السلام عليكم
كنت عايز اعرف رايكم
المرة دى المشروع اخف واعتقد راس ماله اقل
مشروع موبايلات
خطوط + كروت شحن + اكسسوارات
حد يعرف المشروع مربح ولا لأ
والتكلفة والربح بيمشى ازاى
ولو حد عنده تجربة سابقة ياريت يفيدناااا
عرض للطباعة
السلام عليكم
كنت عايز اعرف رايكم
المرة دى المشروع اخف واعتقد راس ماله اقل
مشروع موبايلات
خطوط + كروت شحن + اكسسوارات
حد يعرف المشروع مربح ولا لأ
والتكلفة والربح بيمشى ازاى
ولو حد عنده تجربة سابقة ياريت يفيدناااا
متابع
بص انا هرد عليك
المشروع مربح جداً شرط توافر الاتي
1- مكان حيوي وكثافة سكانية عالية
2- راس مال محترم وبضاعة كتير ومنوعة
3-ى تشتغل بنفسك
4- تعمل كل خدمات الموبايل من اول الصيانة لغاية البيع والشراء
والمكسب بيبقى ممتاز في الاكسسوار فيه حاجات كتير بتكسب فيها كويس
الصيانة ممكن بالاتفاق مع حد بالعمولة
الموبايلات الصيني مكسبها عالى بالمقارنة بالسعر ... ياعني نسبة المكسب عالية
الموديلات المشهورة مكسبها قليل بس ظبط نفسك وانت تنزل بضاعة كتير اجل ويبقى المكسب بتاعها حلو لانه مش هيوقفلك راس مالك فيها
طيعاً اقل مكسب في كروت الشحن لو هتبيع بالسعر الرسمي ويفضل انك تبيع رخيص وتعمل زبون
تمام قوى
طيب ازاى اجيب الموبايلات الصينى جملة او رخيصة
وكمان الاكسسوارات اجيبها ازاى ومن فين
وكروت الشحن بالمرة :)
وياترى ايه تانى ممكن ابيعه
شارع عبد العزيز والشوارع الى وراه مش فاكر اسامي الشوارع الاكسسوار والموبايل وفيه مستوردين وموزعين كتير هيجولك لغاية المحل لو في مكان كويس وتجاري .
وكروت الشحن كل منطقة فيها موزعين للشركات ممكن تتصل بالشركات وتعرف اقرب موزع ليك
ايه ممكن تبيعه ؟؟ انت ممكن تبيع كل حاجة ليها علاقة بالموبايل وكمان التليفون المنزلي والانترنت وممكن ادوات كهربائية صغير بسيطة
اسف اني رفعت الموضوع لاني فتحت موضوع جديد وبعدين لقيت الموضوع دا وكنت عايز اعرف من الناس اللي ليها خبرة ازاي اقدر اخد توكيل معتمد إتصالات او فودافون او موبينيل مع العلم ان المحل في شارع رئيسي
وهل رأس مال حوالي 100 الي120 الف جنية كافية ..موبايلات واكسسوارات كمبيوتر ودش ورسيفرات
اولا المكان الحيوي
ثانيا البضاعه النضيفه وبتكون غاليه وبتتباع غاليه برضه
الاهم من كل ده بقي
معاملتك مع الزبون هي اللي حتعملك رجل
البضاعه ماليه المحلات بمختلف الاسعار
انما المعامله هي اللي بتفرق
لا هات البضاعه النضيفه وخليك متميز والزبون هو اللي حيتوافق معاك
وخد بالك كل ما المستوي المعيشي ارتفع الزبون ازداد عفانه واستخصار فيك هههههههههههههه
نقي منطقه متوسطه
مش شعبيه ولا توب ليفيل
علشان لو انت مبتديئ في الشغلانه التوب ليفل حيتعبك جدا
بس حيعملك فلوس كويسه وليهم معامله خاصه حتريحهم ويريحوك
والاجهزه الجديده مكسبها تعبان
والمستعمله مكسبها كويس بس وقعتها بفوره حتزعلك وتأثر علي سمعتك
فاحسنلك الاكسسوارات والصيانه هما دول اللي حيعملوا دخل المحل
ابعد عن الاكسسوار الشعبي خصوصا في الشواحن والحاجات الضروريه
او اديلها جنب صغير في المحل
وخلي الحاجات الهاي كوبي والفيرست كوبي هي اساسك