أريد شراء لانوس 2008 زيرو ما رأيكم وهل هناك سيارة زيرو أفضل وبنفس السعر؟

أريد شراء لانوس 2008 زيرو ما رأيكم وهل هناك سيارة زيرو أفضل وبنفس السعر؟
أرجو توضيح أسباب الترشيح لو كانت الاجابة سيارة أخري وما هو سبب تفضيلها علي الانوس
وجزي الله خيرا كل من أتعب نفسه و أدلي بالنصيحة :dull:

في الفيرنا والرينو اللوجان والاسبرانزا بس احسنهم اللانوس في نظري

اسبيرانزا طبعا او فرنا

نصيحه مخلصه لله تعالي ايييييييييييييييييييييييك والصيني ابعد عن الصيني تماما الدايو ثم الدايو والله يعمل الي فيه الخير

اقولك شىء كويس اوي اشتري الاسبيرانزا الa516 وادعيلي عربيه جامده اوي واللانوس ولا حاجه جنبها تكييف تاتش مرايات كهربا تسجيل ديجيتال سي دي ويام وفكك من اللي يقولك سيبك من الصيني

شكرا وجزاكم الله خيرا بس انا فعلا بخاف من السيارات الصيني زي ما قال الأخ الفاضل خالد و الفرنا اشتكوا منها كتير المعارف و الأصحاب و في الموقع كمان .
مش عارف انا كدا بضيق الاختيار علي نفسي ؟ بس انا بفكر في الكوري بـس ...طبعا لأنها علي أد الفلوس اللي معاي.
يا ريت اقتراحات أخري
ايه رأيكو في البيكانتو و السبارك و الا أخليني في الانوس ؟؟؟؟؟؟

ايه رأيكو بصراحة في الرينو اللوجان و هل هي صناعة كوري ؟؟؟؟؟؟؟؟؟
و هل هي أفضل من الانوس لأنها رينو الماركة المعروفة طبعا ؟؟ :thinking:

74 مشاهدة لسؤالي و ستة مشاركات فقط ؟؟؟ طيب ده أنا في أول مشاركة دعوت بالخير لكل من يدلي بنصيحته الخاصة ؟ امال لو مكنتش دعيت كنتو عملتو فيا ايه ؟؟
بلاش بخل بالنصيحة ( الدين النصيحة ) و لو للي مش طالبها و أنا محتاجها :cute:
و الموقع ده لتبادل الخبرات مش للإطلاع فقط أو الخبرة من طرف واحد .
بلاش بخل وردو لكن ماتفتوش لو متعرفوش
يعني الرد لمن يعرف و الإطلاع لمن لا يعرف .
و شكرا لمن يرد ولمن لا يرد .

بص يا ا/ محمود انا بصراحه ما اعرفش اللوجان كوري ولا لاءه

بس اللي اعرفه انها فرنساوي والفرنساوى قطع غياره غاليه جدا

ومش اى حد بيشغل في الرينو وليهم مكانيكيه قليلين ومتخصصين ده

اللي اعرفه عنها ... اما بالنسبه للاختيار فا انا برشحلك اللانوس لعده اسباب

1- قطع غيار متوفره بشكل غير عادي

2- قطع غيرها رخيصه نسبيا عن السيرات اللي في نفس الفئه

3-عربيه اثببت وجودها في الشراع المصري بشكل رائع

4- ماتور الدايو عموما معمر جدا لاقصي درجه قليل انك تسمع ان واحد عمل عمره والكلام ده

5-توكيل محترم جدا

ونصيحه من اخ والله ابعد عن الصيني نهائي والله عربيات فاشله جدا تاخد منها كامليات بس اداء انساه واخيرا ربنا يوفقك لما فيه الخير ليك

اه معلش نسيت اقولك راى في البيكانتو

بص هى عربيه هايله جدا وموفره للبنزين وعاليه عن الارض ومافيش حد اشتكى منها

بس يعتبر مافيهاش شنطه نهائي شنتطها صغيره بشكل غير طبيعى

يعني ما تنفعش في السفر نهائي يعني العربيه ديه تنفع عربيه شبابيه

مش عائليه او تنفع اسره صغيره مثلا لو انت مش هاتفرق معاك

قصه الشنطه يبقي اعمل صلاه استخرها بنها وبين اللانوس وتوكل على الله

اما عن الاسبارك فا انا معنديش خلفيه عنها للاسف ..وقد افتي من قال لا اعلم :D

ممكن حد تاني غيري يفيدنا في السبارك