الموضوع: ضروووري ! افضل طريق لاسكندرية من المنصورة ؟

ينفع كده مفيش رد خالص اروح عن طريق البحر اضمن ولا ايه بقا

المشاركة الأصلية كتبت بواسطة abofandy

بص يا صديقى بما ان احنا بلديات من المنصورة هقولك
انا عارف انا ردى جاى متاخر وزمانك رحت وجيت بالسلامه بس يله هقولك برضة

اكيد مفيش احلى من الطريق الساحلى بتاع جمصه
بس الكلام دة الصبح طبعا اول فى النور يا صديقى لان الطريق الساحلى يخوف باليل ومش امان اوى

طبعا الطريق الساحلى من بعد كوبرى المنصورة العلوى من تحته هتاخد الطريق الساحلى لحد مفارق جمصه وتدخل شمال المشكلة ان الطريق الساحلى بقى وحش من كتر المطبات الى بقت فيه وكدة بس مش مشكله لحد ما توصل جمصه هتاخد شمال وتمسك الطريق بقى دة سريع وجميل ومفيش مطبات لحد ما توصل الاسكندرية بالسلامه ان شاءالله



نيجى بقى للطريق الزراعى وهو بتاع المحلة - طنطا
هو طبعا امان علشان زراعى وكدة بس المطبات عليه كتير بس فى المجمل امان وممكن تسافر علية فى اى وقت عادى

شكرا ليك يا فندم على ردك ايا كان بدري او متأخر :) وانا فعلا الحمدلله روحت زراعي قبل المغرب بشوية ورجعت تاني يوم الصبح من الدولي