بقيت هونداوية و عندي كام سؤال عن السيتى 2009

**magic girl** · 22-04-2014 02:53 PM

سلام عليكم يا جماعة..

انا الحمد لله اشتريت عربية هوندا سيتي 2009 ، كانت ماشية 50 الف كم و كل الصيانات في الفطيم و حاجة تمام..

فيه كام نقطة عايزة اسأل عنهم بقى..

1- استهلاك البنزين على حسب العداد 6.3 لتر لكل 100 كيلو، انا حاسة ان كده كتير و ان مفروض على الأقل 1تبقى 7.5 ، ماهو بردو الواحد معملش ابحاث عن ال vtech على الفاضي -_- انا كل سواقتي في طرق سريعة، متوسط السرعة 100 ، ساعات لما بابقى مستعجلة باوصل 120 و 140 " الطرق مغرية بصراحة" .. بس عايزة اعرف فرق الاستهلاك هايبقى أد إيه لو مشيت على 90 او 100 مثلا؟

2- ايه احسن نوع زيت ممكن استعمله ؟ دبي الحرارة و الرطوبة فيها أعلى من مصر فعايزة نوع يستحمل.. خاصة اني يومياً مشوار الشغل رايح جاي 100 كيلو " يعني باقفل 2500 كم في الشهر و ساعات اكتر"

3- هل فيه اي عيوب معينة مفروض اخد بالي منها؟ او نصايح لحاجات مفروض او مش مفروض اعملها في العربية؟

**SAMEH_FOUAD** · 22-04-2014 04:03 PM

اهلا بيكى معانا فى عالم هوندا

, وربنا يباركلك فيها, وربنا يديكى خيرها ويكفيكى شرها

1- هو كل ماكان عدد اللترات اقل دة كان افضل , ومعناة ان العربية بتوفر فى البنزين كويس جداااا

الاستهلاك بيتحسن بمتوسط 80 كم زيادة فى التانك كلة فى حالة انك ثبتى سرعتك على 90-100 كم

2- طالما انتى فى درجة حرارة عاليا , ولسة المحرك معداش 100 الف كيلو , يبقى الافضل تحطى زيت 40-5w

انواع اية بقى , ممكن تشوفى ( شل - كاسترول )

وبردة ممكن تسألى فى التوكيل هناك هما بيفضلوا اية للعربية او ال recommended للهوندا سيتى اية هناك لانها بتختلف من بلد لبلد على حسب الطرق والجو ودرجة الحرارة

3- المفروض طبعا تكون عملتى check-up على العربية كامل ( من مياة ريدياتير - الكاوتش - البطارية - الفلاتر - تربيط عفشة - كشف على التيول الخاصة بالفرامل - وكشف على زيت الفتيس )

**Dr__Ahmed** · 22-04-2014 10:22 PM

نلاحظ يا جماعة نوع البزين المستخدم فى دبى
أكيــــــــــــــــد..اكيـ ـــــــــــــــــــــد ... افضل من هنا بمراحل
وده طبعا هيوفر فى البنزين جدا

**swimmer25** · 23-04-2014 03:47 PM

ألف مبروك عليكي السيارة..هوندا عربياتها جميلة

هم بيغيروا الزيت في الوكالة بزيت هوندا بتاعهم مخصوص للمواتير ال vtec إعملي الصيانة في التوكيل ودا يعتبر إستثمار عشان لما تيجي تبيعيها سعرها مينزلش جامد

وهتلاقي كمان الكتالوج مكتوب فيه نوع الزيت الموصى به

بالنسبة للبنزين..طبعا سرعة 100 هتقلل الإستهلاك أكتر من 140 وأنصحك بلاش تمشي في الشمال حتي لو ماشية 140 عشان كتير بيجروا بين الرادارات فوق ال 140 وممكن تتزنقي ومتعرفيش تتصرفي

ربنا يديلك خيرها ويكفيكي شرها