة الأصلية كتبت بواسطة mahmooodnageeeb

ألف شكر يا أخي الفاضل Ahmad Allawy و جزاك الله خيرا علي الإهتمام والرد بمنتهي الإخلاص و الدقة في التفاصيل ، و أنا لي الشرف في رد عضو ذهبي علي تساؤلاتي ، لكن سؤال مهم عايز أعرف اجابته منك أو من أي شخص في المنتدي ... هل هناك فعلا فرق بين الموديلات القديمة و الجديدة في الآنوس و ما هي العيوب الموجودة في الجديدة و غير موجودة في الموديلات القديمة ؟؟ مع العلم أن الشركات دائما تحاول أن تتلافي عيوب التصنيع و تعدل في كل موديل حديث لكي تحقق أرباح ، طبعا بالإضافة للسمعة التي هي أساس نجاح سياسة البيع ؟؟

يافندم سيبك من موضوع ذهبي ولا حشبي.. :) :)
اكتر من 80% من مشاركاتي كانت تساؤلات.. و الحمد لله اكتر من 90% من المعلومات اللي اعرفها متعلمها من اخوة افاضل هنا ف المنتدي.. يعني كلنا بنتعلم.. و محدش بيعرف كل حاجة..
المشكلة بقي انه هنا في مصر عشان مبقاش في حاجة اسمها دايو في اي حتة ف الدنيا. و خلاص عارفين انه ده اخر سنة هتتصنع فيها.. بقي شيء كبير جدا من الاهمال و اللامبالاة.. و عدم الاهتام بالعربية.. عشان كده كده هتتباع.. و خلاص مش هتقععد يعني..
ودي سياسة دايو ايجبت مصانع ابو الفتوح.. اللي هي خلاص بدأت تجمع الاسبيرانزا هنا و عايزين يخلصوا من الدايو دي بقي و خلاص..
غباء سياسي بعيد عنك.. بس هنقول ايه..
ويبقي انت اكيد اكيد في مصر.. :( :(

**ahmedfaid8181** · 12-10-2008 02:33 AM

بص يا فندم انا بفكر زيك بالظبط و برضة و سألت ناس كتير من اللي راكبين معظم العربيات و من المعلومات اللي قدرت اجمعها اقدر اقولك انك قدامك اختيارين
الاول : لانوس و الثاني هو افيو (الفرق 6 الاف جنيه) و الاتنين نفس الموتور علي فكره و ان كانت اللافيو اعلي علي الارض و عربية احلي من الانوس و انا محتار بينهم اوفر 6 الاف و اجيب الانوس و لا اخليني في الافيو

**محمود نجيب** · 12-10-2008 01:29 PM

الأخ الفاضل ahmedfaid8181
الفرق بين الآنوس والأفيو مش 6 آلاف جنيه فقط
الفرق الذي سوف تشعر به هو سعر كل قطعة غيار ستشتريها للسيارة الأفيو لأن أسعار قطع غيار الشيفورلية عموما ناااااااار و لا تقارن بأسعار قطع غيار الآنوس لأنها ببلاش ، طبعا أقصد رخيصة جدا بالمقارنة بالأفيو و زي ما حضرتك ذكرت أن الاتنين نفس الموتور و ميزة الإرتفاع عن الأرض والخامات الجيدة و الشكل الجديد في الأفيو تقابلها ميزة السعر الأرخص و قطع الغيار الرخيصة والمتوفرة و الصيانة الرخيصة و سهولة اعادة البيع بسعر جيد و توافر الميكانيكي اللي بيفهم فيها و حتي مصنعيته بتكون رخيصة يعني فكر ثم استخير الله و أتمني من باقي الأعضاء ذوي الخبرة في السيارتين أن يدلي كل منهم برأيه عسي أن تعم الفائدة و نستطيع اتخاذ القرار أنا و أنت و من هو في حيرة من أمره مثلنا و جزي الله خيرا كل من أتعب نفسه و كتب حرفا لنقل خبرته للمنتدي .

**محمود نجيب** · 16-10-2008 01:39 AM

فين آراء ذوي الخبرة ؟

**mohamedeed** · 16-10-2008 03:09 PM

طيب ما تزود شوية وتشتري الشيفورليه الافيو دي شكلها رائع وكتيير من اللي اشتروها شكروا فيها جدا
انا بجد نفسي اشتريها لكن لسة مستني شوية علشان دي بالنسبالي هتبقي سيارة العمر ويا عالم هغيرها امتي

علي فركة يا شباب دي اول مشاركة ليا وعرفت المنتدي الجميل دة من زميل ليا اسمة علي (ابو حمزة)

**mando_07** · 16-10-2008 04:03 PM

bos ya basha ana grbt ellanos w elverna tb3n elverna a7sn fe els7b w elac w asthak elbnzeen w shakl agdad hya elanos stable aktr ah bs ana lw mn mkank verna tb3n

**Ahmad Allawy** · 16-10-2008 08:57 PM

المشاركة الأصلية كتبت بواسطة mahmooodnageeeb

الأخ الفاضل ahmedfaid8181
الفرق بين الآنوس والأفيو مش 6 آلاف جنيه فقط
الفرق الذي سوف تشعر به هو سعر كل قطعة غيار ستشتريها للسيارة الأفيو لأن أسعار قطع غيار الشيفورلية عموما ناااااااار و لا تقارن بأسعار قطع غيار الآنوس لأنها ببلاش ، طبعا أقصد رخيصة جدا بالمقارنة بالأفيو و زي ما حضرتك ذكرت أن الاتنين نفس الموتور و ميزة الإرتفاع عن الأرض والخامات الجيدة و الشكل الجديد في الأفيو تقابلها ميزة السعر الأرخص و قطع الغيار الرخيصة والمتوفرة و الصيانة الرخيصة و سهولة اعادة البيع بسعر جيد و توافر الميكانيكي اللي بيفهم فيها و حتي مصنعيته بتكون رخيصة يعني فكر ثم استخير الله و أتمني من باقي الأعضاء ذوي الخبرة في السيارتين أن يدلي كل منهم برأيه عسي أن تعم الفائدة و نستطيع اتخاذ القرار أنا و أنت و من هو في حيرة من أمره مثلنا و جزي الله خيرا كل من أتعب نفسه و كتب حرفا لنقل خبرته للمنتدي .

اسعار قطع الغيار مفيهاش الفرق الرهيب اللي انت متخيله..
لأن الاساسيات تقريبا واحدة بتركب علي العربيتين.. في العفشة و الموتور..
مع العلم ان الموتور مش واحد.. و انا كنت فاكر كده برضه.. لكن صديق ليا معاه الافيو و راح و شاف بنفسه و قارن و سأل ف التوكيل..
لقي ان موتور الافيو احدث شوية و فيه اختلافات بسيطة عن اللانوس..
موضوع الصيانة برضه رخيص عشان هي مش عربية معقدة خالص..
وسعر اعادة البيع... دلوقتيو في الايام الجاية.. ممكن الافيو تمسك سعرها ف السوق اكتر من اللانوس..
عشان انضف و اشيك.. و كفاية انها لسة شغالة.. و اللانوس خلاص انتاجها اتوقف..

**محمود نجيب** · 19-10-2008 02:19 PM

أين بقية الأعضاء الذين اقتنوا لآنوس جديدة ؟
نحن بحاجة الي مشاركاتكم فلا تبخلوا علينا بكتابة بعض الأحرف علي لوحة المفاتيح .

و الموقع لتبادل الخبرات و ليس للحصول عليها فقط !

و بقدر ما تفيد غيرك سيوفقك الله الي معلومات تنفعك يوما ما ...
و شكرا لكل من ساهم في الرد

**mando_07** · 19-10-2008 09:55 PM

ya basha ellanos kuisa ah bs technology 2deema 5alas 7aram tgebha 2008 shoof elverna aw el aveo

**Ahmed Hamdy** · 19-10-2008 10:15 PM

طيب ما تشوف الفيات سيينا ..

هى تقفيل صينى بس ايه المشكلة ؟؟ ماهو فى مصنع فيات الصين ..

على كل الأحوال حتى لو مكانش ممتاز فحيكون أحسن من التقفيل المصرى سواء فى اللانوس أو الفيرنا ..

وفى عربيات هيونداى كتير دلوقتى تقفيل مصنع هيونداى الهند وتقفيلها كويس وأحسن من المصرى زى الفيفا ..

والفيات مواتير قوية وعفشة بتستحمل جدا ..